Background
ပြည်ပဆန်ဈေးကွက်ကို လေ့လာကြည့်ပါက ၂၀၂၂ ခုနှစ် နိုဝင်ဘာ ၂၈ ရက်တွင် Thai Rice Exporter Association Website ၌ ဖော်ပြချက်အရ ပါကစ္စတန် ဆန်ဈေးနှုန်းများမှာ ဧည့်မထ ၅ ရာခိုင်နှုန်း တစ်တန်လျှင် အမေရိကန် ဒေါ်လာ ၄၃၃ ဒေါ်လာ ဖြင့်လည်းကောင်း၊ ဧည့်မထ ၂၅ ရာခိုင်နှုန်း တစ်တန်လျှင် အမေရိကန်ဒေါ်လာ ၄၁၃ဒေါ်လာ ဖြင့်လည်းကောင်း ဖြစ်ပေါ်ခဲ့သည်ကို သိရှိရသည်။ ထိုင်းဆန် ဈေးနှုန်းများမှာ ၁၀ဝ ရာခိုင်နှုန်း ဘီဂရိတ်ဆန် တစ်တန် လျှင် အမေရိကန်ဒေါ်လာ ၄၅၇ ဒေါ်လာဖြင့်လည်းကောင်း၊ ဧည့် မထ ၅ ရာခိုင်နှုန်း တစ်တန်လျှင် အမေရိကန်ဒေါ်လာ ၄၄၀ ဒေါ်လာ ဖြင့်လည်းကောင်း၊ ဧည့်မထ ၂၅ ရာခိုင်နှုန်း ဆန်တစ်တန်လျှင် အမေရိကန်ဒေါ်လာ ၄၃၃ဒေါ်လာ ဖြင့် လ
မကွေးမြို့ ကန်သာဈေး၌ ရောင်းချလျက်ရှိသော ဂေါ်ဖီထုပ်၊ ပန်းဂေါ်ဖီ၊ အာလူး၊ မုန်လာဥနီ၊ မုန်ညင်းသီးနှံများမှာ ရှမ်းပြည်နယ် (အောင်ပန်းမြို့) မှ ဝင်ရောက်လျက်ရှိပြီး ရွှေဖရုံသီး၊ ရုံးပတီသီး၊ ပဲသီး၊ သံပရာသီး၊ ချဉ်ပေါင်ရွက်၊ ကန်စွန်းရွက်များမှာ မကွေးမြို့နယ် ချောင်းဖြူကျေးရွာ၊ မြင်းကင်းကျေးရွာ၊ မကျီးကန်ကျေးရွာများမှဖြစ်ကြောင်း သိရှိရသည်။
ကယားပြည်နယ်သည် လယ်ယာထွက်ကုန်သီးနှံဖြစ်သည့် ပြောင်းကို အဓိက စိုက်ပျိုးကြပြီး ယခုလအတွင်း အစေ့ထုတ်ပြောင်း ဈေးနှုန်းမှာ တစ်ပိဿာလျှင် ၉၂၀ ကျပ်ခန့်ဖြင့် ဈေးနှုန်း တည်ငြိမ်လျက်ရှိသည်။
ပြည်ဈေးကွက်သို့ ယခုတစ်ပတ်တွင် ဆောင်းနှမ်းများ စတင်ဝင်ရောက်နေသည်။ ဝင်ရောက်လာသောဒေသများမှာ ပေါက်ခေါင်း၊ နတ်တလင်းနှင့် ကံမဘက်မှ နေ့စဉ် တစ်နေ့လျှင် အိတ် ၂၀ဝ၊ ၃၀ဝခန့် ဝင်ရောက်လျက်ရှိပြီး မန္တလေးဝယ် လက်များကဝယ်ယူမှုရှိသဖြင့် ဝင်သလောက် အရောင်းအဝယ် ဖြစ်လျက်ရှိသည်။
ပြည်ဈေးကွက်တွင် ကြက်သွန်ဖြူ(ရှမ်းစ) လက်ကား(ပွဲရုံ)ဈေး တစ်ပိဿာလျှင် ကျပ် ၂၅၀ဝ-၂၈၀ဝ-၃၂၀ဝ-၃၆၀ဝ၊ လက်လီဈေး တစ်ပိဿာလျှင် ကျပ် ၃၈၀ဝ-၄၀ဝ၀၊ (ကြူကုတ်) လက်ကား(ပွဲရုံ)ဈေး တစ်ပိဿာလျှင် ကျပ် ၃၆၀ဝ-၃၈၀ဝ၊ လက်လီတစ်ပိဿာလျှင် ကျပ် ၃၈၀ဝ-၄၀ဝ၀ ဖြင့် ဈေးငြိမ်နေသည်။ ဈေးကွက်သို့ ရှမ်းပြည်နယ် တောင်ကြီး၊ အင်းလေး၊ ပင်းတယမှ ရှမ်းကြက်သွန်ဖြူများ နေ့စဉ်အဝင်ရှိသလို မန္တလေးဘက်မှလည်း ကြူကုတ်များ နေ့စဉ်အဝင်ရှိသည်။ တစ်နေ့လျှင် ကြက်သွန်ဖြူ ပိဿာချိန် ၂၀ဝ၀ မှ ၃၀ဝ၀ အတွင်း အဝင်ရှိပြီး ပုံမှန် အရောင်းအဝယ် ဖြစ်လျက်ရှိသည်။
လက်ရှိ ဈေးကွက်အတွင်း ရော်ဘာအမြင့်ဈေးသို့ ရောက်ရှိနေသောကြောင့် ဈေးကောင်းရရှိနေကြောင်း မြန်မာနိုင်ငံရော်ဘာစိုက်ပျိုးထုတ်လုပ်တင်ပို့ရောင်းချသူများအသင်းမှ သိရသည်။ ယမန်နှစ်များက ရော်ဘာတစ်ပိသာလျှင် ငွေကျပ် ၂၅၀ဝ မှ ၂၆၀ဝ အထိသာ ပေါက်ဈေးရှိသော်လည်း ယခု ၂၀၂၂ ခုနှစ်တွင်တော့ ငွေကျပ် ၄၅၀ဝ မှ ၅၀ဝ၀အထိ ပေါက်ဈေးရရှိနေခြင်းဖြစ်သည်။ မြန်မာနိုင်ငံအနေဖြင့် ပြည်တွင်းမှထွက်ရှိသည့်ရော်ဘာကို တရုတ်နှင့် ထိုင်းနိုင်ငံသို့ အဓိက တင်ပို့ရောင်းချနေခြင်းဖြစ်ပြီး မလေးရှား၊ အင်ဒိုနီးရှား၊ ကိုရီးယား၊ စင်ကာပူ၊ အိန္ဒိယနှင့် ဂျပန်နိုင်ငံများသို့လည်း တင်ပို့ရောင်းချလျက်ရှိကြောင်း သိရသည်။
လက်ရှိပြည်တွင်း အခေါက်ရွှေဈေးမှာ တစ်ကျပ်သား ကျပ် ၂၆ သိန်းကျော်ဖြင့် ဈေးငြိမ်နေကြောင်း ဈေးကွက်အတွင်းမှ သိရသည်။ဈေးကွက်အတွင်း လက်ရှိတွင် ဒေါ်လာဈေးနှုန်းများ ကျဆင်းနေသည့်အတွက် ရွှေအရောင်းအဝယ်မှာလည်း အေးနေကာ ပြည်တွင်းရွှေဈေး တစ်ကျပ်သား ကျပ် ၂၆၆၇၀ဝ၀ ဝန်းကျင်ဖြင့် အရောင်းအဝယ်ဖြစ်နေပြီး ကမ္ဘာ့ရွှေဈေးမှာတော့ တစ်အောင်စ ၁၇၅၃ ဒေါ်လာ ဖြစ်ကြောင်းသိရသည်။ထို့ပြင် လက်ရှိတွင် ၂၀၂၃ ခုနှစ်အတွက် ရွှေလုပ်ငန်းလုပ်ကိုင်ရန် လိုင်စင်သက်တမ်းတိုးသည့် လုပ်ငန်းရှင်ဦးရေ ၁၀ဝ ကျော် ရှိလာပြီဖြစ်ကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းက သိရသည်။ရွှေလုပ်ငန်းလုပ်ကိုင်ခွင့်လိုင်စင်များကို သက်တမ်းတစ်နှစ်သာ ပေးထားခ