အိတ်စပို့ နှမ်းဈေးအေးပေမဲ့ ပြည်တွင်းသုံး နှမ်းဈေးကောင်း အရောင်းသွက်နေတဲ့ အောင်လံနှမ်းဈေးကွက်

 အိတ်စပို့ နှမ်းဈေးအေးပေမဲ့ ပြည်တွင်းသုံး နှမ်းဈေးကောင်း အရောင်းသွက်နေတဲ့ အောင်လံနှမ်းဈေးကွက်         အောင်လံ စမုံနှမ်းနက်ဟာ အောက်တိုဘာလ တတိယပတ်က ၄၅ ပိဿာ တစ်အိတ်ကို ၁၂၅ဝဝဝ ကျပ် ဖြစ်ပေါ်နေရာက စတုတ္ထပတ်မှ ၁၁၅ဝဝဝ ကျပ်ကို ဈေးအေးလာပါတယ်။ ရိုးရိုးနှမ်းနက်ကလည်း သိပ္ပံနှမ်းနက်လိုဘဲ ယခင်အပတ် ၁ဝ၃ဝဝဝ ကျပ်က ယခုအပတ်မှာ ၉၅ဝဝဝ ကျပ်ကို ဈေးအေးလာပါတယ်။ နှမ်းဖြူ မှာလည်း ပြည်ပငွေလဲနှုန်းဈေးအေးလာခြင်း၊ ပြည်ပသီးနံှဈေးကျဆင်းလာခြင်းပေါ် မူတည်ပြီး၊ တစ်အိတ် ၇၃ဝဝဝ ကျပ်ဖြင့် အဝယ်ရှိသော်လည်း၊ ရောင်းလက်များက ဈေးစောင့်ကြလို့ အရောင်းအေးနေပါတယ်။ ပြည်တွင်းသုံးနှမ်းနီက ကုန်ကြမ်း လိုအပ်မှု မြင့်တက်လာတာနဲ့အမျှ မြို့ခံဆီစက်လုပ်ငန်းရှင်နဲ့ ပြည်မြို့လုပ်ငန်းရှင်တို့ ဝယ်ယူမှုအားကောင်းလာလို့ ယခင်အပတ်က ဈေးမာနေတဲ့ ၇၃၅ဝဝ ကျပ်မှ ယခု အပတ်မှာ ၇၅ဝဝဝ ကျပ်ထိ တရိပ်ရိပ်ဈေးမြင့်လာတာ တွေ့ရသလို နှမ်းဆီဈေးမှာ လည်း တစ်ပတ်အတွင်း တစ်ပိဿာကို ၃ဝဝဝ ကျပ်မှ ၃၃ဝဝ ကျပ်ထိဈေးမြင့်လာတယ်လို့ သိရပါတယ်။ အောင်လံနှမ်းဈေးကွက်ရဲ့ ယခုတစ်ပတ်ရောင်းဝယ်မှုက အိတ်စပို့ နှမ်းများက ဈေးအေး အရောင်းအေးနေပေမဲ့ ပြည်တွင်းသုံး နှမ်းနီကတော့ ယခင်အပတ်ထက် တစ်ဆတိုးပြီး တစ်ပတ်အတွင်း အိတ် ၃ဝဝဝ ခန့် အရောင်းအဝယ် ဖြစ်ခဲ့ပါတယ်။                                                                    ကျော်မင်း