ပင်လယ်ရေကြောင်းက နှမ်းတန် ၅ဝဝ ခန့် တင်ပို့

ပင်လယ်ရေကြောင်းက နှမ်းတန် ၅ဝဝ ခန့် တင်ပို့                  ယခုသီတင်းပတ် သြဂုတ်လ ၁၄ ရက်မှ ၂ဝ ရက်အတွင်း ပင်လယ်ရေကြောင်းက တရုတ်၊ ကိုရီးယားနဲ့ စင်ကာပူကို နှမ်းတန်ချိန် ၅ဝဝ ခန့် တင်ပို့မှု ရှိတာ တွေ့ရပါတယ်။ ပြည်ပပို့ကုန်ဝင်ငွေ အပြောင်းအလဲ အတက်အကျ ရှိပေမယ့် ပို့ကုန်ခွန်လျှော့ချပေးမှုကြောင့် ပြည်ပတင်ပို့မှု ပိုမိုလာတာ တွေ့ရပါတယ်။ လက်ရှိနှမ်းအသစ်များလည်း ဈေးကွက် ဝင်လာပြီဖြစ်လို့ လာမယ့် သီတင်းပတ်တွေမှာလည်း ပုံမှန်တင်ပို့မှု ရှိမယ်လို့ ခန့်မှန်းကြပါတယ်။                  လက်ရှိဘဏ္ဍာနှစ် ၂ဝ၁၁-၁၂ အတွင်း သြဂုတ်လ ၁၉ ရက်နေ့အထိ နှမ်းတင်ပို့မှု တန်ချိန် ၁၅ဝဝဝ ခန့် ရှိပြီး ယခင်ဘဏ္ဍာနှစ်ကာလတူက တင်ပို့မှုတန်ချိန် ၁၉ဝဝဝ ခန့်ရှိလို့ ယခုနှစ်တင်ပို့မှု လျော့ကျတာ တွေ့ရပါတယ်။ သြဂုတ်လ ၂၆ ရက် နှမ်း FOB ဈေးမှာ သိပ္ပံနှမ်းနက်တစ်တန် ကန်ဒေါ်လာ ၁၇၅ဝ-၁၈ဝဝ၊ နှမ်းနက်တစ်တန် ကန်ဒေါ်လာ ၁၄ဝဝ- ၁၄၅ဝ နဲ့ နှမ်းဖြူတစ်တန် ကန်ဒေါ်လာ ၁၂ဝဝ-၁၂၅ဝ အသီးသီးရှိကြောင်း သိရပါတယ်။ MIRT - MAPT