တရုတ်နိုင်ငံ မုန့်စားပွဲတော်အကြိုကာလဖြစ်၍ နှမ်းအဝယ်ရှိနေ

တရုတ်နိုင်ငံ မုန့်စားပွဲတော်အကြိုကာလဖြစ်၍ နှမ်းအဝယ်ရှိနေ                         သြဂုတ်လအတွင်း မူဆယ် ၁၀၅ မိုင် ကုန်သွယ်ရေးဇုန်မှ ကန်ဒေါ်လာ ၁၂ ဒသမ ၉၃၄ သန်းတန်ဖိုးရှိ နှမ်းမျိုးစုံ ၁၀၁၂၂ တန် အပို့ရှိခဲ့ပါတယ်။ အနီးစပ်ဆုံးကာလဖြစ်တဲ့ ဇူလိုင်လထက် ၈၀၅၅ တန်ခန့်နဲ့ ယမန်နှစ် ကာလတူထက် ၆၄၅၉ တန်ခန့် ပိုမိုတင်ပို့နိုင်ခဲ့ပါတယ်။                       ဘဏ္ဍာနှစ် ဧပြီလမှ သြဂုတ်လထိ ၅ လတာကာလမှာတော့ မူဆယ်မှ ကန်ဒေါ်လာ ၁၈ ဒသမ ၃၁ သန်း တန်ဖိုးရှိ နှမ်းမျိုးစုံ ၁၃၉၂၈ တန်တင်ပို့ထားပြီးဖြစ်ပါတယ်။ ယခုရာသီဟာ တရုတ်နိုင်ငံမုန့်စားပွဲတော် အကြိုကာလ ဖြစ်တဲ့အတွက် မုန့်စားပွဲတော်အတွက်လိုအပ်တဲ့ နှမ်းအဝယ်ရှိတဲ့ရာသီဖြစ်ပါတယ်။ ဒီနှစ်မှာ တရုတ်ဘက်က ဝယ်လို အားလည်းကောင်းနေတာ တွေ့ရပါတယ်။                      သြဂုတ်လအတွင်း ပြည်တွင်းနှမ်းဈေးနှုန်းများမှာ နှမ်းဖြူ ကျပ် ၇၆၂၀၉၀-၈၈၄၅၇၀ နဲ့ နှမ်းနက် ကျပ် ၉၅၂၆၁၄-၁၁၂၉၅၂ ရှိပြီး ရွှေလီဈေးမှာ နှမ်းဖြူ ၁ တန် ယွမ် ၇၅၀၀ မှ ၈၀၀၀ နဲ့ နှမ်းနက် ၁ တန် ယွမ် ၉၀၀၀ မှ ၉၂၀၀ ထိရှိခဲ့ပါတယ်။ MIRT(DOBT)