ပြည်တွင်းနယ်စပ်စီးပွားရေးရာ

                  မြန်မာ-အိန္ဒိယနယ်စပ်ရှိ တမူးနယ်စပ်မှ ကျပ် ၂၀ ဒသမ ၇၄၅ သန်းတန်ဖိုးရှိတဲ့ ကွမ်းသီၤး ၇ကန်ဒေါ်လာ သုည ဒသမ ၀၀၅ သန်းတန်ဖိုးရှိ ကွမ်းသီး ၂၃ တန်ကျော် အပို့ရှိခဲ့ပါတယ်။ ယခင်အပတ်ကထက် ကွမ်းသီးအစို ၁၅ တန်တင်ပို့မှု ပိုမိုခဲ့ပါတယ်။ တစ်ဖက်နိုင်ငံအနေနဲ့ ကွမ်းသီးလိုအပ်ချက်ရှိ သော် လည်း နယ်မြေအခြေအနေ နဲ့လုံခြုံရေးပေါ်မူတည်ပြီး တင်ပို့နေရတာဖြစ်ပါတယ်။MIRT(DOBT)

                        လိုင်စင်လျှောက်ထားပါက ဈေးနှုန်းဟာ အဓိကကျ ကြောင်း၊ မြို့နယ်အထွေထွေအုပ်ချုပ်ရေးဦးစီးဌာန ကိုယ်စားလှယ်၊ မြို့နယ်စည်ပင်သာယာရေးအဖွဲ့ ကိုယ်စားလှယ်၊ ကုန်သည်အသင်းကိုယ်စားလှယ်၊ ဈေးနှုန်း လျှောက်ထားတဲ့ ကုမ္ပဏီလုပ်ငန်းရှင်များ၊ OSS အဖွဲ့ဝင်ဌာနဆိုင်ရာများပါဝင် တဲ့ ဈေးနှုန်းညှိနှိုင်းရေးအဖွဲ့နဲ့ တင်ပို့တင်သွင်းမဲ့ပစ္စည်းရဲ့ ဈေးနှုန်းကို မိမိဘက်ပေါက်ဈေး၊ တစ်ဖက်နိုင်ငံပေါက်ဈေးပေါ် အခြေခံညှိနှိုင်းပေးလျက် ရှိကြောင်း၊ တရားဝင်ကုန်သွယ်မှု အပိုင်းအနေနဲ့ ကုမ္ပဏီတည်ထောင်ခြင်း၊ ပစ္စည်းတစ်ခုအား လိုင်စင်လျှောက်ထား ၍အခွန်ဆောင်ပြီးတင်သွင်းတင်ပို့ခြင်း၊ ပါမစ်ဖြင့် တင်ပို့တင်သွင်းခြင်းတို့ဖြစ်ကြောင်း၊ တရားမဝင် တင်သွင်းမှုများအား လမ်းကြောင်းမှန်ပေါ်ရောက်ရှိစေရေး စည်းရုံး ဆောင်ရွက်ကြရန်လိုအပ်ကြောင်း အောက်တိုဘာလ ၂၈ ရက်က ပြုလုပ်တဲ့ ကုန်သွယ်မှုမြှင့်တင်ရေး အစည်းအဝေး မှာ ကော့သောင်းစခန်းတာဝန်ခံ ဦးဇော်လွင်ဦးက ရှင်းလင်း ပြောကြားခဲ့ပါတယ်။ တရားဝင်တင်သွင်းမှုရှိမှသာ အစား အသောက်များအား FDA  စစ်ဆေးခြင်းဖြင့် ပြည်သူအတွက် ဘေးကင်းမှုအကျိုးခံစားခွင့်ရှိနိုင်မယ်၊ ပို့ကုန်တင်ပို့မှုအပိုင်းမှာ Value Added ပစ္စည်းများတင်ပို့နိုင်ရေး၊ ရော်ဘာတင်ပို့နိုင် ရေး ဝိုင်းဝန်းဆောင်ရွက်ကြရန် တိုက်တွန်းပြောကြားခဲ့တယ်လို့ လည်း သတင်းရရှိပါတယ်။                  ဒေသထွက် ပုံမှန်ပို့ကုန်များ တင်ပို့မှုအဖြစ် အမယ် သစ်များ ရှာဖွေတင်ပို့ရန်နဲ့ ပို့ကုန်ပမာဏတိုးမြှင့် တင်ပို့နိုင် ရေး ကြိုးပမ်းဆောင်ရွက်ကြရန်၊ ဌာနဆိုင်ရာများနဲ့ ကုန်သည် လုပ်ငန်းရှင်များက ဝိုင်းဝန်းကူညီ ဆောင်ရွက်ပေးကြရန် ကော့သောင်း အထွေထွေအုပ်ချုပ်ရေးမှူးကလည်း ပြောကြား ခဲ့တယ်လို့သိရပါတယ်။ ဌာနဆိုင်ရာများနှင့် ကုန်သည် လုပ်ငန်းရှင်များ အခက်အခဲရှိပါက One Stop Services အဖွဲ့မှ တစ်ဆင့် တင်ပြပေးကြရန်နဲ့ ကူညီဖြေရှင်းဆောင်ရွက် ပေးသွားမယ်လို့လည်း ဆက်လက်ပြောကြားခဲ့ပါတယ်။ စခန်းတာဝန်ခံညွှန်ကြားရေးမှူး ဦးဇော်လွင်ဦးက ဗုဒ္ဓဟူး နေ့တိုင်း နေပြည်တော်ရုံးချုပ်တွင် OSS အဖွဲ့ဝင် ဌာန ၆ ခုမှ ညွှန်ကြားရေးမှူးချုပ်များနဲ့ OSS အဖွဲ့ အစည်းအဝေး ပြုလုပ်ပြီး နယ်စပ်ကုန်သွယ်ရေးစခန်းများမှ တင်ပြသည့် အခက်အခဲများအား ညှိနှိုင်းဆုံးဖြတ်ပေးလျက်ရှိကြောင်း၊ အောက်တိုဘာ ၇ ရက်မှစ၍ ရန်ကုန်တိုင်းဒေသကြီးရုံးခွဲတွင် လယ်ယာထွက်ကုန်နဲ့ CMP ပို့ကုန်လိုင်စင်များ ဆောင်ရွက် ပေးလျက်ရှိကြောင်း၊ လိုင်စင်သက်တမ်းတိုးခြင်းကိုလည်း စခန်းမှ ကြေးနန်းဖြင့်ရုံးချုပ်သို့တင်ပြပြီး EICC ခွင့်ပြုချက်နဲ့ စခန်းမှပင် သက်တမ်းတိုးခွင့်ရရှိရေး ဆောင်ရွက်၍ရပြီဖြစ် ကြောင်း အသိပေးပြောကြားခဲ့ပါတယ်။                     ပဲ၊ ပြောင်း၊ နှမ်း၊ ဆီအုန်းကြိတ်ဖတ်များတင်ပို့နိုင်ရေး ကုန်သည်လုပ်ငန်းရှင်များ ကြိုးပမ်းဆောင်ရွက် ကြရန်နဲ့ လုပ်ငန်းများ လုပ်ဆောင်ရာမှာ အခက်အခဲအကျပ်အတည်းများ ရှိပါက အချိန်မရွေးတင်ပြနိုင်ကြောင်း၊ OSS ဝန်ထမ်းများ သတ်မှတ်အခကြေးငွေထက် ပိုမိုတောင်းခံခြင်း၊ လုပ်ငန်း နှောင့်နှေးကြန့်ကြာအောင်ဆောင်ရွက်ပါက အချိန်မရွေး တင်ပြနိုင်ကြောင်း စခန်းတာဝန်ခံကပြောကြားခဲ့တယ်လို့ သတင်းရရှိပါတယ်။ Source: နကသ၊(ကော့သောင်း)MIRT(DOBT)

                    မြန်မာ-တရုတ် နယ်စပ်ရှိ မူဆယ် ၁၀၅ မိုင်၊ ကုန်သွယ်ရေးဇုန်မှ တစ်ဆင့် တရုတ်နိုင်ငံသို့ နိုဝင်ဘာလ ၂ ရက်မှ ၈ ရက်ထိကာလအတွင်း ကန်ဒေါ်လာ သုည ဒသမ ၂၄၄ သန်းတန်ဖိုးရှိ ဖရဲသီး ၁၄၆၃ တန် အပို့ရှိခဲ့ပါတယ်။ ယခုနှစ် ဖရဲရာသီအဖွင့်ကို တန်ချိန် ၁၄၆၀ နဲ့ စတင် နိုင်ခဲ့တယ်လို့ သိရပါတယ်။ ဖရဲသီးအဖြူနဲ့ အကြားသီးများ အဝင်ရှိပြီး လားရှိုး၊ လှည်းကူး၊ ပခုက္ကူ၊ မြင်းမူ၊ မုံရွာ၊ ချောင်းဦးတို့ဘက်က ဖရဲသီး တွေ အဝင်များနေပါတယ်။ တစ်နေ့ ပျမ်းမျှတန် ၁၅၀ ကျော်ဝန်းကျင် အဝင်ရှိနေတယ်လို့ သိရပါတယ်။ ဖရဲသီးတစ်တန်ကို ယွမ် ၃၈၀၀ ခန့် ဈေးပေါက်လျက်ရှိပြီး တစ်တန်ကို သယ်ယူပို့ဆောင်စရိတ် (ကားခ)  ၇၅၀၀၀ ကျပ် ဝန်းကျင်ကျသင့်နေတယ်လို့ မုံရွာချောင်းဦးဒေသထွက် ဖရဲသမားအချို့ထဲက သိရပါတယ်။ MIRT(DOBT)

             တစ်ဖက်နိုင်ငံ မီဇိုရမ်ပြည်နယ်တွင် ပြည်နယ်အစိုးရမှ ထောက်ပံ့သောဆန်ကို အိန္ဒိယပြည်တွင်းမှ ဝယ်ယူရသည့် ကုန်ကျစရိတ်များသဖြင့် မြန်မာအိန္ဒိယနယ်စပ်ရှိ ရိဒ်နယ်စပ်မှ ဝယ်ယူနိုင်ရေး စုံစမ်းမှုများ ရှိနေတယ်လို့ အောက်တိုဘာ ၂၇ ရက်နေ့က ရိဒ်နယ်စပ်ကုန်သွယ်ရေးစခန်းမှာပြုလုပ်တဲ့ ကုန်သွယ်မှုမြှင့်တင်ရေး အစည်းအဝေးမှာ ကုမ္ပဏီဒါရိုက်တာ တစ်ဦးက ဆွေးနွေးခဲ့တယ်လို့ သတင်းရရှိပါတယ်။ ၤဥြ (ရိဒ်)ဆန်တစ်အိတ်လျှင် ရူပီး ၁၂၀၀ မှ ၁၅၀၀ ကြား ဈေး နှုန်းနဲ့ တန် ၅၀၀ခန့်၊ အိုက်ဇောမှာ မုန့်လုပ်သူအချို့ ကလည်း တစ်လလျှင် ဂျုံအိတ် ၂၀၀ ခန့် ဝယ်ယူလိုတယ်လို့ စုံစမ်းမှု တွေရှိနေတဲ့အတွက် နယ်စပ်ဖြတ်ကျော်ပုံမှန် ကုန်သွယ်မှု နည်းလမ်းနဲ့တင်ပို့ခွင့်ရလျှင် တင်ပို့လိုကြောင်း ဆွေးနွေး တင်ပြခဲ့ကြတာ ဖြစ်ပါတယ်။ ရိဒ်နယ်စပ်အနေနဲ့ ပို့ကုန်ပိုင်းမှာ ဝက်အရှင်၊ ကွမ်းသီး၊ ကုန်မျိုးစုံများ တင်ပို့မှုရှိပြီး သွင်းကုန် အနေနဲ့ ယူရီးယား၊ ပိုတက်ရှ် ဓာတ်မြေသြဇာနဲ့ ဆံပင်တို့ တင်သွင်းလျက်ရှိပါတယ်။Source: နကသ၊ MIRT(DOT)

              မြန်မာ-အိန္ဒိယနယ်စပ်ရှိ တမူးနယ်စပ်မှ ကန်ဒေါ်လာ ၀ ဒသမ ၀၀၅ သန်း တန်ဖိုးရှိ ကွမ်းသီးအစို ၇ ဒသမ ၆၀ တန်ကို အောက်တိုဘာလ ၂၆ ရက်မှ နိုဝင် ဘာလ ၁ ရက်ထိကာလအတွင်း အပို့ရှိခဲ့ပါတယ်။ ယခင်အပတ်ကထက် ၀ ဒသမ ၈၀ တန် တင်ပို့မှုလျော့နည်းခဲ့ပါတယ်။ ဝယ်ယူစုဆောင်းရရှိသမျှနဲ့ ဝယ်လက် အမှာပေါ် မူတည်ပို့နေရတယ်လို့ သိရပါတယ်။MIRT(DOBT)