ကမ္ဘာ့ဈေးကွက်မှာ ရော်ဘာဈေး တည်ငြိမ်စေရေး အတွက် မလေးရှားအစိုးရဟာ ရော်ဘာတင်ပို့မှုမှာ ဦးဆောင် နိုင်ငံများဖြစ်တဲ့ ထိုင်း၊ အင်ဒိုနီးရှားနိုင်ငံတို့နဲ့ ပူးပေါင်း ဆောင် ရွက်လျက်ရှိပါတယ်။ နယ်စပ်ဒေသ နဲ့ ဒေသတွင်း ဖွံ့ဖြိုးတိုး တက်ရေးဝန်ကြီး Datuk Seri Mohd Shafie Apdl   က ရော်ဘာ ထုတ်လုပ်မှုများသော်လည်း ဈေးကြီးမြင့်လွန်းပါက ရော်ဘာတုများကို ပြောင်းလဲအသုံးပြုသွားကြမည်စိုး၍ ယခု ကဲ့သို့ပူးပေါင်းဆောင်ရွက်ရခြင်း ဖြစ်တယ်လို့ ပြောကြားပါ တယ်။

စက်တင်ဘာလ ၃၀ ရက်မှ အောက်တိုဘာလ ၆ ရက်ထိကာလအတွင်းမှာ ကန်ဒေါ်လာသုညဒသမ ၅၉၁ သန်းတန်ဖိုးရှိ ရော်ဘာ ၂၃၄ တန်ကျော်ကို ပင်လယ်ရေကြောင်းကုန်သွယ်မှုမှ မလေးရှားနဲ့ တရုတ်နိုင်ငံသို့ အပို့ရှိခဲ့ပါတယ်။ မလေးရှားသို့ RSS-3 တန် ၄၀ နဲ့ တရုတ်သို့  MSR-20 ၁၉၄ တန်ကျော် တင်ပို့ခဲ့တာဖြစ်ပါတယ်။ ယခင်အပတ်ကတော့ တရုတ်နိုင်ငံသို့ MSR-20 ၁၉၄ တန်ကျော်သာ အပို့ရှိခဲ့တာမို့ ယခုအပတ်မှာ တန် ၄၀ အပို့ပိုခဲ့တယ်လို့သိရပါတယ်။ နိုင်ငံတကာရော်ဘာ ပေါက်ဈေးမှာ ကျရိပ်ရှိနေသော်လည်း ပြည်ပသို့တင်ပို့မဲ့ FOB ရော်ဘာဈေးနှုန်းများမှာ ယခင်အပတ်အတိုင်း ပြောင်းလဲမှုမရှိပါဘူး လို့ သိရပါတယ်။RSS-1 ၁ တန်ဒေါ်လာ၂၈၅၀ မှ ၂၉၅၀၊ RSS-3 နဲ့ MSR-20  ၁ တန် ဒေါ်လာ ၂၇၅၀-၂၈၅၀၊ RSS-5 နဲ့  MSR-50  ၁ တန် ဒေါ်လာ ၂၆၅၀-၂၇၅၀ နဲ့ Crepe Rubber ၁ တန်ကို ဒေါ်လာ ၂၆၀၀ မှ ၂၇၅၀ ဈေးနဲ့ ပြည်ပ သို့တင်ပို့နိုင်ကြတယ်လို့ မြန်မာနိုင်ငံရော်ဘာစိုက်ပျိုးထုတ်လုပ်သူများအသင်းမှ သတင်းရရှိပါတယ်။                       CMK

ဒီနှစ်ပြောင်းရာသီမှာ ရှမ်းမြောက်ပြောင်းများသာ မူဆယ်ကုန်စည်ဒိုင်သို့ အဝင် ရှိနေရာမှ ယခုအပတ် မှာ ရှမ်းတောင်နဲ့ရွှေဘိုဒေသထွက်ပြောင်းတွေ ပါဝင် လာနေပြီလို့ သတင်းရရှိပါတယ်။ အောက်တိုဘာလ ၃ ရက်မှ ၉ ရက်ထိကာလ အတွင်းမှာ ကန်ဒေါ်လာ ၃ ဒသမ ၇၈၆ သန်းတန်ဖိုးရှိ ပြောင်းဖူးစေ့ ၉၉၁၃ တန် ကျော်ကို  မူဆယ် ၁၀၅ မိုင်မှ တစ်ဖက်နိုင်ငံရွှေလီသို့ အပို့ရှိခဲ့ပါတယ်။ ယခင်အပတ် က မူဆယ်မှ တင်ပို့မှုထက် ၁၄၄၂ တန်ခန့်တင်ပို့မှု ပိုမိုခဲ့တယ်လို့သိရပါတယ်။ မူဆယ်ကို ယခုအပတ်အတွင်း ပြောင်းကားအစီး ၅၀ ပျမ်းမျှအဝင်ရှိပြီး အဝင်များတဲ့ နေ့မှာဆို ပြောင်းကားအစီး ၈၀ ဝန်းကျင်အထိအဝင်ရှိနေပါတယ်။ မိမိဘက် မြေပြင် ပြောင်းပေါက်ဈေး အနည်းငယ်သာကျသော်လည်း တစ်ဖက်မြေပြင်ဈေးများ ပြောင်း လဲမှု မရှိဘူးလို့ သိရပါတယ် -

ဧရာဝတီတိုင်းဒေသကြီးမှာ ၂၀၁၂ ခုနှစ် အောက်တိုဘာ ၉ ရက်အထိ မြို့နယ် ၁၄ ခု၊ ကျေးရွာအုပ်စု ၃၁ ခုမှ တောင်သူ ၅၃ ဦးဖြင့် စိုက်ဧက ၉၅ ဒသမ ၅၉ ဧက ရိတ်သိမ်းခဲ့ရာ ပျမ်းမျှအထွက်နှုန်း ၇၀ ဒသမ ၄၆ တင်းရရှိပြီး၊ အထွက်တင်း ၆၇၃၅ တင်းထွက်ရှိကြောင်း သိရပါတယ်။ ကန်ကြီးထောင့်မြို့နယ်မှာ အထွက်နှုန်း ၇၂ ဒသမ ၃၆တင်း၊ ကျုံပျော်မြို့နယ်မှာ အထွက်နှုန်း ၈၅တင်း၊ ရေကြည်မြို့နယ်မှာ အထွက်နှုန်း ၈၂ ဒသမ ၁၁၊ ကျောင်းကုန်းမြို့နယ်မှာ အထွက်တင်း ၇၅ ဒသမ ၃၅၊ မြန်အောင်မြို့နယ်မှာ အထွက်နှုန်း ၈၁၊  မြောင်းမြမြို့နယ်မှာ အထွက်နှုန်း ၆၃ ဒသမ ၈၆၊ မအူပင်မြို့နယ်မှာ အထွက်နှုန်း ၆၀ ဒသမ ၅၅၊  ပန်းတနော်မြို့နယ်မှာ အထွက်နှုန်း ၇၄ ဒသမ ၈၈၊ ညောင်တုန်းမြို့နယ်မှာ အထွက်နှုန်း ၇၂ ဒသမ ၅၀၊ ဓနုဖြူမြို့နယ်မှာ အထွက်နှုန်း ၇၄ ဒသမ ၂၅၊ ဖျာပုံ မြို့နယ်မှာ အထွက်နှုန်း ၇၀၊ ဘိုကလေးမြို့နယ်မှာ အထွက်နှုန်း ၄၅၊ ကျိုက်လတ်မြို့နယ်မှာ အထွက်နှုန်း ၅၂ တင်းနှုန်းထွက်ရှိကြောင်းသိရပါတယ်။ အများစုမှာ ၁ ဧက တင်း ၇၀ အထက်မှာ ထွက်ရှိတာတွေ့ရပါတယ်။ယခုရက်ပိုင်းအတွင်း ဘင်္ဂလားပင်လယ်အော် အနောက်မြောက်မှာဖြစ်ပေါ်သော လေဖိအားနည်းရပ်ဝန်းကြောင့် ဧရာဝတီတိုင်းဒေသကြီးမှာ မိုးများအုံ့ဆိုင်းနေ လို့ အချို့မြို့နယ်များမှာ မိုးရွာသွန်းမှုဖြစ်ပေါ်လျက်ရှိရာ ယင်းအခြေအနေများကြောင့် ကောက်စောစပါးရိတ်သိမ်းနယ်လှေ့မှုများ တုံ့ဆိုင်းသွားပြီး စပါးအရည် အချင်းများလည်း ထိခိုက်နိုင်ပေမဲ့ နိုဝင်ဘာ၊ ဒီဇင်ဘာမှာထွက်ပေါ်မယ့် စပါးအတွက် အောင်ရေရရှိလို့ စပါးများပိုမိုကောင်းမွန်နိုင်ကြောင်းသိရပါတယ်။ရီရီနိုင်ဝင်း