လယ်ယာထွက်ကုန်ပစ္စည်းသတင်း

တောင်ငူမြို့တွင် အခြေခံစားသောက်ကုန်များ၏ နိုဝင်ဘာ ဒုတိယနှင့် တတိယပတ်ဈေးနှုန်းများကို နှိုင်းယှဉ်ဖော်ပြလိုက်ပါသည်။ မြေပဲဆီမှာ တစ်ပိဿာလျှင် ကျပ် ၁၆၀ဝ၀ ဖြင့် ဈေးနှုန်း တည်ငြိမ် နေပြီး စားအုန်းဆီမှာ တစ်ပိဿာလျှင် ကျပ် ၅၂၀ဝ ဖြင့် ရောင်းချ လျက်ရှိသည်။

မကွေးတိုင်းဒေသကြီး ပခုက္ကူခရိုင် ရေစကြိုမြို့နယ်အတွင်း ဧရာဝတီမြစ်နှင့် ချင်းတွင်းမြစ်တို့ပေါင်းဆုံရာ မြစ်ရေကြီးချိန်တွင် ရေဝင်ရောက်သည့် ချင်းတွင်းမြစ်၏ အနောက်ဘက်ကမ်းကျေးရွာ များဖြစ်သည့် ကုန်းတလင်း၊ ဇီးကုန်း၊ ဇီးကုန်းကျွန်း၊ သူဌေးကုန်း နှင့် ကန်ဒေါင့်ကျေးရွာများတွင် မြစ်ရေကျချိန် စက်တင်ဘာလနှင့် အောက်တိုဘာလတို့တွင် မိုးစိုက် (ခေါ်) ဥစိုက် ကြက်သွန်နီများ အများအပြား စိုက်ပျိုးလျက်ရှိကြောင်း သိရှိရသည်။

ဆိပ်ဖြူမြို့ ကြက်သွန်နီဈေးကွက်သို့ စက်တင်ဘာ ၁၆ ရက်မှ ၂၁ ရက်ထိ နေ့စဉ်ကုန်ချိန် ပိဿာ နှစ်သောင်းခွဲခန့်၊ တစ်ပတ်အတွင်း စုစု ပေါင်း ပိဿာတစ်သိန်းခွဲခန့် ကုန်စည်ဒိုင်တွင် အရောင်းအဝယ်ဖြစ်ပြီး ဆိပ်ဖြူမြို့မှ ကုန်စည်စီးဆင်းမှုမှာ တစ်ပတ်အတွင်း ပိဿာ လေးသိန်းခန့် စီးဆင်းလျက်ရှိကြောင်း သိရှိရသည်။

အူပင်ခရိုင် မအူပင်မြို့နယ် ကျုံစုတ်ကျေးရွာသည် မအူပင်- ကျိုတ်လတ်ကားလမ်းမဘေးတွင် တည်ရှိပြီး စပါးစိုက်ပျိုးမှုတွင် ယခင်က ရေနက်ကွင်းများဖြစ်သောကြောင့် စပါးစိုက်ပျိုးမှု အခက် အခဲဖြစ်ခဲ့သည်။
မအူပင်-ကျိုတ်လတ်  ကားလမ်းမဘေးရှိ  ညောင်ဝိုင်း၊ အိုင်ဝိုင်း၊ အလန်းကြီး၊ မင်းဘော၊ ကျုံစုတ်နှင့် တာပါတ် အနောက် ကျေးရွာများသည် ယခုအခါတွင် ရေနက်ကွင်းများ၌ ဧပြီ၊ မေလ များတွင် မိုးစရွာပြီး  မြေဆီစိုသည့်အချိန်တွင်  ျွွှ ၁၁ စပါးမျိုး၊ ဆင်းသုခစပါးမျိုး၊ မနောသုခ စပါးမျိုးနှင့် ပြည်တော်ယဉ်စပါးမျိုး များကို စတင်စိုက်ပျိုးခဲ့သည်။

ပြည်ခရိုင်ရှိ နွေစပါးများမှာ ယခုစက်တင်ဘာလဆန်းတွင် ၁၅၁၀ဝ၀ဝကျပ်ဖြင့် ဈေးငြိမ်နေပြီး ဆန်ဈေးများမှာ ကျပ် ၆၃၀ဝ၀ ဖြင့် အရောင်းအဝယ်ရှိသည်။  နွေစပါးဈေးများမှာ   ယခင်နှစ်ဖြစ်သော  ၂၀၂၂ ခုနှစ်  စက်တင်ဘာလတွင် ကျပ် ၁၁၀ဝ၀ဝ၀၊ ဆန်တစ်အိတ်လျှင် ကျပ် ၄၈၀ဝ၀ ဖြင့် အရောင်းအဝယ်ရှိခဲ့သည်။