ဂျပန်ဗဟိုဘဏ်က ဆောင်ရွက် မည်ဟုယူဆရတဲ့ ငွေကြေးမူဝါဒတွန်း အားပေးအစီအစဉ်များ မှေးမှိန်လာတဲ့ အတွက် ထွန်းသစ်စငွေကြေးအများစု က စက်တင်ဘာ ၂၀ ရက်နေ့မှာ တန်ဖိုး ကျဆင်းခဲ့ပါတယ်။ ဒါပေမယ့် တချို့ငွေ ကြေးတွေ တန်ဖိုးမြင့်တက်နေတာကို ထိန်းချုပ်ဖို့ ဗဟိုဘဏ်တွေက ဝင်ရောက် ကိုင်တွယ်မဲ့ အလားအလာတွေရှိနေ သေးတဲ့အတွက်  နည်းနည်းသတိထား ပြီး ဆောင်ရွက်နေပါတယ်။ အမေရိကန် ပြည်ထောင်စု၊ ဥရောပနဲ့ တရုတ်နိုင်ငံ တွေရဲ့ စီးပွားရေးကိန်းဂဏန်းတွေက ကမ္ဘာ့စီးပွားရေးတိုးတက် မှုနှေးကွေးနေ တာကို  ပိုဆိုးလာနေတဲ့  သဘောမျိုး တွေ့နေရပါတယ်။ ဒါကြောင့် အာရှငွေ ကြေးတွေက  တစ်လကျော်အတွင်းမှာ ရက်သတ္တပတ်အလိုက်  တန်ဖိုးကျဆင်း မှုများပြားခဲ့ပါတယ်။

လက်ရှိသတ်မှတ်ထားသော ပေါ်လစီအတိုးနှုန်းသည် သင့်တင့်သောအနေ အထားတွင်ရှိ သဖြင့် နောက်ထပ်အတိုးနှုန်းလျှော့ချရမည့် ကိစ္စကိုတောင်ကို ရီးယား ဗဟိုဘဏ်အုပ်ချုပ်ရေးမှူးက အသေအချာသတိ ထားပြီး ဆောင်ရွက်မှာ ဖြစ်ပါတယ်။

ဂျပန်ယန်းငွေတန်ဖိုး မြင့်မားတာကြောင့် ဂျပန်နိုင်ငံရဲ့ ပို့ကုန်တင်ပို့မှုကိုလျော့ကျစေတဲ့အပြင် ကော်ပိုရေးရှင်းတွေရဲ့ အကျိုးအမြတ်တွေလည်း ကျဆင်းစေတယ်။ ဒါ့အပြင် စီးပွားရေးယုံကြည်ချက်လည်း ယိုယွင်းကျဆင်းနေလျက်ရှိရာ ဂျပန်ဗဟိုဘဏ်  (BOJ) အနေနဲ့ ယန်းငွေ တန်ဖိုးမြင့်တက်မှုကြောင့် ဖြစ်ပေါ်လာတဲ့ ဆိုးကျိုးတွေကို ဂရုတစိုက်လေ့လာထိန်းချုပ်ဖို့ လိုအပ်တယ်လိ့ု BOJ  Masaaki Shirakawa  က ပြောကြားတယ်။ လွန်ခဲ့တဲ့ ငါးနှစ်အတွင်း ဂျပန်ယန်းက ကန်ဒေါ်လာနဲ့လဲလှယ်ရာမှာ တန်ဖိုး ၄၅ ရာခိုင်နှှုန်းဝန်းကျင် မြင့်မားခဲ့တယ်။ ဒါကြောင့် Sony နဲ့ Toyota  ကော်ပိုရေးရှင်းများ အပါအဝင် ပို့ကုန်တင်ပို့သူတွေရဲ့ အကျိုးအမြတ် ကျဆင်းခဲ့တယ်။

ယခုတစ်ပတ်အတွင်းတွင် ငွေလဲစင်တာများ၌ ဈေးနှုန်းမှာ တည်ငြိမ်နေခဲ့သော်လည်း ပြင်ပငွေဈေးကွက်တွင်မူ အနည်းငယ် ဈေးကျခဲ့သည်ကို တွေ့ရသည်။ ပုဂ္ဂလိကဘဏ်များ၏ ငွေလဲစင်တာများတွင် အမေရိကန် တစ်ဒေါ်လာလျှင် ရောင်းဈေး ၈၆၇ ကျပ်၊ ဝယ်ဈေး ၈၆၄ ကျပ်ဖြင့် ရောင်းဝယ်နေခဲ့သော် လည်း ပြင်ပငွေဈေးကွက် တွင်မူ စက်တင်ဘာ ၃ ရက်က ရောင်းဈေး ၈၆၁ကျပ် ဝယ်ဈေး ၈၅၉ ကျပ်ဖြင့် ရောင်းဝယ်ခဲ့သည်ကိုတွေ့ရသည်။ စက်တင်ဘာ ၇ ရက်တွင်မူ ရောင်းဈေး ၈၇၁ ကျပ် ဝယ်ဈေး ၈၆၉ ကျပ်ဖြင့် အရောင်းအဝယ်ဖြစ်ခဲ့သည်။