ပြည်တွင်းငွေချေးငွေဘဏ်တွေမှာ ရေရှည်ချေးယူငွေများအတွက် ကြိုတင် အာမခံပေးထားတဲ့ နိုင်ငံခြားငွေများ အလုံအလောက်ရှိနေတဲ့အတွက် တောင် ကိုရီးယားဘဏ်တွေက ဇွန်မှာ နိုင်ငံခြားကြွေးမြီတွေ ကို ပြန်လည်ပေးဆပ် နိုင် ခဲ့ကြောင်း တောင်ကိုရီးယားဘဏ္ဍာရေးကြီးကြပ်မှုအဖွဲ့က ဇူလိုင် ၁၂ ရက်က ပြောကြားပါ တယ်။

    အမေရိကန်ပြည်ထောင်စုရဲ့ အလုပ် အကိုင်နဲ့ ပတ်သက်တဲ့ စာရင်းဇယား တွေမထုတ်ပြန်မီ ရင်းနှီးမြှုပ်နှံသူတွေ က ငွေများကို ပြန်ထုတ်ကြတဲ့အတွက် ကမ္ဘာ့အဓိကဗဟိုဘဏ်ကြီးသုံးခုက ငွေ ကြေးဆိုင်ရာမူဝါဒများကို ဇူလိုင် ၅ ရက် ကလျှော့ချခဲ့ပေမဲ့ အာရှငွေကြေးတွေက ဒေါ်လာ၊ ယူရိုတို့နဲ့ ဖလှယ်ရာမှာ တန်ဖိုး ကျဆင်းခဲ့ပါတယ်။

    အာရှဒေသတွင်းငွေကြေးများ သုံး လပတ်အလိုက်ဈေးနှုန်းကျဆင်းမှုများ ရှိနေပေမဲ့ စပိန်နဲ့အီတလီမှာ ဘဏ္ဍာ ရေးအခက်အခဲ များကိုလျော့ကျအောင် ဆောင်ရွက်ဖို့ ဥရောပခေါင်းဆောင် များက မမျှော်လင့်ဘဲသဘောတူခဲ့ကြ ပြီးနောက် ရင်းနှီးမြှုပ်နှံသူများက ရောင်း ထားသောငွေကြေးများကို ပြန်ဝယ်ခဲ့ ကြပါတယ်။ ဒါကြောင့် ဇွန်၂၉ ရက် မှာအာရှငွေကြေးအများစုတန်ဖိုးပြန် တက်လာတာကိုတွေ့ ရပါတယ်။ စင် ကာပူဒေါ်လာနဲ့ မလေးရှားရင်းဂစ်တို့ရဲ့ တန်ဖိုးများ  မြင့်တက်လာခဲ့သလို လ အကုန်မှာ   ပို့ကုန်လုပ်ငန်းရှင်များ က တောင်ကိုရီးယားဝမ် ကို  ပြန်ဝယ်တဲ့ အတွက် ဝမ်ဈေးမြင့်တက်ခဲ့ပါတယ်။

       အီးယူဒေသကြွေးမြီအကျပ်အတည်းကြောင့် ကမ္ဘာ့စီးပွားရေးတိုးတက်မှုထိခိုက်ကာ ပြည်ပဝယ်လို အား လျော့ကျမယ်လို့ ခန့်မှန်းနေကြချိန်မှာ တရုတ်ဗဟိုဘဏ်က ယွမ်ငွေလဲလှယ်တဲ့ အညွှန်းနှုန်းကို လျှော့ချလိုက်ရာ တရုတ်ယွမ်ငွေက ခုနစ်လအတွင်း အနိမ့်ဆုံးနှုန်းကို ရောက်ရှိခဲ့တယ်။