ကူးသန်းရောင်းဝယ်ရေးဘဏ်များကို ပိုမိုတင်းကျပ်သော ထိန်းသိမ်းကွပ်ကဲရေး စည်းမျဉ်းဥပဒေများ အကောင်အထည်ဖော်ခြင်းကို တရုတ်အစိုးရရွှေ့ဆိုင်းထားခဲ့ပါ တယ်။ တစ်ရိပ်ရိပ်မြင့်တက်နေသော ကမ္ဘာ့စီးပွားရေး မရေရာ မှုကြောင့် စီးပွားရေး ဆက်လက်နှေးကွေးေ နတဲ့အတွက် ဒုတိယအကြိမ်ဆက်လက်ရွှေ့ဆိုင်းခဲ့ခြင်း ဖြစ်ပါ တယ်။ ကမ္ဘာ့ထိန်းသိမ်း ကွပ်ကဲရေး စံနှုန်းများကိုအခြေခံထားသော စည်းမျဉ်းဥပဒေ သစ်များကို နိုင်ငံတော် ကောင်စီ (ဝန်ကြီးအဖွဲ့) က ဇွန် ၆ ရက်က ကြေညာခဲ့ပါတယ်။ ဒီ စည်းမျဉ်းမှာ ငွေထုတ်ချေးသူ ရဲ့ ငွေအရင်းအနှီး လုံလောက်မှုလျာထားချက် များ၊ ချေးငွေဖြည့်ဆည်းမှုနဲ့ ငွေဖြစ်လွယ်မှုအခြေအနေများကို သတ်မှတ်ပြဌာန်းထား ပြီး ၂၀၁၃ ခုနှစ်ကစပြီး အကျိုးသက်ရောက်မှု ရှိမှာ ဖြစ်ပါတယ်။

      အီးယူဒေသနိုင်ငံတွေမှ ခေါင်းဆောင်တွေအနေနဲ့ ၎င်းတို့ရဲ့ ကြွေးမြီအကျပ်အတည်းကို  ဘယ်လိုရင်ဆိုင် ဖြေရှင်းရမယ် ဆိုတဲ့ ဆွေးနွေးမှုတွေအတွက် သဘောတူညီမှုမရသေးခြင်း၊ အမေရိကန်ရဲ့ အလုပ်လက်မဲ့ဦးရေ တိုးလာခြင်းနဲ့ တရုတ်နိုင်ငံမှာ ကုန်ထုတ်လုပ် မှုမဟုတ်တဲ့ လုပ်ငန်းတွေရဲ့ တိုးတက်နှုန်းကျဆင်းခြင်းတို့ကြောင့် ကမ္ဘာ့စီးပွားရေးနှေးကွေးနေမှုအပေါ် စိုးရိမ်ပူပန်မှုပိုမို လာကြတယ်။

    တရုတ်နဲ့ ဂျပန်နိုင်ငံတို့က ဇွန် ၁ ရက်ကစပြီး ငွေကြေးတိုက်ရိုက်ကုန်သွယ်မှုကို စတင်ခဲ့ပါတယ်။ယခုလှုပ်ရှားမှုကတစ်စစ ကြီးထွားနေတဲ့စီးပွားရေးထိုးနှက်ချက်ကို ဖြေ ရှင်းနိုင်ဖို့ယွမ်ငွေကြေးခရီးလမ်းမှာ တရုတ်နိုင်ငံက ခြေတစ်လှမ်းကို စတင်လိုက်တာ ဖြစ်ပါတယ်။ ဈေးကွက်ထဲမှာ ပါဝင် လှုပ်ရှားနေသူတွေက ဒေါ်လာကို ကြားခံအနေနဲ့ ထားနေစရာမလိုဘဲ တရုတ်ယွမ်နဲ့ ဂျပန်ယန်းကို တိုက်ရိုက်ဖလှယ်နိုင်တော့မှာ ဖြစ် ပါတယ်။ ဒါကြောင့် နိုင်ငံခြားကုန်သွယ်မှု ငွေပေးချေရာမှာ ပိုမိုအဆင်ပြေပြီး ကုန်ကျ စရိတ်တွေလည်း လျော့ကျလာမှာ ဖြစ်ပါတယ်။

    အိန္ဒိယနိုင်ငံရဲ့ စုစုပေါင်းပြည်တွင်း ထုတ်လုပ်မှု (ဂျီဒီပီ) ကိန်းဂဏန်းများ ကျဆင်းနေပြီး နောက်ပိုင်း အိန္ဒိယရူပီး တန်ဖိုးသည် မေ ၃၁ ရက်က တစ်ဟုန်ထိုးကျဆင်းခဲ့ပြီး  BSE Sensex အညွှန်းကလည်း ကျဆင်းခဲ့ပါတယ်။ မနက်ပိုင်း ဈေးကွက်မှာ ရူပီးတန်ဖိုးက စံချိန်တင်အနိမ့်ဆုံးဖြစ်တဲ့ ၅၆ ဒသမ ၅၂ ရူပီးနှုန်းအထိ ကျဆင်းပြီးနောက် တစ်ဒေါ်လာကို ၅၆ ဒသမ ၀၈ ရူပီးထိ ပြန်ရောက်လာပါတယ်။ ရူပီးဈေးက မေ ၃၀ ရက်က တစ်ဒေါ်လာကို ၅၆ ဒသမ ၂၃ ရူပီးနှုန်းရှိ ခဲ့ပါတယ်။