Background
မေ ၂၃ ရက်မှာ ဂျပန်ဗဟိုဘဏ်က သူရဲ့ငွေကြေး မူဝါဒကို ပုံမှန်အတိုင်း မပြောင်းမလဲဘဲဆက်လက်ထား ရှိခဲ့ပါတယ်။ အားလုံးမျှော်လင့်ထားသည့်အတိုင်း ဗဟိုဘဏ်ရဲ့ ပင်မ မူဝါဒ အတိုးနှုန်းကို သုညကနေ သုည ဒသမ ၁ ရာခိုင် နှုန်းအကြား တစ်ညီတစ်ညွတ်တည်း ဆန္ဒမဲဖြင့်သတ်မှတ် ထားပြီး လွန်ခဲ့သောလက ငွေကြေးမူဝါဒကိုလျှော့ ချ ထားခဲ့ပြီးနောက် နောက်ထပ်ေ ငွကြေးတွန်းအားပေး အစီ အစဉ် ဆောင်ရွက်ရေးကိစ္စကိုထိန်းထားပါတယ်။
ပြီးခဲ့တဲ့ရက်သတ္တပတ်အတွင်းက တက်ရိပ်ပြလာခဲ့တဲ့ အမေရိကန်ဒေါ်လာ ဈေးကွက်ဟာ အခုတစ်ပတ်မှာတော့ ဈေးအနည်းငယ်အတက်အကျ များရှိလာခဲ့ တာ တွေ့ရပါတယ်။ မေ ၁၈ရက်က ရောင်ဈေး ၈၄၂ကျပ် ဝယ်ဈေး ၈၃၂ကျပ်ဖြင့် ဈေးပိတ်ခဲ့ရာ ဈေးပြန်ဖွင့်သည့် မေ ၂၁ ရက်တွင် ရောင်းဈေး ၈၄၄ကျပ် ဝယ်ဈေး ၈၃၂ကျပ်ဖြင့် ဈေးဖွင့်ခဲ့သည်ကို တွေ့ရသည်။ ယင်းဈေးသည် ဗဟိုဘဏ်မှသတ် မှတ်ပေးသည့် သိမ်ဖြူငွေလဲစင်တာတွင် ဖြစ်ပေါ်ခဲ့သည့်ငွေလဲနှုန်းဖြစ်ရာ ယင်းငွေ လဲနှုန်းကိုအခြေခံ၍ ပုဂ္ဂလိကဘဏ်များက ဈေးနှုန်းကိုသတ်မှတ်ခဲ့ကြသည်။
တရုတ်နိုင်ငံရဲ့ ဧပြီလအတွက် စီးပွားရေးအညွှန်းကိန်းတွေကို မေ ၁၀ ရက်နဲ့ ၁၁ ရက်တွေမှာ ထုတ်ပြန်ခဲ့ရာ စီးပွားရေးပညာရှင်တို့ ခန့်မှန်းထားတာထက် ပိုမို ကျဆင်းခဲ့တာကို တွေ့ရပါတယ်။ ဒါကြောင့် စီးပွားရေး ကိုတွန်းအားပေးနိုင်အောင် ကြိုးပမ်းတဲ့အနေ နဲ့ ငွေကြေးမူဝါဒတွေကို လျှော့ချပေးမှာဖြစ်ကြောင်း တရုတ် ဗဟိုဘဏ်က မေ ၁၂ ရက်က ကြေညာပါတယ်။
ထိုင်းနိုင်ငံရဲ့ စီးပွားရေး ခိုင်ခိုင်မာမာ ပြန်လည်နာလန် ထူလာတဲ့အခါ အတိုးနှုန်းတွေတိုးမြှင့်ပေးနိုင်အောင်နဲ့ ဘဏ္ဍာ ရေး တွန်းအားပေးအစီအစဉ်တွေ ရပ်ဆိုင်းထားနိုင်အောင် အသင့်ပြင်ဆင်ထားသင့်ကြောင်း အပြည်ပြည်ဆိုင်ရာ ငွေ ကြေး ရန်ပုံငွေအဖွဲ့ (အိုင်အမ်အက်ဖ်) က ပြောကြားပါတယ်။
ဂရိနိုင်ငံယူရိုဇုန်မှ ထွက်ခွာမဲ့အလားအလာများနဲ့ ဖြစ်ပေါ် လာမဲ့ ပြဿနာများကို ဖြေရှင်းရမည့်ကိစ္စကို ဥရောပ တစ်လွှားရှိ ဗဟိုဘဏ်တို့က ဆွေးနွေးနေကြပြီဖြစ်ကြောင်း ဆွီဒင်နိုင်ငံမှ Risksbank ဒုတိယဗဟိုဘဏ်အုပ်ချုပ်ရေးမှူး ပါဂျန်ဆန်က ပြော ကြားပါတယ်။
အမေရိကန်ဘဏ်ဈေးကွက်အတွင်းသို့ ဝင်ရောက်ရန် တရုတ်ဘဏ်ကြီးသုံးခုကိုအတည်ပြုပေးခဲ့ကြောင်း အမေရိ ကန်ဗဟိုဘဏ်က မေ ၁၀ ရက်မှာ ကြေညာခဲ့ပါတယ်။ တရုတ်နိုင်ငံတွင် အကြီးဆုံးဘဏ် တစ်ခုဖြစ်တဲ့ International and Commerical Bank of China ( ICBC ) ၊ Bank of China နဲ့ တရုတ်စိုက်ပျိုးရေးဘဏ်တို့က အမေရိ ကန်ပြည်ထောင်စုမှာ ဘဏ်ခွဲများဖွင့်လှစ်ဖို့ လမ်းပွင့်သွားပြီ ဖြစ်ကြောင်း ဗဟိုဘဏ်ကပြောပါတယ်။
ဂရိနိုင်ငံမှာ ဖြစ်ပွားနေတဲ့နိုင်ငံရေး အကျပ်အတည်းက ကမ္ဘာ့ဈေးကွက် တွေကိုကသောင်းကနင်းဖြစ်ပေါ်စေပြီး တရုတ်၊ မလေးရှား နဲ့ ဖိလစ်ပိုင်နိုင်ငံ တွေရဲ့ ပို့ကုန်လုပ်ငန်းတွေနှေးကွေးလာ ပြီးနောက်ပိုင်းအာရှငွေကြေးတွေရဲ့ တန် ဖိုးက ဒုတိယမြောက်သတင်းပတ်အဖြစ် ဆက်လက်ကျဆင်းခဲ့ပါတယ်။
နေ့စားလုပ်ခနဲ့ ရေနံဈေးနှုန်းတွေ မြင့်တက်နေချိန်မှာ ငွေကြေးဖောင်းပွမှု အန္တရာယ်ကိုကာကွယ်နိုင်အောင်ငွေကြေးမူဝါဒများကိုပြန်လည်လျှော့ချရန် အစိုးရရဲ့ ဖိအားပေးမှုကိုရှောင်ရှားပြီး ထိုင်းဗဟိုဘဏ်ကဘုတ်အဖွဲ့ အစည်းအဝေးနှစ်ကြိမ်တိုင် မပြောင်းမလဲဘဲ ဆက်လက် ထိန်းထားခဲ့ပါတယ်။
ဒေါ်လာနဲ့ ဖလှယ်ရာမှာ ယွမ်ငွေကြေးတန်ဖိုးကို မြှင့် တင်ပေးဖို့ အမေရိကန်နဲ့ တရုတ်နိုင်ငံတို့ရဲ့ ဆွေးနွေးပွဲအစမှာ အမေရိကန်ဘဏ္ဍာရေးဝန်ကြီးတီမိုသီဂိုက်သနာကမေ ၃ ရက် က တိုက်တွန်းခဲ့ပါတယ်။
ဘဏ္ဍာရေးစနစ်တွင် ငွေဖြစ်လွယ်မှုအလုံအလောက်ရှိစေဖို့အတွက် စီးပွားရေး လုပ်ငန်းများတွင် ငွေချေး လျက်ရှိသောဘဏ်များကထားရှိရမည့် အရန်ငွေကြေး အချိုးအစားကို ပိုမိုလျှော့ချခြင်းအပါအဝင် ငွေကြေးမူဝါဒ လျှော့ချမှုများကို ထပ်မံပြုလုပ်တော့မည့် လက္ခဏာများကို တရုတ်ဗဟိုဘဏ်က ပြသခဲ့သည်။ "အကြမ်းပတမ်းခံနိုင်တဲ့ ငွေကြေးမူဝါဒတွေကို ကျွန်တော်တို့ ဆက်ပြီး အကောင်အထည်ဖော်ရပါမယ်။ ပြီးတော့ တည်ငြိမ်သင့်တော်တဲ့နည်းလမ်းနဲ့ ချေးငွေဖွံ့ဖြိုးမှု ရှိအောင်လမ်းညွှန်နိုင်မဲ့ အစီအမံတွေကိုချမှတ်ရပါမယ်" ဟု တရုတ်ဗဟိုဘဏ်အရာရှိတစ်ဦးက ဧပြီ ၁၈ ရက်က ပြောတယ် ရှင်ဝှာ သတင်း အေဂျင်စီက ကိုးကားဖော်ပြပါတယ်။