Main menu

Background

Tuesday, 6 Aug 2013

ထိုင်းနိုင်ငံ ဗဟိုဘဏ်(BOT)  နှင့် ဟောင်ကောင်ဘဏ်တို့သည် Bahtnet (Bank of Thailand Automated High-Value Transfer Network) နှင့် Hong Kong USD Chats (Hong Kong dollar Clearing House Automated Transfer System) စနစ်နှစ်ခုကို ချိတ်ဆက်၍ နယ်စပ် ဖြတ်ကျော်ငွေပေးချေမှုစနစ် (cross- border payment system) တစ်ခုကို ပူးပေါင်းတည်ထောင်ကြမည်ဖြစ်ပါသည်။

Tuesday, 6 Aug 2013

ယခုတစ်ပတ်အတွင်း ပြည်တွင်း ငွေလဲနှုန်းများ ကျဆင်းလာကြောင်း သိ ရသည်။ ငွေလဲစင်တာများရှိငွေလဲနှုန်း များသာမက ပြင်ပငွေဈေးကွက်အတွင်း ရှိ ငွေလဲနှုန်းများပါ ကျဆင်းလာ ကြောင်း သိရသည်။ယင်းကဲ့သို့ငွေလဲနှုန်းများကျဆင်း  လာမှုနှင့်အတူ ပို့ကုန်ရငွေ (Export Money)  များပါ ဈေးနှုန်းကျဆင်းလာ မှုတို့ကြောင့် ပို့ကုန်လုပ်ငန်းရှင်များ အခက်ကြုံနေကြရကြောင်း သိရသည်။

Wednesday, 31 Jul 2013

ယခုအချိန်ကနေ နှစ်ပေါင်းများစွာ ကြာတဲ့အခါ ယွမ်ငွေကြေးကို အပြည် ပြည်ဆိုင်ရာငွေကြေးဖြစ်အောင် ကြိုး ပမ်းခဲ့တဲ့ လမ်းကြောင်းမှာ ၂၀၁၃ ခုနှစ် မေလဟာ ထူးခြားတဲ့လတစ်လဖြစ်ခဲ့ တယ်  ဆိုတာကို လူတိုင်းကသဘော တူကြမှာ ဖြစ်ကြောင်း ထိုင်းနေရှင်း သတင်းမှာ ဖော်ပြထားပါတယ်။

Wednesday, 31 Jul 2013

ဘလွမ်းဘတ် သတင်းဌာနမှ ကောက်ယူထားသော စစ်တမ်းအရ အမေရိကန်ပြည်ထောင်စုဗဟိုဘဏ်က လစဉ်ဘွန်းစာချုပ်ဝယ်ယူရေးအစီအစဉ် ကို လက်ရှိတစ်လဒေါ်လာ ၈၅ ဘီလီယံ ဝယ်ယူနေရာမှ စက်တင်ဘာကစပြီး ဒေါ်လာ ၆၅ ဘီလီယံဖိုးအထိ လျှော့ ချသွားမှာ ဖြစ်ကြောင်း ဝါးလ်ဘူး လက် တင် စာစောင်မှာ ဖော်ပြထားပါတယ်။

Monday, 1 Jul 2013

ယခုလကုန်ပိုင်းမှာ ဒေါ်လာဈေး ၁၀၀၀ နဲ့အထက်ကိုရောက်ရှိခဲ့ပြီး၊ ကုန် ပစ္စည်းအချို့ ဈေးနှုန်းအပြောင်း အလဲရှိနိုင်ပြီး အခြေခံလူတန်းစားများအတွက် အဆင်မပြေနိုင်ကြောင်း ကုန်သည်ကြီးများက ပြောပါတယ်။

Thursday, 27 Jun 2013

တရုတ်နိုင်ငံရဲ့ စီးပွားရေးမှာ ငွေ ကြေးအကျပ်အတည်းကိုထိန်းချုပ်ဖို့ ကြိုးပမ်းမှုအနေနဲ့ဈေးကွက်ထဲက ယွမ် ငွေကြေးကိုပြန်လည်ဝယ်ယူခြင်းမပြုတဲ့ အတွက် တရုတ်နိုင်ငံရဲ့ အခြေခံငွေ ဈေးနှုန်းတွေ ကစံချိန်တင်မြင့် တက်လာခဲ့ ပါတယ်။ တရုတ်နိုင်ငံရဲ့ ဗဟိုဘဏ်က သုံးလသက်တမ်းရှိဘီလ်များကို ယွမ် ၂ ဘီလီယံ (ဒေါ်လာ ၃၂၆ သန်း) ဖိုး အထိထုတ်ရောင်းခဲ့ပါတယ်။ သက်တမ်း စေ့ရောက်ပြီဖြစ်တဲ့ငွေကြေးစာချုပ်စာ တမ်းတွေက ကုန်ဆုံးခဲ့တဲ့ ရက်သတ္တပတ် နှစ်ပတ်အတွင်းမှာ စုစုပေါင်းယွမ် ၂၅၂ ဘီလီယံဖိုးထိရောက်ရှိခဲ့ပြီးနောက် ယခု ရက်သတ္တပတ် အတွင်းမှာ ဘဏ္ဍာရေး စနစ်ထဲကို ယွမ် ၂၈ ဘီလီယံဖိုးပြန် လည်စီးဝင်ပါတယ်။

Thursday, 27 Jun 2013

ငွေကြေးဖောင်းပွမှုအတွက် စိုးရိမ်မှု၊ ကမ္ဘာ့စီးပွားရေးအခြေအနေများ အားနည်းမှုနဲ့ အိန္ဒိယပြည် တွင်း ငွေကြေးကျဆင်းမှုတို့ကြောင့် ယခုနှစ်အတွင်း အတိုးနှုန်းလျှော့ချမှုများ သုံးကြိမ်ဆက်တိုက်ပြုလုပ်ခဲ့ပါတယ်။ ဒီနောက်ပိုင်း ဇွန် ၁၇ ရက်က ဗဟိုဘဏ်ရဲ့ အခြေခံထား အတိုးနှုန်းကို ပြုပြင်ပြောင်းလဲမှု မပြုလုပ် တော့ဘဲ ဆက်လက် ထိန်းထားခဲ့ကြောင်း AFP သတင်းမှာ ဖော်ပြပါတယ်။

Thursday, 27 Jun 2013

ဗဟိုဘဏ်က ငွေကြေးတွန်းအား ပေးအစီအစဉ်ကို လျှော့ချတော့မှာဖြစ် ကြောင်း အမေရိကန်ဗဟိုဘဏ်ဥက္ကဌ ဘင်ဘာနန်ကီက ပြောကြားပါတယ်။ ဒီအစီအစဉ်က ထွန်းသစ်စဈေးကွက် တွေဘက်ကို ငွေကြေးတွေ စီးဆင်း အောင် အားပေးတဲ့အစီအစဉ်ဖြစ်ပါ တယ်။ ဒီအစီအစဉ် ရပ်ဆိုင်းလိုက်တဲ့ အတွက် ယခု ရက်သတ္တပတ် ထဲမှာ အာရှ ငွေကြေးတွေ ၂၁ လအတွင်း အနိမ့်ဆုံးအဆင့်ကို ကျဆင်းခဲ့ပါတယ်။

 
အိန္ဒိယရူပီးတန်ဖိုးက စံချိန်တင်ကျ ဆင်းခဲ့သလို မလေးရှားရင်းဂစ်ကလည်း သုံးနှစ်အတွင်း အနိမ့်ဆုံးနှုန်း ကိုရောက် ခဲ့ပါတယ်။ အမေရိကန်စီးပွားရေးက ဗဟိုဘဏ်ခန့်မှန်းတဲ့အတိုင်း ဖြစ်လာရင် Quantitative Easing  လို့ သိထားကြ တဲ့ ဘွန်းစာချုပ်ကိုတစ်လ ဒေါ်လာ ၈၅ ဘီလီယံဖိုးဝယ်ယူရေး အစီအစဉ်ကို ဒီနှစ်ထဲမှာလျှော့ချပြီး ၂၀၁၄ ခုနှစ်မှာ အပြီးသတ်မယ်လို့ပြောပြီးနောက်ပိုင်း ယခုလိုဖြစ်ပေါ်လာတာဖြစ်ပါတယ်။ ကမ္ဘာ့ရင်းနှီးမြှုပ်နှံ သူတွေက တရုတ် (တိုင်ပေ)၊ တောင်ကိုရီးယား၊ ထိုင်းနဲ့ အင်ဒိုနီးရှားရှိ စတော့ဈေးကွက်တွေက နေ ကမ္ဘာ့ရ င်းနှီးမြှုပ်နှံသူတွေ က ဒေါ်လာ ၂ ဒသမ ၁ ဘီလီယံဖိုး ပြန် လည် နုတ်ယူသွားပါတယ်။ ဒေသတွင်းရှိ စီးပွားရေးတွေမှာ ဖြစ်ပေါ်နေတဲ့ ဆုံးရှုံးမှုတွေကြောင့် ဒေသတွင်းရှိ ဗဟိုဘဏ်တွေက သူတို့ရဲ့ ငွေကြေးဖလှယ်နှုန်းကို အကာအကွယ် ပေးဖို့ ပြင်ဆင်လာရပါတယ်။ ထိုင်းနဲ့ အိန္ဒိယဗဟို ဘဏ်တွေက ဈေးကွက်ထဲ ကို ဝင်ရောက်စွက်ဖက်ဖို့လည်း ကြိုးပမ်း လာပါတယ်။
တရုတ်ယွမ် ငွေကြေး ကုန်သည်တွေ ပြော စကားအရ ဧပြီနဲ့မေလမှာဖြစ်ခဲ့တဲ့ ယွမ် ငွေတန်ဖိုးတက်တဲ့အလားအလာက ကုန်ဆုံးသွားသလို အကျဘက်ကို ဆက် လက် ဦးတည်နေပြီ ဖြစ်ပါတယ်။ ဒါကြောင့် တရုတ်ယွမ်ငွေတန်ဖိုးက ဇွန် ၂၁ ရက်မှာ အနည်းငယ် ကျဆင်းခဲ့ပါ တယ်။ တရုတ်ဗဟိုဘဏ်က ဇွန် ၂၀ ရက် က တစ်ဒေါ်လာကို ၆ ဒသမ ၁၆၉၈ ယွမ်နှုန်းသတ်မှတ်ရာမှ ဇွန် ၂၁ ရက်မှာ တစ်ဒေါ်လာ ၆ ဒသမ ၁၇၆၆ ယွမ်နှုန်း အထိ တိုးမြှင့်သတ်မှတ်ခဲ့ပါတယ်။ အဲဒီ နောက်ပိုင်းမှာ လက်ငင်းဈေးကွက်ရဲ့ ငွေဖလှယ်နှုန်းမှာ ဇွန် ၂၀ ရက်ကထက် သုည ဒသမ ၀၈ ရာခိုင်နှုန်းကျဆင်းပြီး တစ် ဒေါ်လာကို ၆ ဒသမ ၁၃၂၈ ယွမ်နှုန်း ရှိခဲ့ပါတယ်။
အိန္ဒိယရူပီး ဒေါ်လာနဲ့ဖလှယ်ရာမှာ ရူပီး တန်ဖိုးက တစ်ဒေါ်လာကို ၆၀ ရူပီးနှုန်း ထိ ရောက်လာရင် အိန္ဒိယ ဗဟို ဘဏ်က ဈေးကွက်ထဲကို ဝင်ရောက် စွက်ဖက်တော့မယ်လို့ ကုန်သည်တွေက ခန့်မှန်းထားပါတယ်။ ဒါကြောင့် ဇွန် ၂၁ ရက်မှာ ရူပီး ငွေတန်ဖိုးက စံချိန်တင် လောက်အောင် တန်ဖိုးကျဆင်းခဲ့ပါ တယ်။ ဇွန် ၂၀ ရက် မှာ ရူပီးငွေလဲနှုန်း က ၅၉ ဒသမ ၉၈ ရူပီးနှုန်းထိကျဆင်း ခဲ့ပါတယ်။ ဒါပေမဲ့ ဂရင်းနစ်စံတော်ချိန် ၀၃ နာရီ ၃၃ မိနစ် မှာ တစ်ဒေါ်လာကို ၅၉ ဒသမ ၆၉ ရူပီးနှုန်းရှိခဲ့ပါတယ်။ ရူပီး တန်ဖိုး ကျဆင်းတဲ့ဒဏ်ကို မော် တော်ကား၊ မတည်ကုန် ပစ္စည်း၊ ရေနံ၊ လျှပ်စစ်စွမ်းအားနဲ့ တယ် လီကွန်းလုပ် ငန်းတွေ ခါးစည်းခံရဖွယ် ရှိပါတယ်။
ဂျပန်ယန်း အလုံးအရင်းနဲ့ ပေးထားတဲ့ စီးပွား ရေးတွန်းအားပေးအစီအစဉ်တွေကို ယ ခုနှစ်ထဲမှစပြီး လျှော့ချတော့မယ်လို့ အမေရိကန်ဗဟိုဘဏ်ကပြောပြီးနောက် ပိုင်းဒေါ်လာတန်ဖိုးအဆမတန် တဟုန် ထိုးမြင့်တက်ခဲ့ပါတယ်။ ယူရိုငွေကြေး တန်ဖိုး က ဇွန် ၁၉ ရက်ည နေဘက်မှာ တစ်ယူရိုကို ၁ ဒသမ ၃၂၉၇ ဒေါ်လာနှုန်းမှ ဇွန် ၂၀ ရက် ဂရင်းနစ်စံတော်ချိန် ၂၂ နာရီမှာ တစ် ယူရိုကို ၁ ဒသမ ၃၂၂၃ ဒေါ်လာနှုန်းထိ ကျဆင်းပါတယ်။ ဂျပန်ယန်းငွေ တန်ဖိုး က ဒေါ်လာနဲ့ ဖလှယ်ရာမှာ ၉၆ ဒသမ ၃၉ ယန်းမှ ၉၇ ဒသမ ၂၇ ယန်းနှုန်းကို ပြောင်းလဲပြီး ယူရိုနဲ့ ဖလှယ်ရာမှာ ၁၂၈ ဒသမ ၂၄ ယန်းမှ ၁၂၈ ဒသမ ၆၂ ယန်းနှုန်းထိ ရှိခဲ့ပါတယ်။
မလေးရှားရင်းဂစ် အမေရိကန်ဗဟိုဘဏ်ရဲ့ ကြေညာ ချက်ထွက်ပြီးနောက်ပိုင်း အမေရိကန် ဒေါ်လာဈေးမာလာတဲ့အတွက် ဇွန် ၂၁ ရက်မနက်ပိုင်းဈေးကွက်မှာ ရင်းဂစ်တန် ဖိုးက အများအပြားကျဆင်းခဲ့ကြောင်း ဝယ်ရောင်းသမားတွေ က ပြောပါတယ်။ ဒီအခြေအနေကြောင့် ကမ္ဘာ့ရှယ်ယာ ဈေးကွက်တွေမှာ ရှယ်ယာတွေရောင်း ထုတ်လာကြသလို ထွန်းသစ်စဈေးကွက် တွေက ဒေါ်လာတွေစီးထွက်စေခဲ့ပါ တယ်။ ရင်းဂစ်နဲ့ ဖလှယ်နှုန်းက ဇွန် ၂၀ ရက်မှာ တစ်ဒေါ်လာကို ၃ ဒသမ ၁၉၇၀ မှ ၃ ဒသမ ၂၁၂၀ နှုန်းသို့ကျ ဆင်းခဲ့ပါတယ်။
တောင်ကိုရီးယားဝမ် ယခုနှစ်မှာ အမေရိကန်ဗဟိုဘဏ် ကငွေကြေးမူဝါဒလျှော့ချမဲ့ အစီအစဉ် တွေကို ရင်ဆိုင်ဖို့ ရင်းနှီးမြှုပ်နှံသူတွေ က အသင့်အနေအထားယူထားကြတဲ့အတွက် ဇွန် ၂၀ ရက်က တောင်ကိုရီးယားဝမ်နဲ့ ပြည်တွင်းဘွန်းစာချုပ်တွေ တန်ဖိုးကျ ဆင်းခဲ့ပါတယ်။ တောင်ကိုရီးယားဝမ် တန်ဖိုးက ဇွန် ၂၁ ရက်မှာ ၂ ဒသမ ၄ ရာခိုင်နှုန်းကျဆင်းပြီး တစ်ဒေါ်လာကို ၁၁၅၄ ဒသမ ၄၇ ဝမ်နှုန်းရှိခဲ့ပါတယ်။
ထိုင်းဘတ် ထိုင်းငွေကြေးတန်ဖိုးကျဆင်း လာ တဲ့အတွက် ထိုင်းဗဟိုဘဏ်က ငွေကြေး ဖလှယ်နှုန်းတွေကို အကာအကွယ်ပေး ပြီးအရေးယူဆောင်ရွက်ဖို့ပြင်ဆင်လာပါ တယ်။ ထိုင်း ဗဟိုဘဏ်က လိုအပ်ရင် ဘတ်ငွေကြေးအတက်အကျဖြစ်နေတာကို ကိုင်တွယ်မယ်လို့ထိုင်းဗဟိုဘဏ် ဒုတိယအုပ်ချုပ်ရေးမှူးက ဇွန် ၂၀ ရက် က ပြောပါတယ်။ ထိုင်းဘတ်ငွေတန်ဖိုး က ဇွန် ၂၁ ရက် မနက် ၈ နာရီ ၁၀ မိနစ်မှာတစ်ဒေါ်လာ ကို ၃၁ ဒသမ ၂၀ ဘတ်နှုန်းရှိခဲ့ပါတယ်။ မေ ၂၀ ရက်နေ့က ၁ ဒသမ ၂ ရာခိုင် နှုန်းကျ ဆင်းပြီး တစ်ဒေါ်လာကို ၃၁ ဒသမ ၀၈ ဘတ်နှုန်းရှိခဲ့ပါတယ်။

Wednesday, 12 Jun 2013

လာမဲ့လအနည်းငယ်အတွင်းမှာ ယွမ်ငွေကြေးတန်ဖိုးက ဆက်လက်မြင့် တက်မှာဖြစ်တဲ့အတွက် အမေရိကန် ဒေါ်လာနဲ့ဖလှယ်တဲ့အခါ ယွမ်ငွေတန် ဖိုးက တစ်ဒေါ်လာကို ၆ ဒသမ ၁ ယွမ် နှုန်းအောက်ရောက် ရှိနိုင်ကြောင်း DBS ဘဏ်က လေ့လာဆန်းစစ်ရေးမှူးတစ်ဦး ကပြောပါတယ်။ ဒေါ်လာအရောင်းပါး နေချိန်မှာ ယွမ်ငွေကြေးတန်ဖိုးက လွန် ခဲ့တဲ့ရက်အနည်းငယ်အတွင်း ထိပ်ဆုံးကို ရောက်လာကြောင်း ရှန်ဟဲရှိ DBS ဘဏ်ရဲ့ လေ့လာဆန်းစစ်ရေးမှူးကပြော ပါတယ်။

တရုတ်ဗဟိုဘဏ်ဖြစ်တဲ့ တရုတ် ပြည်သူ့ဘဏ်ကဒေါ်လာနဲ့ဖလှယ်ရာမှာ တစ်ဒေါ်လာကို ၆ ဒသမ ၁၇၉၆ ယွမ် နှုန်းနဲ့ဗဟိုဘဏ်နှုန်းထားအဖြစ်သတ် မှတ်ပေးခဲ့ပါတယ်။ ဒါပေမဲ့ မေ ၃၁ ရက် နေ့က လက်ငင်းဈေးကွက်မှာ ယွမ်ငွေ တန်ဖိုးကတစ်ဒေါ်လာကို ၆ ဒသမ ၁၃၄၅ ယွမ်နှုန်းရှိခဲ့ပါတယ်။ ယခုအချိန်မှာ ဂျပန်ယန်းနဲ့တရုတ် ယွမ်ငွေကိုတိုက်ရိုက်လဲခွင့်ပြုခဲ့တာ ၁၂ လမြောက်ရှိခဲ့ပါပြီ။ ယွမ်ငွေရဲ့တန်ဖိုးက ဂျပန်ယန်းနဲ့ဖလှယ်တဲ့အခါတန်ဖိုးမြင့် တက်ခဲ့တာ ယခုနှစ်အတွင်းမှာ ၂၀ ရာ ခိုင်နှုန်းရှိခဲ့ပါတယ်။ "ဈေးနှုန်းအရ အားသာချက်တွေ ပျောက်ကွယ်သွားပြီ ဖြစ်တဲ့အတွက် ဒီ ကနေ့အချိန်မှာဂျပန်ကအမှာစာတွေကို အာမခံပေးဖို့ကျွန်တော်တို့မှာ အခက် အခဲတွေ့နေရပါတယ်" လို့ ဟန်ချောင်း အခြေစိုက်ပလတ်စတစ် ထုတ်လုပ်ရေး ကုမ္ပဏီပိုင်ရှင် ယွမ်ဟောင်တောင်က ပြောပါတယ်။ သူ့ထွက်ကုန်ရဲ့ ၄၀ ရာ ခိုင်နှုန်းကိုဂျပန်နိုင်ငံကို တင်ပို့နေသူဖြစ် ပါတယ်။ ဒါပေမဲ့ ယွမ်ငွေကြေးကို ကမ္ဘာ့သုံး အဖြစ်သွားဖို့ပြင်နေတဲ့အတွက် မူဝါဒ ရေးဆွဲသူတွေက ကုမ္ပဏီတွေကိုကူညီဖို့ နည်းလမ်းတွေကို ရှာဖွေ ဖော်ထုတ် ရတော့မှာ ဖြစ်ပါတယ်။
 

Wednesday, 12 Jun 2013

ပြည်ပမတည်ငွေဈေးကွက်တွေမှာ ရင်းနှီးမြှုပ်နှံဖို့  ပြည်ပရင်းနှီး မြှုပ်နှံမှု အတွက် သတ်မှတ်ထားတဲ့ငွေ ထဲကနေ တရုတ်နိုင်ငံက ယွမ်ငွေ ၁၅ ဒသမ ၆ ဘီလီယံ (ဒေါ်လာ ၂ ဒသမ ၅၄ ဘီလီယံ) ကိုခွဲတမ်းအဖြစ် မေလက သတ်မှတ် ပေးခဲ့ပါတယ်။ ယခုနှစ်အတွင်း အများဆုံးခွင့်ပြုတဲ့ပမာဏ ဖြစ်ပြီး ယွမ်ငွေကြေး က နိုင်ငံခြားသားတွေကို ပိုမိုဆွဲဆောင်နိုင်အောင် ဆောင်ရွက်ခဲ့ပါတယ်။

Pages