ပြည်ပနိုင်ငံများတွင် ပညာသင်ကြားမည်ဆိုပါက သေချာစွာစုံစမ်းပြီးမှ တက်ရောက်ဖို့လို                     ပြည်ပနိုင်ငံများရှိ တက္ကသိုလ်များ၊ ကောလိပ်များ၊ ဒီဂရီကျောင်းများသို့ သွားရောက် ပညာသင်ကြားလိုသူများ အနေဖြင့် မိမိတက်ရောက်မည့် ကျောင်း၏ အနေအထား၊ ခိုင်မာမှု ရှိ၊ မရှိကို သေချာစွာစုံစမ်းပြီးမှ တက် ရောက်သင့်ကြောင်း သိရသည်။ စင်ကာပူနိုင်ငံ ဏှဘ အကယ်ဒမီ ကျောင်းမှ မန်နေဂျာ ဒေါ်ဝင်းမာလှိုင် က ''စင်ကာပူမှာရှိတဲ့ ကျောင်းတွေကို တက်တော့မယ်ဆိုရင် ကျောင်းရဲ့ ခိုင်မာမှုကို အရင်ဆုံးစုံစမ်းရပါမယ်။ အစိုးရ က ထိန်းချုပ်ထားတဲ့ ကျောင်းမျိုးကို ရွေးပြီးတော့ တက်ရင် အကောင်းဆုံး ပါပဲ။ အခု စင်ကာပူမှာ ပုဂ္ဂလိက ကျောင်းပေါင်း ၆ဝဝ ကျော်အပိတ်ခံရ တယ်ဆိုတာ တကယ်ခိုင်မာမှု မရှိတဲ့ ကျောင်းတွေပါ။ သာမန် Private  ကျောင်းလေးတွေဟာ စင်ကာပူအစိုးရ ရဲ့ ထိန်းချုပ်မှုမခံနိုင်တဲ့အတွက် အခုလို ပိတ်သိမ်းခြင်းခံရတာပါ။ စင်ကာပူ အစိုးရက ၄ နှစ်အာမခံ သက်တမ်းပေး ထားတဲ့ ကျောင်းကမှ ခိုင်မာမှုရှိတယ် လို့ ဆိုရပါမယ်''ဟု MSI ၏ပညာရေး ပွဲတော် သတင်းစာရှင်းလင်းပွဲတွင် ပြော ကြားသွားခဲ့သည်။                     စင်ကာပူနိုင်ငံသည် မြန်မာလူငယ် အများစု၏ ပညာသင်ကြားရာနိုင်ငံတစ် နိုင်ငံဖြစ်သည့်အတွက် ကျောင်းသား၊ ကျောင်းသူများ၏ ဘဝရှေ့ရေးကိုမထိ ခိုက်စေရန် သေချာစွာ လေ့လာသင့် ကြောင်း သိရသည်။ စင်ကာပူနိုင်ငံတွင် ပုဂ္ဂလိကကျောင်းပေါင်း ၈ဝဝ ကျော်ရှိ သည့်အနက် ကျောင်းပေါင်း ၆ဝဝ ကျော်ပိတ်သိမ်းခြင်းခံရရာ ပညာသင် ကြားနေဆဲလူငယ် အများအပြားထိခိုက် မှုရှိခဲ့ကြောင်း သိရသည်။ မယ်သီတာ 

ဗီယက်နမ်က ကားတင်သွင်းမှု လျှော့ချ                  ဗီယက်နမ်နိုင်ငံက ထိုင်ခုံကိုးခုအောက်ကားများ နှစ်စဉ်ဒေါ်လာ တစ်ဘီလီယံလောက် တင်သွင်းမှုကိုလျှော့ချဖို့ လိုအပ်လာပြီဖြစ်ကြောင်း စက်မှုနဲ့ ကုန်သွယ်ရေးဝန်ကြီးက ပြောကြားခဲ့ပါတယ်။ ဗီယက်နမ်နိုင်ငံသားအများစုက ကားအသုံးပြုမှု မရှိပါဘူး၊ အခြေခံအဆောက်အအုံကလည်း ကောင်းကောင်း မဖွံ့ဖြိုးသေးတာကြောင့် ကားတင်သွင်းမှုကို တားမြစ်ဖို့လိုအပ်လာကြောင်း ဝန်ကြီးက ပြောကြားခဲ့ပါတယ်။ သွင်းကုန်မူဝါဒအသစ်နဲ့ပတ်သက်တဲ့ ကြေညာ ချက်ကို မကြာသေးမီက ထုတ်ပြန်ခဲ့ပြီး ၎င်းကြေညာချက်မှာ ကားတင်သွင်း သူတွေအနေနဲ့ နိုင်ငံခြားကားထုတ်လုပ်ရေးတွေက ရောင်းဝယ်ရေးသက်သေခံ လက်မှတ်တင်ပြ နိုင်ရမယ်လို့ ပါရှိပါတယ်။ သွင်းကုန်တင်သွင်းသူ အများစု ကတော့ ဒီကြေညာချက်ကို ကန့်ကွက်ခဲ့ကြပါတယ်။ အစိုးရကတော့ နိုင်ငံရဲ့ ကုန်သွယ်မှုလိုငွေ ကွာဟချက်ကို နည်းနိုင်သမျှနည်းအောင် ကုန်သွယ်ရေး စည်းမျဉ်းအတိုင်း ဆက်လက်ဆောင်ရွက်မယ်လို့ သိရပါတယ်။ ဗီယက်နမ်မှာ မေလရဲ့ ကုန်သွယ်ရေးလိုငွေက ဒေါ်လာ ၁ ဒသမ ၇ ဘီလီယံရှိပြီး ဧပြီလက ဒေါ်လာ ၁ ဒသမ ၄၉ ဘီလီယံရှိခဲ့ကြောင်း သိရပါတယ်။ ၂ဝ၁၁ ခုနှစ်မှာတော့ အစိုးရက နှစ်စဉ် ကုန်သွယ်ရေးလိုငွေကို ၁၆ ရာခိုင်နှုန်းအောက် ရောက်ရှိအောင် ရည်မှန်းထားပြီး ကုန်သွယ်ရေးဝန်ကြီး ဌာနကတော့ လျာထားချက်ရောက်ရှိအောင် ကြိုးစားနေကြောင်း သတင်း ရရှိပါတယ်။          Source: thanenhen .com, KZW 

တရုတ်နိုင်ငံသည် နွေရာသီသီးနံှရိတ်သိမ်းမှု များပြားနေသော်လည်း ထုတ်လုပ်မှုတွင် စိန်ခေါ်မှုများနှင့် ရင်ဆိုင်ကြုံတွေ့နေရ              တရုတ်နိုင်ငံက ၂ဝ၁၁ ခုနှစ်မှာ နွေရာသီသီးနံှထွက်ရှိမှု မြင့်တက်နိုင်သော်လည်း သီးနံှထုတ်လုပ်မှုမှာ စိန်ခေါ်မှုတွေနဲ့ ရင်ဆိုင်ကြုံတွေ့နေရကြောင်းကို အဆင့်မြင့်အရာရှိတစ်ဦးမှ ၂ဝ၁၁ ခုနှစ် မေ ၂၅ ရက်မှာ ပြောကြားသွားပါတယ်။ ထုတ်လုပ်သူတွေရဲ့ ကုန်စည်ဈေးနှုန်းတွေ ဆက်လက်မြင့်တက်နေမှုကြောင့် လယ်သမားတွေရဲ့ အစွန်း ထွက်အကျိုး အမြတ်ကို လျော့နည်းစေမှာဖြစ်ရာ ၎င်းတို့အနေနဲ့ သီးနံှတွေထုတ်လုပ်ဖို့ စိတ်အားထက်သန်မှုလျော့ နည်းစေနိုင်ကြောင်း လည်း တရုတ်နိုင်ငံရဲ့ ထိပ်တန်းစီးပွားရေးစီမံကိန်းအဖွဲ့ဖြစ်တဲ့ The Academy of Macroeconomic Research of the National Development and Reform Commission ရဲ့ ဒုတိယအကြီးအကဲဖြစ်သူ Ma Xiaohe  မှ ဆွေးနွေးပွဲ တစ်ခုမှာ ပြောကြားသွားပါတယ်။        အလုပ်သမားကုန်ကျစရိတ်မှာလည်း မကြာမီကမှ မြင့်တက်သွားခြင်းကြောင့် လယ်သမားတွေက သီးနံှ ထုတ်လုပ်မှု ကို စွန့်လွှတ်လျက် ငွေကြေးပိုမိုရရှိကာ အခြားအလုပ်တွေကိုရှာဖွေဖို့ အလားအလာဖြစ်ပေါ်လျက်ရှိကြကြောင်း ၎င်းက ဆက်လက်ပြောကြားသွားပါတယ်။ မြို့ပြဖြစ်ထွန်းလာမှုနဲ့ ရှေးယခင်ကတည်းက တည်ရှိလာခဲ့တဲ့ စိုက်ပျိုးရေးဆိုင်ရာ အခြေခံအဆောက်အဦတွေကြောင့် စိုက်ပျိုးနိုင်တဲ့ မြေယာတွေဆုံးရှုံးခဲ့ရာ သီးနံှတွေဖူလုံမှုကို ခြိမ်းခြောက်လျက်ရှိနေပါတယ်။        တရုတ်နိုင်ငံအစိုးရက သီးနံှလုံခြုံစိတ်ချရမှုရှိစေဖို့ လယ်ယာစိုက်ပျိုးရေးဆိုင်ရာ ထုတ်လုပ်မှုလုပ်ငန်းတွေ အတွက် ငွေကြေးဆိုင်ရာထောက်ပံ့ပေးမှုတွေ တိုးမြှင့်ခြင်းနဲ့ Commodity Futures Market တွေ ဖွံ့ဖြိုးတိုးတက်စေခြင်း စတဲ့ နည်းလမ်းတွေကို ပိုမိုလုပ်ဆောင်သွားသင့်ကြောင်း Ma Xiaohe မှ ပြောကြားသွားပါတယ်။ Source:Bloomberg.com, ကြည်မာလာ

                  ၂ဝ၁ဝ ခုနှစ် စက်တင်ဘာလကုန်၌ ဟောင်ကောင်ဒေသ၏ နိုင်ငံခြားအရန်ငွေပမာဏ ထုတ်ပြန်                  ၂ဝ၁ဝ ခုနှစ် စက်တင်ဘာလကုန်မှာ ဟောင်ကောင်ဒေသတွင် နိုင်ငံခြား အရန်ငွေပမာဏက အမေရိကန်ဒေါ်လာ ၂၆၆ ဒသမ ၁ ဘီလီယံ ဒါမှမဟုတ် ဟောင်ကောင်ဒေါ်လာ ၂ ထရီလီယံကျော်ရှိခဲ့ပြီး၊ ယခင်လထက် အမေရိကန် ဒေါ်လာသန်း ၂ဝဝ ခန့် မြင့်တက်ခဲ့ကြောင်း ဟောင်ကောင်ငွေကြေးအာဏာပိုင်မှ ထုတ်ပြန်ခဲ့ပါတယ်။ ကမ္ဘာ့ငွေကြေးဈေးကွက်တွင် တရုတ်ယွမ်ငွေက အတည်ငြိမ်ဆုံးငွေကြေးအဖြစ် တည်ရှိနေမှုကြောင့် ဟောင်ကောင်ဒေသရဲ့ နိုင်ငံခြားအရန်ငွေအချို့ကို တရုတ်ယွမ်ငွေအဖြစ် ပြောင်းလဲသွားမှာဖြစ်ကြောင်း၊ စုစုပေါင်းနိုင်ငံခြားအရန် ငွေပမာဏက ပြည်တွင်းမှာ လည်ပတ်လျက်ရှိတဲ့ ငွေကြေးပမာဏနဲ့ ငွေချေးစာချုပ်များရဲ့ ၉ ဆရှိကြောင်း၊ ဟောင်ကောင်ဒေသ က တရုတ်ပြည်မကြီး၊ ဂျပန်၊ ရုရှား၊ တရုတ်တိုင်ပေ၊ အိန္ဒိယနဲ့ တောင်ကိုရီးယား နိုင်ငံပြီးရင် သတ္တမမြောက် နိုင်ငံခြားအရန်ငွေပမာဏ အများဆုံးဆက်လက် ပိုင်ဆိုင်ထားကြောင်း သိရှိရပါတယ်။                ၂ဝ၁ဝ ခုနှစ် စက်တင်ဘာလတွင် တရုတ်နိုင်ငံသို့ နိုင်ငံခြားတိုက်ရိုက်ရင်းနှီးမြှုပ်နံှမှု ဝင်ရောက်မှုအခြေအနေ       ၂ဝ၁ဝ ခုနှစ် စက်တင်ဘာလတွင် တရုတ်နိုင်ငံကို နိုင်ငံခြားတိုက်ရိုက် ရင်းနှီးမြှုပ်နံှမှု ဝင်ရောက်မှုတန်ဖိုးက နှစ်အလိုက် ၆ ဒသမ ၁၄ ရာခိုင်နှုန်း မြင့်တက်ခဲ့ပြီး အမေရိကန်ဒေါ်လာ ၈ ဒသမ ၃၈၄ ဘီလီယံရှိကြောင်း တရုတ် ကုန်သွယ်ရေးဝန်ကြီးဌာနမှ တရားဝင်ထုတ်ပြန်ပါတယ်။ ၂ဝ၁ဝ ခုနှစ်ပထမ ကိုးလတွင် စုစုပေါင်းနိုင်ငံခြားတိုက်ရိုက် ရင်းနှီးမြှုပ်နံှမှုတန်ဖိုးက အမေရိကန် ဒေါ်လာ ၇၄ ဒသမ ၃၄ ဘီလီယံရှိပြီး ယခင်နှစ်ထက် ၁၆ ဒသမ ၆ ရာခိုင်နှုန်း မြင့်တက်ခဲ့ပါတယ်။ ၎င်းပမာဏကပြီးခဲ့တဲ့ ၂ဝဝ၈ ခုနှစ်အတွင်း ရရှိခဲ့တဲ့ ရင်းနှီးမြှုပ်နံှမှုတန်ဖိုး အမေရိကန်ဒေါ်လာ ၇၄ ဒသမ ၃၇ ဘီလီယံနဲ့ ပမာဏ တူညီပါတယ်။ ၂ဝ၁ဝ ခုနှစ် စက်တင်ဘာလအတွင်းရရှိခဲ့တဲ့ ရင်းနှီးမြှုပ်နံှမှုတန်ဖိုး ကပြီးခဲ့တဲ့ သြဂုတ်လထက် ၁ ဒသမ ၃၈ ရာခိုင်နှုန်းတိုးတက်ခဲ့ကြောင်း၊ ရင်းနှီးမြှုပ်နံှမှုအများစုက ကုန်ထုတ်လုပ်မှုကဏ္ဍတွင် အများဆုံးဝင်ရောက်ခဲ့ပြီး၊ စုစု ပေါင်းတန်ဖိုးရဲ့ ၄၇ဒသမ ၆ ရာခိုင်နှုန်းရှိပြီး ဝန်ဆောင်မှုကဏ္ဍတွင်လည်း ရင်းနှီး မြှုပ်နံှမှုတန်ဖိုးက ၄၅ ရာခိုင်နှုန်းဝင်ရောက်ခဲ့တယ်။ ၂ဝ၁ဝ ခုနှစ် ပထမကိုးလတွင် တရုတ်အစိုးရမှခွင့်ပြုခဲ့တဲ့ နိုင်ငံခြားရင်းနှီးမြှုပ်နံှမှုလုပ်ငန်းပေါင်း ၁၉၂ဝ၉ ခုရှိပြီး ယခင်နှစ်ထက် ၁၇ ဒသမ ၅ ရာခိုင်နှုန်း မြင့်တက်ခဲ့တာကို တွေ့ရပါတယ်။ တရုတ်နိုင်ငံမှ ပြည်ပကိုရင်းနှီးမြှုပ်နံှခဲ့တဲ့ တန်ဖိုးက အမေရိကန်ဒေါ်လာ ၃၆ ဒသမ ၂၇ ဘီလီယံရှိပြီး ယခင်နှစ်ထက် ၁ဝ ဒသမ ၄ ရာခိုင်နှုန်းမြင့်တက်ခဲ့ပြီး ၃ဝ ဒသမ ၉ ရာခိုင်နှုန်းမှာ နိုင်ငံခြားကုမ္ပဏီများ ဝယ်ယူရာတွင် ရင်းနှီးမြှုပ်နံှခဲ့ ကြောင်း လေ့လာသိရှိရပါတယ်။                       ပြည်ထောင်စုမြန်မာနိုင်ငံတော်ကောင်စစ်ဝန်ချုပ်ရုံး၊ဟောင်ကောင်မြို့