Background
မွန်ပြည်နယ်တွင် မိုးရာသီရော်ဘာအစေးလှီးခြင်းလုပ်ငန်းများ ရပ်နားထားသည့်အတွက် ယခုအချိန်သည် အစေးထွက်နှုန်းကောင်းမွန်ကြောင်း၊ ထွက်ရှိရော်ဘာများအား ကုမ္ပဏီ/ရော်ဘာ အဝယ်ဒိုင်များဘက်မှ ဝယ်ယူမှုများပြားလာပြီး တစ်ပတ်အတွင်းရော်ဘာတစ်ပေါင်လျှင်(၅၀)ကျပ် ထိ ဈေးနှုန်းမြင့်တက်လာကြောင်း ရော်ဘာဈေးကွက်မှ သိရှိရသည်။
ဘုရင့်နောင်ကုန်စည်ဒိုင်သို့ တရုတ်အာလူးနှင့်ရှမ်းပြည်နယ် အောင်ပန်းမြို့မှအာလူးများ ဝင်ရောက်လျက်ရှိပြီး အောက်တိုဘာ ၁၅ ရက်တွင်တရုတ်အာလူးတစ်ပိဿာဈေးမှာ ကျပ်၇၅၀ ဖြစ်ပြီး အောင်ပန်းမြို့မှ ဝင်ရောက်လာသောအာလူး တစ်ပိဿာဈေးနှုန်းများမှာ အာလူး A1 ကျပ် ၆၂၅၊အာလူး OK ကျပ် ၆၅၀၊ အာလူး S1 ကျပ် ၇၀ဝ၊ အာလူး S2 ကျပ် ၈၀ဝ ဈေးနှုန်း အသီးသီးဖြစ်သည်။ တရုတ်အာလူးမှာယခင်အပတ်ဈေးနှုန်းထက် ကျပ် ၆၅၀ ကျဆင်းခဲ့ပြီး အောင်ပန်း အာလူးဈေးများမှာ ယခင်တစ်ပတ်ဈေးနှုန်းထက် အာလူး A1 ကျပ် ၁၇၅၊ အာလူး OK ကျပ် ၄၅၀၊ အာလူး S1 ကျပ် ၆၀ဝ၊ အာလူး S2 မှာ ကျပ် ၅၅၀ခန့်စီ ဈေးနှုန်းကျဆင်း သွားကြောင်း ကုန်စည်ဒိုင်ဈေးကွက်မှသိရသည်။
ပြည်တွင်းစျေးကွက်များဖြစ်သည့် တောင်ကြီး၊ မန္တလေးနှင့် မကွေးတို့တွင် အရောင်းအေးပြီး မော်လမြိုင်၌ အရောင်းသွက်လာကြောင်းသိရသည်။
တောင်ကြီးဘိလပ်မြေဈေးကွက်၌ အရောင်းအဝယ်အေးပြီး ဈေးငြိမ်နေကြောင်း သိရသည်။ ဈေးကွက်ထဲ အရောင်းအဝယ်ဖြစ်နေသည့်ဈေးမှာ စိန်(ထိုင်း) ကျပ် ၈၀ဝ၀၊ အေသုံးလုံးကျပ် ၅၂၀ဝ၊ အပါချီ ကျပ် ၄၃၀ဝ၊ ကမ္ဘောဇကျပ် ၄၂၀ဝ၊ ကျားခေါင်းကျပ် ၆၂၀ဝ၊ နဂါးကျပ် ၄၃၀ဝဖြင့် အရောင်းအဝယ်ဖြစ်ကြောင်း အိမ်ဆောက်ပစ္စည်း ရောင်းဝယ်ရေးဆိုင်မှ စုံစမ်းသိရှိရသည်။
ပြည်တွင်းဈေးကွက်များဖြစ်သည့်မော်လမြိုင်၊ တောင်ကြီး၊ မကွေးနှင့် မန္တလေးတို့တွင် အရောင်းအေးကြောင်း သိရသည်။
အောက်တိုဘာ ၃ ရက်မှ ၉ ရက်တာကာလအတွင်း မြန်မာ-တရုတ်နယ်စပ်မှ အမေရိကန်ဒေါ်လာ သုည ဒသမ ၃၁၉ သန်းတန်ဖိုးရှိ ဆန်တန်ချိန် ၈၀၀ ကျော်တင်ပို့ခဲ့ကြောင်း သိရသည်။ တင်ပို့မှုအနေဖြင့် မူဆယ်(၁၀၅)မိုင်ကုန်သွယ်ရေး ဇုန်မှ ဆန်တန်ချိန် ၆၅၀ နီးပါးနှင့် ချင်းရွှေဟော်ကုန်သွယ်ရေးစခန်းမှ ဆန်တန်ချိန် ၁၇၀ ခန့်တင်ပို့နိုင်ခဲ့သဖြင့် ယခင်တစ်ပတ် တင်ပို့မှုနှင့်နှိုင်းယှဉ်လျှင် ဆန်တန်ချိန် ၃၀၀၀ ကျော်လျော့နည်းခဲ့ကြောင်း သိရသည်။
မွန်ပြည်နယ်သည် ရော်ဘာစိုက်ပျိုးထုတ်လုပ်မှုများ နှစ်စဉ်တိုးတက်လျက်ရှိသောပြည်နယ် တစ်ခုဖြစ်ပြီး ၂၀၁၉-၂၀၂၀ ဘဏ္ဍာနှစ် ရော်ဘာစိုက်ဧက ၄၉၇၅၂၁၊ အစေးလှီးဧက ၃၂၈၅၀၀၊ အထွက်နှုန်း ၇၁၃ ပေါင်နှင့် အထွက်စုစုပေါင်း ၂၃၄၃၆၆၄၂၄ပေါင်/၁၀၆၃၀၇တန် ထွက်ရှိခဲ့ပြီး ၂၀၂၀-၂၀၂၁ ဘဏ္ဍာနှစ် စိုက်ပျိုးဧက၄၉၈၃၁၂ ဧကရှိသည့်အတွက် စိုက်ဧကတိုးတက်လာကြောင်း သိရှိရသည်။ မိုးများသောဒေသဖြစ်သည့်အတွက် မိုးရာသီကုန်ဆုံးချိန် စက်တင်ဘာ လကုန် အောက်တိုဘာလဆန်းတွင် အစေးလှီးရာသီစတင်လေ့ရှိကြောင်း သိရှိရသည်။
ဧရာဝတီတိုင်းဒေသကြီးအတွင်း မတ်ပဲဈေးနှုန်းသည် ယခင်သီတင်းပတ်ကာလတွင် တစ်တင်းလျှင် ကျပ် ၃၆၀၀၀ ဝန်းကျင်ရှိခဲ့ပြီး ဈေးအတက်အကျများစွာမရှိပဲတည်ငြိမ်နေခဲ့သည်။ စက်တင်ဘာ ၃၀ ရက်တွင် အိန္ဒိယနိုင်ငံ DGFT က မတ်ပဲတန်ချိန် တစ်သိန်းခွဲကို ၃၁.၃.၂၀၂၁ ရက်ထိ နောက်ဆုံးထားတင်သွင်းခွင့်ပြုလိုက်သောကြောင့် အောက်တိုဘာ ၁ ရက်တွင် မြန်မာ မတ်ပဲဈေးနှုန်းသိသာစွာတက်လာသည်။ အောက်တိုဘာ ၁ ရက်နှင့် ၂ ရက်တွင် မတ်ပဲတစ်တင်း လျှင် ကျပ် ၃၇၆၀၀ - ၃၈၀၀၀ ၊ အောက်တိုဘာ ၃ ရက်တွင် ကျပ် ၃၇၁၀၀ မှ ၃၇၄၀၀ ဖြင့် လည်းကောင်း၊ အောက်တိုဘာ ၄ ရက်တွင် ကျပ် ၃၇၈၀၀ ဖြင့်လည်းကောင်း၊ အောက်တိုဘာ ၅ ရက်တွင် ကျပ် ၃၈၆၀၀ ဖြင့်လည်းကောင်း၊ အောက်တိုဘာ ၆ ရက်တွင် ကျပ် ၃
မူဆယ်(၁၀၅)မိုင်ကုန်သွယ်ရေးဇုန်မှ တရုတ်နိုင်ငံသို့ သစ်သီးဝလံများ တင်ပို့လျက်ရှိရာ အောက်တိုဘာ ၁ ရက်မှ၆ ရက်အထိ ဖရဲ ၁၂၃၆ တန်နှင့် သခွားမွေး ၃၀ ဒသမ ၅ တန်တင်ပို့နိုင်ခဲ့သည်။
စက်တင်ဘာလအတွင်း အရာင်းအဝယ်ဖြစ်ခဲ့သော ဖရဲဈေးမှာ စက်တင်ဘာလ နောက်ဆုံးပတ်တွင် ဖရဲသီးတစ်တန် ယွမ် ၁၂၀ဝ မှ ၂၅၀ဝ၊ မြန်မာငွေ ကျပ် ၄၈၅၀ဝ၀ ခန့်ရှိရာမှ အောက်တိုဘာ ၂ ရက်မှစ၍ ဖရဲသီးတစ်တန် ယွမ် ၁၂၀ဝ မှ ၂၆၀ဝ၊ မြန်မာငွေ ကျပ် ၄၉၄၀ဝ၀ သို့ အနည်းငယ်တက်လာပါသည်။ သခွားမွေးဈေးနှုန်းမှာ တစ်တန် ၁၅၀ဝ မှ ၃၀ဝ၀၊ မြန်မာငွေ ကျပ် ၅၈၂၀ဝ၀ ခန့်ဖြစ်ပါသည်။
နိုဝင်ဘာလ ပထမပတ်တွင် မန္တလေးကုန်စည်ဒိုင်၌ ကုလားပဲဈေးနှုန်းအခြေအနေမှာ အိန္ဒိယသို့တင်ပို့ရန်ကိုတာများအတွက် နောက်ဆုံးတင်ပို့ရန်ကာလအချိန်နီးကပ်နေ၌ Exporter ဝယ်လက်များ အဝယ်သွက်လာ၍လည်းကောင်း၊ ပြည်တွင်းစားသုံးမှုမှာလည်း ပုံမှန်အဝယ်ရှိနေခြင်းကြောင့်လည်းကောင်း ဈေးမြင့်တက်လာခဲ့သည်။
ကုလားပဲဖြူ ၅၇ ဒသမ ၂၅ပိဿာဝင် သုံးတင်းတစ်အိတ် ဈေးနှုန်းမှာ ယခုတစ်ပတ် ကုလားပဲဖြူလုံး ကြီး (V2)ကျပ် ၉၄၀၀၀မှ ၉၅၀၀၀၊ ယခင်တစ်ပတ်ကျပ် ၈၉၀၀၀မှ ၉၀၀၀၀၊ ယခင်လကျပ် ၇၆၅၀၀မှ ၇၇၀၀၀၊ ယခင်နှစ်ကျပ် ၇၉၀၀၀ဖြစ်ခဲ့သည်။ ယခင်တစ်ပတ်ထက်ကျပ် ၅၀၀၀၊ ယခင်လထက် ကျပ် ၁၇၅၀၀ မှ ၁၈၀၀၀၊ ယခင်နှစ်ထက်ကျပ် ၁၅၅၀၀ မြင့်တက်လာသည်။
ကချင်ပြည်နယ်တွင် ကန်ပိုက်တီနှင့် လွယ်ဂျယ်နယ်စပ်ကုန်သွယ်ရေးစခန်းများမှ မြန်မာ-တရုတ် နှစ်နိုင်ငံ ကုန်သွယ်မှုများပြုလုပ်လျက်ရှိခဲ့သော်လည်း ကန်ပိုက်တီနယ်စပ်ကုန်သွယ်ရေးလမ်းကြောင်း မြေပြိုမှုဖြစ်၍ လမ်းပြုပြင်မှုရှိခြင်း ကြောင့် ကုန်သွယ်မှုများကို လွယ်ဂျယ်နယ်စပ်ကုန်သွယ်ရေး လမ်း ကြောင်းဖက်သို့ ပြောင်းရွှေ့၍ ကုန်သွယ်မှုများပြုလုပ်လျှက်ရှိခဲ့ပါသည်။