Main menu

Background

Wednesday, 31 Jul 2013

၂၀၁၃ ခုနှစ်  သြဂုတ်လ ၅ ရက် ကစတင်၍ ပုဂ္ဂလိကဘဏ်အချင်းချင်း အမေရိကန် ဒေါ်လာ လွတ်လပ်စွာ ရောင်းဝယ်နိုင်သည့်စနစ် (Inter Bank Market) ဖြင့် လုပ်ကိုင်နိုင်တော့မည် ဖြစ်ရာ ဒေါ်လာဈေးကွက်အလှည့် အပြောင်း ဖြစ်ပေါ်လာနိုင်မလားဟု မေးခွန်းထုတ်သူများ ရှိလာကြောင်း ကြားသိရသည်။

Wednesday, 31 Jul 2013

အပြည်ပြည်ဆိုင်ရာ ရင်းနှီးမြှုပ်နှံ သူတွေက အာရှဒေသတွင်းရှိ ရှယ်ယာ များကိုရောင်းမထုတ်ဘဲ ဆက်ထိန်းထား ကြတဲ့ အတွက် ယခု ရက်သတ္တပတ် အတွင်းမှာ တောင်ကိုရီးယားဝမ်က ဦး ဆောင်ပြီး အာရှငွေကြေးတွေ တန်ဖိုး မြင့်တက်ခဲ့ပါတယ်။

Wednesday, 24 Jul 2013

အမေရိကန်ဗဟိုဘဏ်ရဲ့ ဘွန်းစာ ချုပ်တွေ ဝယ်ယူတာကို အဆုံးသတ် လိုက်တဲ့အခါ တခြားနိုင်ငံတွေရဲ့ စီးပွား ရေးနာလန်ထူတာကို မထိခိုက်စေရေး အတွက် ကမ္ဘာ့ဘဏ္ဍာရေးကဏ္ဍ ခေါင်း ဆောင်တွေက အတူတကွပူးတွဲဆောင် ရွက်ရမှာဖြစ်တယ်လို့ တောင်ကိုရီးယား ဘဏ္ဍာရေးဝန်ကြီး ဟွန်အိုဆုပ်ကပြော ကြောင်း ဘလွမ်းဘတ်သတင်းမှာ ဖော် ပြထားပါတယ်။

အမေရိကန်ပြည်ထောင်စု စီးပွား ရေးနာလန်ထူတာ ထူူထူထောင်ထောင် ဖြစ်လာတာနဲ့ တစ်ပြိုင်နက်အမေရိကန် ပြည်ထောင်စုရဲ့ ငွေကြေးတွန်းအားပေး တဲ့ အစီအစဉ်တွေကို ဘယ်လိုကိုင် တွယ်ဖြေရှင်းမယ်ဆိုတာကို ဂျီ-၂၀ အဖွဲ့ ဝင်နိုင်ငံတွေပေါင်းစပ်ညှိနှိုင်းဆောင်ရွက် ဖို့လိုကြောင်း မော်စကိုမှာပြုလုပ်တဲ့ တွေ့ဆုံမေးမြန်ခန်းတစ်ခုမှာ ဟွန်က ဇူလိုင် ၁၇ ရက်မှာ ပြောပါတယ်။ တကယ်လို့ ဂရုတစိုက်ကိုင်တွယ်ဖြေရှင်း မှုမရှိရင် အမေရိကန်ဗဟိုဘဏ်ရဲ့ လှည့် လည်ငွေကြေးမြင့်တက်စေမဲ့ အစီအစဉ် ကို ရုပ်သိမ်းတာက တိုးတက်နှေးကွေး နေတဲ တခြားနိုင်ငံတွေကို ခြိမ်းခြောက် နိုင်ပြီး အပြန်အလှန်အားဖြင့် အမေရိ ကန်စီးပွားရေးတိုးတက်မှုကို ထိုင်းမှိုင်း စေကြောင်းသူကပြောပါတယ်။ အမေရိကန်၊ ဂျပန်နဲ့ ဥရောပတို့ ရဲ့ စီးပွားရေးဖွံ့ဖြိုးမှုပြန်လည်ထိန်းသိမ်း ဖို့ ကြိုးစားရာမှာ မည်ကဲ့သို့ တုံ့ပြန် ရမည်ကို အကဲဖြတ် ဆွေးနွေးရန် အတွက် ဂျီ-၂၀ ဘဏ္ဍာရေးဝန်ကြီးတွေ နဲ့ ဗဟိုဘဏ်အကြီးအကဲတွေက ဇူလိုင် ၁၈ ရက်မှာ စည်းဝေးလျက်ရှိပါတယ်။ အမေရိကန်ဗဟိုဘဏ်က ဆောင်ရွက် နေတဲ့ စီးပွားရေး တွန်းအားပေး အစီ အစဉ်ကို မကြာမီထိန်းချုပ်တော့မဲ့ သဘော ယခုရက်သတ္တပတ်အတွင်း အမေရိကန်ဗဟိုဘဏ်ဥက္ကဌ ဘင်ဘာ နန်ကီကအရိပ်အယောင်ပြလာတဲ့ အပြင် ဥရောပခေါင်းဆောင်တွေက လည်း ဂျပန်နိုင်ငံက သူ့စီးပွားရေးတိုး တက်ဖို့အတွက် ဆောင်ရွက်ရာမှာ ဖြစ် ပေါ်လာမဲ့ အကျိုးဆက်တွေက ဖိတ်လျှံ အကျိုး သက်ရောက်မှု ဖြစ်လာမှာကို စိုးရိမ်နေကြပါတယ်။
 

Wednesday, 24 Jul 2013

ဒါဂျီလင် လက်ဖက်ခြောက်နဲ့ အသားကျပြီးသားဖြစ်နေတဲ့ အိန္ဒိယ စားသုံးသူ တို့အတွက် ဒီနှစ်မှာ အကောင်းစားကိုရနိုင်တော့မည် မဟုတ် ပါ။ ရူပီးတန်ဖိုးကျလာတဲ့အတွက် ဒါဂျီ လင် လက်ဖက်ခြောက်ထုတ်လုပ်သူတွေ က ပို့ကုန်ဘက်ကိုဦးတည်လာပြီး၊ သူ တို့လုပ်ငန်းတွေကို ပြည်တွင်းဈေးကွက် ကနေ ကမ္ဘာ့ဈေးကွက်တွေဘက်ကို ပြောင်းတော့မှာ ဖြစ်ပါတယ်။

Wednesday, 24 Jul 2013

ဒီနှစ်ထဲမှာ အမေရိကန်ဘဏ်က ငွေကြေး တွန်းအားပေး အစီအစဉ်ကို စတင်ပြီး လျှော့ချသွားတော့မယ်လို့ ထွက်ပေါ်နေတဲ့ သတင်းတွေကို အမေ ရိကန် ဗဟိုဘဏ်ဥက္ကဌ ဘင်ဘာနန်ကီ က အတည်ပြုပြီးတဲ့နောက် ဇူလိုင် ၁၈ ရက်က ဒေါ်လာနဲ့ဖလှယ်ရာမှာ အာရှ ဒေသမှာ အိန္ဒိယရူပီးက ဦးဆောင်ပြီး ထွန်းသစ်စ ငွေကြေးတွေရဲ့တန်ဖိုး ကျ ဆင်းခဲ့ပါတယ်။ ဒေသတွင်းမှာရှိတဲ့ ရှယ် ယာဈေးကွက်တွေက အဖွင့်မှာ တန်ဖိုး မြင့်ရာကနေ ကျဆင်းလာ ပါတယ်။ ဒေသတွင်းက ရင်းနှီးမြှုပ်နှံသူတွေက စင်ကာပူဒေါ်လာကိုပြန်ထုတ် ရောင်း လာကြပါတယ်။ ဈေး အကျမှာ ရောင်းခဲ့ တဲ့ ဒေသတွင်းငွေကြေးတွေကို ရင်းနှီး မြှုပ်နှံသူတွေကပြန်ဝယ်လာတဲ့အတွက် စောစောပိုင်း အာရှငွေကြေး တချို့ တန်ဖိုး မြင့်တက်ခဲ့ပါတယ်။ဒါပေမဲ့ နောက်ပိုင်းမှာ ပြန်ကျခဲ့ပါတယ်။

ဒေသတွင်း ငွေကြေးတွေ တန်ဖိုး တက်လာရင်လည်း ပြန်ရောင်းထုတ် မှာ ဖြစ်တဲ့အတွက်ထွန်းသစ်စအာရှငွေကြေး တွေတန်ဖိုးဆက်ပြီး ကျဆင်းဦးမယ်လို့ ကွာလာလမ်ပူရှိ CIMB Investment Bank မှ နိုင်ငံခြားငွေ မဟာဗျူဟာမှူး ရာမနာသန်က ပြောပါတယ်။ အာရှ ပစိဖိတ်မှာရှိတဲ့ အမေရိ ကန်ဗဟိုဘဏ်ရဲ့ ဆောင်ရွက်ချက်နဲ့ တရုတ် စီးပွားရေး ကျဆင်းမှုကြောင့် နိုင်ငံခြားငွေတွေ စီးထွက်သွားမှာ စိုးရိမ် တဲ့အတွက် တန်ဖိုး ကျဆင်းနေတဲ့ ငွေ ကြေးတွေကိုပြန်လည်မြှင့်တင်ဖို့အတွက် ခေါင်းဆောင်တွေက အလူးအလဲ ရုန်း ကန်နေကြရပါတယ်။ အမေရိကန် ဗဟို ဘဏ် ဆောင်ရွက်မှုကြောင့် ဖိတ်လျှံ အကျိုးသက်ရောက်မှု (Spill-over Effect)  ကို ခံရဖွယ်ရှိကြောင်း တောင် ကိုရီးယားဘဏ္ဍာရေး ဝန်ကြီးကလည်း သတိပေးထားပါတယ်။တရုတ်ယွမ် အမေရိကန် ပြည်ထောင်စုနဲ့ အပြည်ပြည်ဆိုင်ရာ ငွေကြေးရန်ပုံငွေ အဖွဲ့က တရုတ်ငွေကြေးကို တန်ဖိုးမြှင့် တင်ပေးဖို့ ထပ်မံ တောင်းဆိုခဲ့ပေမဲ့ တရုတ်နိုင်ငံ ဗဟိုဘဏ်က ငွေလဲနှုန်း သတ်မှတ်ရာမှာ ယွမ်ငွေတန်ဖိုးကိုချခဲ့တဲ့ အတွက် ဇူလိုင် ၁၈ ရက်မှာ ယွမ်ငွေ ကြေးတန်ဖိုးကျခဲ့ပါတယ်။ တရုတ်နိုင်ငံခြားငွေရောင်းဝယ် ရေးဌာနက ဇူလိုင် ၁၈ ရက်နေ့မှာ ယွမ် ငွေတန်ဖိုးကို သုည ဒသမ ၆၈ ရာခိုင် နှုန်းလျှော့ချပြီး တစ်ဒေါ်လာကို ၆ ဒသမ ၁၇၂ ယွမ်နှုန်းသတ်မှတ်ခဲ့ပါ တယ်။ လက်ငင်းရောင်းဝယ်ရာမှာ ယွမ် ငွေတန်ဖိုးက ဇူလိုင် ၁၇ ရက်ဈေး အောက် သုည ဒသမ ၀၇ ရာခိုင်နှုန်း ကျဆင်းပြီး တစ်ဒေါ်လာကို ၆ ဒသမ ၁၃၉၆ ယွမ်နှုန်းရှိခဲ့ပါတယ်။အိန္ဒိယရူပီး တခြားငွေကြေးတွေနဲ့ ဖလှယ်ရာ မှာ အမေရိကန်ဒေါ်လာ တန်ဖိုးမြင့် တက်ခဲ့တဲ့အတွက် ဇူလိုင် ၁၈ ရက်နေ့ မှာ ရူပီးငွေကြေးတန်ဖိုးက သုည ဒသမ ၄ ရူပီးနှုန်းကျဆင်းပြီးတစ်ဒေါ်လာကို ၅၉ ဒသမ ၇၄ ရူပီးနှုန်းရှိခဲ့ပါတယ်။ အမေရိကန်ဗဟိုဘဏ်ဥက္ကဌရဲ့ ပြောဆို မှုကြောင့် ငွေကြေးတွန်းအားပေး အစီ အစဉ်နဲ့ ပတ်သက်တဲ့စိုးရိမ်မှုတွေကျ ဆင်းလာပြီးနောက် ဒေါ်လာတန်ဖိုးမြင့် တက်လာမှုအပြင် သွင်းကုန်လုပ်ငန်းရှင် တွေရဲ့ဒေါ်လာဝယ်လိုအားမြင့်တက်လာ တာကလည်း ရူပီးငွေကြေးတန်ဖိုးကို ကျဆင်းစေခဲ့ပါတယ်။ ဒါပေမဲ့ ပြည်တွင်းရှယ်ယာတန်ဖိုး က ဈေးအဖွင့်မှာ မြင့်တက်လာတဲ့ အတွက် ရူပီးတန်ဖိုးကျဆင်းတာကို အထိန်းအကွပ်ရှိစေခဲ့ပါတယ်။ဂျပန်ယန်း ငွေကြေးတွန်းအားပေး အစီအစဉ် ကိုလျှော့ချထားတဲ့တိုင်အောင် အတိုး နှုန်းတွေကိုတော့ လျှော့ချထိန်းသိမ်း ထားဦးမှာဖြစ်ကြောင်းအမေရိကန် ဗဟို ဘဏ် ဥက္ကဌက ပြောကြားပြီး နောက် ပိုင်း ဇူလိုင် ၁၇ ရက်ကယူရိုငွေကြေးနဲ့ ဖလှယ်ရာမှာ ဒေါ်လာတန်ဖိုး မြင့်တက် လာပါတယ်။ ယူရိုငွေကြေးရဲ့တန်ဖိုးက ဇူလိုင် ၁၆ ရက်က တစ်ယူရိုကို ၁ ဒသမ ၃၆၄ ဒေါ် လာနှုန်းရှိခဲ့ရာမှ ဇူလိုင် ၁၇ ရက်ဂရင်း နစ်စံတော်ချိန် ၂၂ နာရီမှာ တစ်ယူရို ၁ ဒသမ ၃၁၂၅ ဒေါ်လာနှုန်း ထိ ကျဆင်း ခဲ့ပါတယ်။ ဂျပန်ငွေတန်ဖိုး ကဒေါ်လာနဲ့ဖလှယ်ရာမှာတစ်ဒေါ်လာ ကို ၉၉ ဒသမ ၀၄ ယန်းမှ ၉၉ ဒသမ ၆၀ ယန်း ကိုပြောင်းလဲရောက်ရှိခဲ့သလို ယူရိုနဲ့ ဖလှယ်ရာမှာ ၁၃၀ ဒသမ ၄၃ ယန်းမှ ၁၃၀ ဒသမ ၇၃ ယန်းသို့ ပြောင်းလဲ ရောက်ရှိလာပါတယ်။မလေးရှားရင်းဂစ် အမေရိကန်ဗဟိုဘဏ် ဥက္ကဌ ဘင် ဘာနန်ကီက ငွေကြေးမူဝါဒကို လျှော့ချထားဦးမယ်လို့ဇူလိုင် ၁၇ရက်က ပြောကြားတဲ့အတွက် အာရှ ငွေကြေး တွေ ခိုင်မာလာတာနဲ့အတူ ၁၈ ရက် နေ့ မနက် စောစောပိုင်းကဒေါ်လာနဲ့ ဖလှယ်ရာမှာ ရင်းဂစ်တန်ဖိုးမြင့်တက် ခဲ့ပါတယ်။ အမေရိကန် ဗဟိုဘဏ် ဥက္ကဌက ဘွန်းစာချုပ် တွေဝယ်ယူတာ လျှော့ချမှာကို အချိန် သတ်သတ်မှတ် မှတ်မပြောခဲ့ပါဘူး။ ဒါပေမဲ့ ရင်းဂစ်ငွေ ကြေးတန်ဖိုးကတော့ ဇူလိုင် ၁၇ ရက်က တစ်ဒေါ်လာ ၃ ဒသမ ၁၉၁၀ ရင်းဂစ် နှုန်းရှိခဲ့ရာမှ ယနေ့မှာ တစ်ဒေါ်လာကို ၃ ဒသမ ၁၈၅၅ ရင်း ဂစ်နှုန်းရှိခဲ့ပါ တယ်။ ရင်းဂစ်တန်ဖိုးက စင်ကာပူဒေါ် လာနဲ့ ဂျပန်ယန်းတို့နဲ့ ဖလှယ်ရာမှတန် ဖိုး ကျဆင်းပေမဲ့ တချို့ငွေကြေးတွေနဲ့ ဖလှယ်ရာမှာ တန်ဖိုးမြင့်တက်ခဲ့ပါတယ်။တောင်ကိုရီးယားဝမ် အမေရိကန်ဗဟိုဘဏ်က ငွေ ကြေးတွန်းအားပေးအစီအစဉ်ကို အဆုံး သတ်ရင် ဖိတ်လျှံ အကျိုးသက်ရောက်မှု တွေရှိလာနိုင်တယ်လို့ တောင်ကိုရီးယား ဘဏ္ဍာရေးဝန်ကြီးကသတိပေးပြောကြား ပြီး နောက်ပိုင်း ငွေကြေးတွေ ပျံသန်း စီးထွက်သွားမှာကို စိုးရိမ်မှုတွေရှိနေခဲ့ပါ တယ်။ ငွေကြေးပေးချေဖို့အတွက် ပို့ ကုန် လုပ်ငန်းရှင်တွေက ဝယ်လာတဲ့ အတွက် ဝမ်ငွေတန်ဖိုးက သုည ဒသမ ၃ ရာခိုင်နှုန်းမြင့်တက်ပြီး တစ်ဒေါ်လာ ကို ၁၁၁၄ ဒသမ ၅ ဝမ်နှုန်းထိရောက်ခဲ့ ပါတယ်။ထိုင်းဘတ် ထွန်းသစ်စ ဈေးကွက်က အက် ဆက်တွေရဲ့ ဝယ်လိုအားကို မြှင့်တင် ပေးနေတဲ့ စီးပွားရေးတွန်းအားပေး အစီအစဉ်ကို အမေရိကန်ပြည်ထောင် စုက လျော့ချတော့မယ်ဆိုတဲ့ စိုးရိမ် မှုကို အမေရိကန်ဗဟိုဘဏ် ဥက္ကဌက လျော့ကျစေပြီးတဲ့ နောက်ပိုင်း ထိုင်း ဘတ်တန်ဖိုးက ဇူလိုင် ၁၈ ရက်မှာ ရက် သတ္တပတ်အတွင်း အမြင့်ဆုံးနှုန်းကို ရောက်ခဲ့ပါတယ်။ ဘလွမ်းဘတ်က ပြုစုထားတဲ့ ကိန်းဂဏန်းအချက်အလက်တွေအရ ဘန်ကောက်မှာ ဇူလိုင် ၁၈ ရက်မနက် ၈ နာရီ ၃၁ မိနစ်က ဘတ်ငွေတန်ဖိုး က သုည ဒသမ ၄ ရာခိုင်နှုန်းမြင့် တက်ခဲ့ပြီးတစ်ဒေါ်လာကို ၃၀ ဒသမ ၉၇ ဘတ်နှုန်းရှိခဲ့ရာ ဇူလိုင် ၁၁ ရက် နောက်ပိုင်းအမြင့်ဆုံး ဖြစ်ပါတယ်။
 

Monday, 15 Jul 2013

အကျပ်အတည်းကိုဖြေရှင်းဖို့ အတွက်နဲ့ စီးပွားရေးတွေ တိုးတက်လာ ဖို့အတွက် နိုင်ငံအများအပြားက သူတို့ ရဲ့ ဘဏ္ဍာရေးစနစ်အတွင်းကို ငွေကြေး တွေအားဖြည့်ပေးပြီး ဖွံ့ဖြိုးပြီးနိုင်ငံတွေ က သူတို့စီးပွားရေးတွေ တိုးတက်လာ အောင် လှုံ့ဆော်ပေးဖို့ ကြိုးစားခဲ့ကြပါ တယ်။ အကျိုးဆက်အဖြစ် နိုင်ငံခြား မတည် ရင်းနှီးငွေတွေက ထွန်းသစ်စ နိုင်ငံတွေရဲ့ ဘဏ္ဍာရေးဈေးကွက်ထဲကို စီးဝင်လာပါတယ်။ ဒီအထဲမှာ ထိုင်းနိုင်ငံ ဈေးကွက်လဲ ပါဝင်ကြောင်း ထိုင်းနိုင်ငံ နေရှင်း သတင်းမှာ ဖော်ပြထား ပါ တယ်။

ဒီမတည်ငွေ ရင်းတွေ ရုတ်တရက် လားရာ လမ်းကြောင်း ပြောင်းပြီး ပြင်ပ ကိုစတင် စီးထွက်သွားရင် ဖြစ်လာမဲ့ ငွေကြေး တည်ငြိမ်မှုကိစ္စ အတွက် စိုး ရိမ်ပူပန်မှုတွေ ရှိလာပါတယ်။ ဘတ်ငွေ တန်ဖိုးဧပြီ ၂၂ ရက်မှာ တစ် ဒေါ်လာ ၂၈ ဒသမ ၆၆ ဘတ်က နေ ဇွန် ၂၈ ရက်မှာ ၃၁ ဒသမ ၁၈ ဘတ် ရှိခဲ့ပါတယ်။ နှစ်လအတွင်း ၈ ဒသမ ၇ ရာခိုင်နှုန်း မြင့်တက်ခဲ့တာ ဖြစ် ပါတယ်။ အမေရိကန်ဗဟိုဘဏ်က တစ်လကိုဒေါ်လာ ၈၅ ဘီလီယံ (ဘတ် ၂ ဒသမ ၆၄ ထရီလီယံ) ဖိုးဝယ်ယူမဲ့ ငွေကြေး တွန်းအားပေး အစီအစဉ်ကို ဆက်လက် ဆောင်ရွက်မယ်လို့ ဗဟို ဘဏ်ဥက္ကဌက လွှတ်တော်ကို တင်ပြ လိုက်တဲ့အခါ ဘတ်ငွေတန်ဖိုး ထူးထူး ခြားခြား ကျဆင်းခဲ့ပါတယ်။ ငွေဖြစ်လွယ်မှုကျဆင်းမှာကို စိုးရိမ် မှုကြောင့် ကမ္ဘာ့ဘဏ္ဍာရေးဈေးကွက် တွေအတက်အကျအများကြီးဖြစ်ခဲ့ပါ တယ်။ ဒါကြောင့် နိုင်ငံခြားရင်းနှီးမြှုပ်နှံ သူတွေက စာချုပ်စာတမ်းတွေ ကနေ ငွေတွေပြန်ဖော်ပြီး အမေရိကန် ပြည် ထောင်စုကို ပြန်ယူ သွားကြပါတယ်။ နိုင်ငံခြား ရင်းနှီး မြှုပ်နှံတာတွေ စီး ထွက်သွားတဲ့အတွက် အာမခံ စာချုပ် စာတမ်းတွေရဲ့ တန်ဖိုး ကျဆင်းခဲ့ပါ တယ်။ ရှယ်ယာတွေရောင်းထုတ်တာနဲ့ ဘွန်းစာချုပ်တွေသက်တမ်းကုန်ဆုံးသွား တာပူးတွဲသွားတဲ့အတွက် ဘွန်းစာချုပ် ဈေးကွက်ထဲကနေ မတည်ငွေကို ဘတ် ၃၈ ဘီလီယံဖိုး စီးထွက်ခဲ့ပါတယ်။ ထို့အတူ စတော့ဈေးကွက်ထဲကလည်း နိုင်ငံခြားရင်းနှီးမြှုပ်နှံသူတွေက အလား တူကာလအတွင်းမှာ ဘတ် ၆၇ ဘီလီ ယံဖိုးပြန်ရောင်းခဲ့ပါတယ်။ ကုန်လွန်ခဲ့တဲ့နှစ်လအတွင်း ပြန် သုံးသပ်ရင် အမေရိကန်ဗဟိုဘဏ်က စီးပွားရေးတွန်းအားပေးအစီအမံတွေကို ရုပ်သိမ်းမှုကမရေရာတဲ့အတွက် ထိုင်း ဘဏ္ဍာရေးဈေးကွက်ထဲကနေ ထွက်ငွေ ကဘတ် ဘီလီယံ ၁၅၀ ဘီလီယံဖိုးထိ ရှိနိုင်ပါတယ်။
 

Monday, 15 Jul 2013

ထွန်းသစ်စ ဈေးကွက်တွေထဲကို ငွေကြေးတွေစီးဝင်စေခဲ့တဲ့ စီးပွားရေး တွန်းအားပေးအစီအစဉ်ကို လျှော့ချ မယ်ဆိုတဲ့ အမေရိကန်ဗဟိုဘဏ်ဥက္ကဋ္ဌ ဘင်အက်စ်ဘာနန်ကီရဲ့ ပြောစကား ကြောင့် စိုးရိမ်မှုတွေဖြစ်ရပါတယ်။ ဒါပေမဲ့ ဒီစိုးရိမ်စိတ်တွေလျော့ကျလာ ပြီးတဲ့နောက် အာရှငွေကြေးတွေက ၁၀ လအတွင်း ရက်သတ္တပတ်အလိုက် တန်ဖိုးအများဆုံးမြင့်တက်ခဲ့ပါတယ်။

Monday, 8 Jul 2013

ယခုရက်သတ္တပတ်ထဲမှာ ပို့ကုန် အတွက်ဝယ်လိုအားတွေမြင့်တက်ခဲ့တဲ့ အတွက် တရုတ် (တိုင်ပေ) ဒေါ်လာနဲ့ တောင်ကိုရီးယားဝမ်တို့ရဲ့ တန်ဖိုးက မြင့်တက်ခဲ့ပါတယ်။ အမေရိကန်အလုပ် လက်မဲ့ကိန်းဂဏန်းအပေါ်စိုးရိမ်မှုနဲ့ ပေါ်တူဂီမှာဖြစ်ပေါ်နေတဲ့ နိုင်ငံရေး မငြိမ်မသက်မှုတွေကြောင့် တန်ဖိုးမြင့် တက်မှုကို ထိန်းချုပ်မှုတွေဖြစ်ခဲ့ပေမဲ့ ဒီငွေကြေးတွေရဲ့တန်ဖိုးက ဇူလိုင် ၄ ရက်နေ့က ထွန်းသစ်စအာရှ ရှိငွေကြေး တွေကိုဦးဆောင်ပြီး တန်ဖိုးမြင့်တက်ခဲ့ ပါတယ်။

အမေရိကန်ပြည်ထောင်စုရဲ့ လယ် ယာမှအပလုပ်ငန်းတွေရဲ့ဇွန်လအတွက် အလုပ်အကိုင်ခန့်ထားမှုက ဒီငွေကြေး တွေရဲ့အခြေအနေကိုအဆုံးအဖြတ် ပြုနိုင်တယ်ဆိုပေမဲ့တရုတ် (တိုင်ပေ) ဒေါ်လာနဲ့ ဝမ်ငွေကြေးတွေ ရဲ့တန်ဖိုးတွေ ပိုမိုမြင့်တက်လာတာကိုကြည့်ရင် ဒီငွေ ကြေးတွေရဲ့အလားအလာအပေါ် အကောင်းမြင်လာတယ် ဆိုတာကို ပြသ နေကြောင်း ဆိုးလ်ရှိ Samsung Futures  သုတေသနဌာနမှ အကြီးအကဲ ဖြစ်သူ ဂျွန်မိုင်ယန်းကပြောပါတယ်။
 
တရုတ်ယွမ် တရုတ်နိုင်ငံပြင်ပမှာ ဒေါ်လာတန် ဖိုးကျဆင်းနေတဲ့အတွက် ရည်ညွှန်းငွေ လဲလှယ်နှုန်းကနေတစ်ဆင့် တရုတ်ဗဟို ဘဏ်ကယွမ်ငွေကြေးခိုင်မာလာအောင် ဆောင်ရွက်ခဲ့ပြီးနောက် ဇူလိုင် ၄ ရက် နေ့က အမေရိကန်ဒေါ်လာနဲ့ ဖလှယ် ရာမှာ တရုတ်ယွမ်တန်ဖိုးမြင့်တက်ခဲ့ပါ တယ်။ စတော့ဒိုင်ပြင်ပရောင်းဝယ်မှုမှာ ဒေါ်လာတန်ဖိုးက ဇူလိုင် ၃ ရက်နေ့က တစ်ဒေါ်လာကို ၆ ဒသမ ၁၃၀၈ ယွမ် နှုန်းဈေးပိတ်ခဲ့ပြီး ဇူလိုင် ၄ ရက်ဂရင်း နစ်စံတော်ချိန် မနက် ၈ နာရီခွဲမှာ တစ် ဒေါ်လာကို ၆ ဒသမ ၁၂၅၈ ယွမ်နှုန်း ရှိခဲ့ပါတယ်။ ယွမ်ငွေကြေးရဲ့တန်ဖိုးက ဒေါ်လာ နဲ့ဖလှယ်ရာမှာ ယခုနှစ်အတွင်း ၁ဒသမ ၇ရာခိုင်နှုန်းမြင့်တက်ခဲ့ပါတယ်။ ဇူလိုင် ၅ ရက်နေ့ကတရုတ်နိုင်ငံရဲ့ နိုင်ငံခြားငွေရောင်းဝယ်ရေးဌာနမှာယွမ်ငွေ တန်ဖိုးကဒေါ်လာနဲ့ဖလှယ်ရာမှာ သုည ဒသမ ၃၅ ရာခိုင်နှုန်းမြင့်တက်ပြီး တစ် ဒေါ်လာကို ၆ ဒသမ ၁၇၉ ယွမ်နှုန်း ရှိခဲ့ပါတယ်။
အိန္ဒိယရူပီး ပြည်တွင်းရှယ်ယာတွေတန်ဖိုး မြင့် တက်နေချိန်မှာ အိန္ဒိယဘဏ်တွေနဲ့ ပို့ ကုန်လုပ်ငန်းရှင်တွေ ကဒေါ်လာရောင်းချ မှုများလာတဲ့အတွက် ဘဏ်အချင်းချင်း နိုင်ငံခြားငွေဖလှယ်ရေးဈေးကွက်မှာ ရူပီးတန်ဖိုးက သုည ဒသမ ၁၀ ရူပီးနှုန်း မြင့်တက်ပြီးတစ်ဒေါ်လာကို ၆၀ ဒသမ ၀၃ ရူပီးနှုန်းရှိခဲ့ပါတယ်။ ပြည်တွင်းရှယ် ယာတွေတန်ဖိုး ခိုင်မာတာနဲ့ ပို့ကုန် လုပ်ငန်းရှင်တွေက ဒေါ်လာတွေထုတ် ရောင်းတဲ့အတွက် ဇူလိုင် ၄ ရက်နေ့ ကလည်း ရူပီးတန်ဖိုးက သုည ဒသမ ၀၈ ရူပီးနှုန်းမြင့်တက်ပြီးတစ်ဒေါ်လာကို ၆၀ ဒသမ ၁၃ ရူပီးနှုန်း ရှိခဲ့ကြောင်း ငွေကြေးဝယ်ရောင်းသမားတွေက ပြော ပါတယ်။
ဂျပန်ယန်း ဥရောပဗဟိုဘဏ်နဲ့ အင်္ဂလန် ဘဏ်တို့ကကြေညာချက်တွေထွက်ပေါ် လာပြီးနောက်ပိုင်း ဥရောပမှာ ယူရို တန်ဖိုးကျဆင်းပြီးနောက် ဇူလိုင် ၅ ရက် က အာရှဈေးကွက်မှာဒေါ်လာနဲ့ ယန်း တို့ဖလှယ်တဲ့အခါ ယူရိုတန်ဖိုးကဆက် လက်အားနည်းခဲ့ပါတယ်။ ယူရိုငွေကြေး ရဲ့တန်ဖိုးက ဇူလိုင် ၄ ရက်ကလန်ဒန် ဈေးကွက်မှာ တစ်ယူရိုကို ၁ ဒသမ ၃၀၀ ဒေါ်လာနဲ့ ၁၂၉ ဒသမ ၆၂ ယန်း နှုန်း ရှိရာမှ ဇူလိုင် ၅ ရက်သောကြာ နေ့မှာတစ်ယူရိုကို၁ ဒသမ ၂၉၀၁ ဒေါ် လာနဲ့ ၁၂၉ ဒသမ ၅၀ ယန်းနှုန်းရှိခဲ့ပါ တယ်။ ဒေါ်လာ/ယန်းဖလှယ်ရာမှာ ဒေါ်လာတန်ဖိုးမြင့်တက်ပြီး တစ်ဒေါ် လာကို ၉၉ ဒသမ ၇၁ ယန်းနှုန်းရှိရာမှ ဇူလိုင် ၅ ရက်မှာတစ်ဒေါ်လာကို ၁၀၀ ဒသမ ၃၇ ယန်းနှုန်းရှိခဲ့ပါတယ်။
မလေးရှားရင်းဂစ် ဒေါ်လာ/ရင်းဂစ်ဖလှယ်နှုန်းမှာ ဇူလိုင် ၄ ရက်က တစ်ဒေါ်လာကို ၃ ဒသမ ၁၈၁၅ ရင်းဂစ်နှုန်းရှိရာမှ ဇူလိုင် ၅ ရက်မှာ တစ်ဒေါ်လာကို ၃ ဒသမ ၁၈၁၀ နှုန်းသို့ရောက်ရှိပြီး ရင်းဂစ် တန်ဖိုး မြင့်တက်ခဲ့ကြောင်း ဝယ်ရောင်း သမားတွေက ပြောပါတယ်။ ဇူလိုင် ၅ ရက်နေ့ မှာ ရင်းနှီးမြှုပ်နှံသူအများစုက အမေရိကန်အလုပ် အကိုင်အခြေအနေ ကိုစောင့်ပြီး အရိပ်အကဲကြည့်နေတဲ့ အတွက် ဒေါ်လာနဲ့ ဖလှယ်ရာမှာ အပြောင်းအလဲ မဆိုသလောက်သာ ရှိ ခဲ့ပါတယ်။ ဒါပေမဲ့ တခြားအဓိက ငွေ ကြေးတွေနဲ့ ဖလှယ်ရာမှာ ရင်းဂစ် တန်ဖိုး မြင့်တက် ခဲ့ပါတယ်။
တောင်ကိုရီးယားဝမ် ဒီနှစ်ကုန်ပိုင်းမှာ အမေရိကန်ပြည် ထောင်စုရဲ့ လှည့်လည်ငွေကြေးတိုးမြှင့် ရေးအစီအစဉ် ကိုတစ်စစလျှော့ သွားပြီး တော့ ၂၀၁၄ ခုနှစ်မှာ အဆုံးသတ် တော့မှာဖြစ်ကြောင်း အမေရိကန် ဗဟို ဘဏ်ဥက္ကဌ ဘင်ဘာနန်ကီ က ပြော ကြားပြီး နောက်ပိုင်းဝမ်ငွေကြေးတန်ဖိုး သုည ဒသမ ၆ ရာခိုင်နှုန်း မြင့်တက်ခဲ့ ပါတယ်။ ဇူလိုင် ၃ ရက်နေ့က ကိုရီးယား ဝမ် တန်ဖိုးက ရက်သတ္တပတ်နှစ်ပတ် နီးပါးအတွင်း ကျဆင်းမှုအများဆုံးဖြစ်ခဲ့ ပေမဲ့ ပို့ကုန်လုပ်ငန်းရှင်တွေက စာရင်း ရှင်းဖို့ အဝယ်လိုက်လာတဲ့အပြင် တချို့ကဒေါ် လာကိုလက်ဝယ်ထား ရှိ တာကို လျှော့ချလာတဲ့အတွက် ဇူလိုင် ၄ ရက်မှာ ဝမ် တန်ဖိုးပြန်တက်ခဲ့ပါ တယ်။ ဇူလိုင် ၅ ရက် နေ့မှာ တစ်ဒေါ် လာကို ၁၁၄၂၀ ဒသမ ၇၀ ဝမ်နှုန်းရှိခဲ့ ပါတယ်။ထိုင်းဘတ် တရုတ်နိုင်ငံရဲ့ စီးပွားရေးဖွံ့ဖြိုးနှုန်း နှေးကွေးကျဆင်းမှုနဲ့ အမေရိကန် စီးပွားရေးကောင်းလာရင်စီးပွားရေး တွန်းအားပေးအစီအစဉ်တွေလျှော့ချတော့ မယ်ဆိုတဲ့သတင်းတွေကြောင့် စိုးရိမ်မှု တွေဖြစ်ခဲ့တဲ့ အတွက်ထိုင်း ဘတ်ငွေတန်ဖိုး က ရက်သတ္တပတ်အလိုက်နှိုင်းယှဉ်ရင် တန် ဖိုးကျဆင်းခဲ့ပါ တယ်။ ထိုင်းနိုင်ငံရဲ့ ပို့ကုန်က ဧပြီမှာ ၂ ဒသမ ၉ ရာ ခိုင်နှုန်းမြင့်တက်ခဲ့ပြီးနောက် မေမှာ ၅ ဒသမ ၃ ရာ ခိုင်နှုန်းကျဆင်းခဲ့ပါတယ်။ အများဆုံး ပို့ကုန်ဈေးကွက် ဖြစ်တဲ့ တရုတ်နိုင်ငံကို တင်ပို့မှုက ၁၆ ရာခိုင် နှုန်းကျဆင်းခဲ့ပါတယ်။ ဘလွမ်းဘတ်က ပြုစုထားတဲ့ စာ ရင်းအရ ဘန်ကောက်မှာ ဇူလိုင် ၄ ရက် မနက် ၉ နာရီ ၈ မိနစ်က ဘတ် ငွေတန်ဖိုးက သုည ဒသမ ၃ ရာခိုင် နှုန်းကျဆင်းပြီး တစ်ဒေါ်လာကို ၃၁ ဒသမ ၁၄ ဘတ်နှုန်းရှိခဲ့ပါတယ်။

Monday, 8 Jul 2013

 
အမေရိကန်ဗဟိုဘဏ်၏ငွေကြေး ပေါ်လစီပြောင်းလဲမှုကြောင့်နိုင်ငံတကာ ၌ အမေရိကန်ဒေါ်လာလဲ လှယ်နှုန်း များ မြင့်တက်လျက်ရှိရာယင်းအခြေအနေ သည် မြန်မာနိုင်ငံသို့ ရိုက်ခတ်လာမှု  ကြောင့် မြန်မာနိုင်ငံ တွင်လည်း ငွေလဲ နှုန်းများ မြင့်တက်လျက်ရှိကြောင်း သိ ရသည်။
ယခင်က နေပြည်တော်တွင် ပြု လုပ်သည့်ကျောက်မျက်ပြပွဲကြောင့် ငွေ လဲနှုန်းများ မြင့်တက်ရခြင်းဖြစ်သည်ဟု ဆိုသော်လည်း ကျောက်မျက်ပြပွဲပြီးဆုံး သွားသော်လည်း ငွေလဲနှုန်းများမှာ ပြန် လည်မြင့်တက်လျက်ရှိကြောင်း သိရ သည်။ဇူလိုင်လ ၁ရက်နေ့ကဗဟိုဘဏ် ၏ ရည်ညွှန်းငွေလဲနှုန်းမှာ ၉၇၁ကျပ် ဖြစ်ကြောင်း သိရသည်။ သိမ်ဖြူငွေလဲ ကောင် တာနှင့် ငွေလဲစင်တာများတွင် ဝယ်ဈေး ၉၆၈ကျပ် ရောင်းဈေး ၉၇၈ ကျပ်ဟု ရေးထားသော်လည်း အဝယ် သာရှိပြီး အရောင်းမှာ မရှိကြောင်း၊ လာရောင်းသည့်ပမာဏလောက်ကို သာ ပြန်လည်ရောင်းချနေရခြင်းဖြ စ်ကြောင်း ပြင်ပေ ငွလဲစင်တာတစ်ခုမှ သိရှိရသည်။ပြင်ပငွေဈေးကွက်တွင်မူ ဝယ် ဈေး ၉၈၉ကျပ်၊ ရောင်းဈေး ၉၉၁ကျပ် ဖြစ်ကာ ပြီးခဲ့သည့်ရက်သတ္တပတ်က ထက် ဈေးအနည်းငယ်ကျသွားခဲ့သော် လည်း ယခုတစ်ပတ်အတွင်းတွင် ပြန် လည်မြင့်တက်လာခဲ့ကြောင်းသိရသည်။"ကျွန်တော်တို့ အပြင်ဈေးကွက် မှာတော့ အရောင်းရော အဝယ်ရော ရှိတယ်။ ဈေးကတက်နေတော့ အဝယ် သမားတွေကလည်း များတယ်။ ရောင်း တဲ့သူတွေကလည်း ဈေးတက်တဲ့အချိန် ဆိုတော့ လာရောင်းကြတာပဲ။ ဒီနေ့ (ဇူလိုင်လ ၅ရက်)ဆိုရင် ဝယ်ဈေး ၉၈၉ ကျပ်၊ ရောင်းဈေး ၉၉၁ကျပ်နဲ့အရောင်း အဝယ်လုပ်နေကြ တာ"ဟု ပြင်ပငွေ ဈေးကွက်အတွင်းမှ ဝယ်ရောင်းလုပ်နေ သူတစ်ဦးက ဆိုသည်။နေပြည်တော်ရှိကျောက်မျက်ပြပွဲ မှ နိုင်ငံခြားငွေများ အများအပြား ရရှိ ထားသဖြင့် ဈေးနှုန်းများ ပြန်လည်ကျ ဆင်းလာနိုင်ကြောင်း ဈေးကွက်အတွင်း မှသိရသည်။ငွေလဲနှုန်းများမြင့်တက်လာမှု ကြောင့် ကုန်ဈေးနှုန်းများမြင့်တက်လာ နိုင်သဖြင့် ဈေးနှုန်းကိုထိန်းချုပ်ပေးရန်  ပြည်သူများက လိုလားနေကြကြောင်း သိရသည်။              မယ်သီတာ
 
 

Monday, 8 Jul 2013

ဒေါ်လာဈေးမြင့်တက်လာခြင်း ကြောင့် နိုင်ငံခြားငွေနဲ့ အလုပ်လုပ် သူများမှ အဆင်ပြေမှုရှိလာကြောင်း၊ အိန္ဒိယကောင်စစ်ဝန်ရုံးမှာ တာဝန်ထမ်း ဆောင်နေသူတစ်ဦးက ပြောပါတယ်။ " ဒေါ်လာဈေးမြင့်တက်လာတာ ၃ လလောက်တော့ကြာပြီ။ ကျွန်တော် တို့ အတွက်အဆင်ပြေတာပေါ့ ။ဒေါ်လာတစ်ရာရတဲ့သူကကျပ်တစ်သောင်းခွဲ လောက်ပိုရလာပြီး၊ဒေါ်လာနှစ်ရာ ရတဲ့ သူက ကျပ်သုံးသောင်းလောက် ပိုပြီးရလာတယ်။ ငွေပိုငွေလျှံပိုရလာ တာပေါ့။

Pages