Background
လာမဲ့နှစ်မှာဥရောပဗဟိုဘဏ် ကယူရိုဇုန်ရှိငွေချေးဘဏ်အားလုံးရဲ့ ကြီးကြပ်သူအဖြစ်ဆောင်ရွက်တော့ မှာ ဖြစ်ပါတယ်။ အဲဒီအခါမှာ ECB ကထိပ် တန်းလုပ်ငန်း ၂၅ ခုကိုအဓိကဦးတည် ချက်ထားပြီး ဆောင်ရွက်သွား မှာဖြစ် ကြောင်း ECB ရဲ့ဒုတိယဥက္ကဌဗစ်တာ ကွန်စတန်စီယိုကပြောပါတယ်။ အား နည်းတဲ့ဘဏ်တွေကိုတိုက်ရိုက်ငွေ ထုတ် ပေးဖို့ကို ၂၀၁၄ မတိုင်မီအထိ ဆောင် ရွက်ပေးနိုင်ဦးမှာမဟုတ်ဘူးလို့လည်း ပြောပါတယ်။ ယူရိုဇုန်ကြွေးမြီးအကျပ် အတည်းကိုဖြေရှင်းဖို့ကြိုပမ်းတဲ့အနေနဲ့ ECB ကို စွမ်းအားကြီးမားတဲ့ ကြီးကြပ် ကွပ်ကဲရေးအဖွဲ့ပြောင်းလဲပေးနိုင်မဲ့ ဘဏ်လုပ်ငန်းသမဂ္ဂထူထောင်ရေးအတွက် စိုးရိမ်နေမှုများကို သက်သာစေမဲ့နည်း လမ်းတွေကိုအောက်တိုဘာ ၂၂ ရက်က ဗြိတိသျှလွှတ်တော်အမတ်တွေနဲ့ တွေ့ ဆုံချိန်မှာကွန်စတန်စီယို က ဆွေးနွေးခဲ့ ပါတယ်။ ကွန်စတန်ယိုကဗြိတိသျှ အထက်လွှတ်တော်ကော်မီတီနဲ့ ဗီဒီယို မှတစ်ဆင့်မိနစ် ၉၀ ကြာတွေ့ဆုံနွေးခဲ့ ပါတယ်။
လာမဲ့နှစ်ကစပြီး ဥရောပငွေကြေး သုံးစွဲတဲ့ ၁၇ နိုင်ငံမှာရှိတဲ့ဘဏ်တွေကို ကြီးကြပ်ဖို့ ဥရောပခေါင်းဆောင်တွေက ECB ကို တာဝန်ပေးတာကိုအောက်တို ဘာ ၁၉ ရက်က ဥရောပသမဂ္ဂခေါင်း ဆောင်တွေကသဘောတူခဲ့ပါတယ်။ ဒီ သဘောတူညီချက်ကိုဘယ်လိုဆောင် ရွက်သွားမယ်ဆိုတာကိုသူကရှင်းလင်း တင်ပြခဲ့ပါတယ်။ ECB က ယူရိုဇုန်မှာ ရှိတဲ့ဘဏ် ၆၀၀၀ ကိုကြီးကြပ်ထိန်းသိမ်း သွားဖို့ရည်မှန်းထားပါတယ်။ ဒါပေမဲ့ အရေးပါတဲ့ငွေချေးဘဏ်တွေကိုအဓိက အာရုံစိုက်ဆောင်ရွက်ပြီးကျန်ဘဏ်တွေ ကိုပုံမှန်ကြီးကြပ်ရမဲ့တာဝန်ကို ဒေသ တွင်း ကြီးကြပ်ရေးအဖွဲ့တွေကို လွှဲ ပြောင်း ပေးသွားမှာဖြစ်ပါတယ်။ ဒါပေမဲ့ လိုအပ်ရင်ယူရိုဇုန်ဒေသ တွင်းရှိမည်သည့်ဘဏ်ကိုမဆိုဝင်ရောက် ကိုင်တွယ်ဖို့ ECB မှာ အခွင့်အာဏာ ရှိပါတယ်။ Source.reuters.com
အမေရိကန်ပြည်ထောင်စုတွင် စီးပွားရေး ဆုတ်ကပ် အကျပ်အတည်း ရှည်ကြာဦးမည်ဖြစ်သည့်အတွက် အလုပ်အကိုင် အပြည့်အ၀ ရရှိရေးအတွက် နှစ်ပေါင်းများစွာ ကြာဦးမှာဖြစ်ကြောင်း အမေရိကန်ပြည်ထောင်စု မှ နိုဘယ်ဆုရ စီးပွားရေးပညာရှင် ပေါခရူမင်က အောက်တိုဘာ ၂၂ ရက်ကသတိပေး ပြော ကြားပါတယ်။ အိမ်ခြံမြေကဏ္ဍ ပြန်လည် ဦးမော့လာခြင်းနဲ့ အလုပ်လုပ်နိုင် တဲ့ လူဦးရေမှာ အလုပ်အကိုင် ဖန်တီးမှုက စီးပွားရေးဖွံ့ဖြိုးမှုကိုကျော်လွန်နေ ကြောင်း သို့သော် သတင်းက သတင်းကောင်းဖြစ်ပေမဲ့ အကောင်းစားကြီး မဟုတ်ကြောင်း နယူးယောက် တိုင်း သတင်းစာတွင်ပါရှိတဲ့ ဆောင်းပါး တစ် စောင်မှာ ခရူမင်က ဖော်ပြပါတယ်။
ပြည်တွင်း၌ကားရောင်းချရာမှာ ကာလရှည်ကြာစွာအရောင်းကျပြီးနောက် ပိုင်းလွန်ခဲ့သောလအနည်းငယ်အတွင်း တွင်တောင်ကိုရီးယားရှိမော်တော်ကား ထုတ်လုပ်ရေးကုမ္ပဏီကြီးငါးခုရဲ့မော် တော်ကားတင်ပို့မှုကျဆင်းခဲ့ပါတယ်။ ဟွန်ဒိုင်း၊ ကီးယား၊ ဂျီအမ်ကိုရီးယား၊ ရေးနော့ဆမ်ဆောင်းနဲ့ ဆမ်းယောင်း မော်တော်ကားကုမ္ပကြီးငါးခုရဲ့ စုစုပေါင်း တင်ပို့မှုကစက်တင်ဘာက ၂၃၂၀၂၅ စီးတင်ပို့ခဲ့ပြီး ယခင်နှစ်နဲ့နှိုင်းယှဉ်ရင် ၇ ဒသမ ၂ ရာခိုင်နှုန်းကျဆင်းခဲ့ပါတယ်။ တင်ပို့မှုလအလိုက်ကျဆင်းတာဇွန်လက ၁ ဒသမ ၄ ရာခိုင်နှုန်း၊ ဇူလိုင်လမှာ ၁၀ ဒသမ ၄ ရာခိုင်နှုန်းနဲ့သြဂုတ်လမှာ ၂၃ ဒသမ ၆ ရာခိုင်နှုန်းအသီးသီးကျ ဆင်းခဲ့တဲ့အတွက် စက်တင်ဘာလကျ ဆင်းမှုကစတုတ္ထမြောက်ကျ ဆင်းခဲ့တာ ဖြစ်ပါတယ်။
၂၀၁၃ ခုနှစ်ဇန်နဝါရီလကစပြီး နယူးဒေလီနဲ့မွန်ဘိုင်းလေဆိပ်တွေမှာ လေဆိပ်ကြေးကောက်ခံတာကို ဖျက် သိမ်းတော့မယ်လို့အိန္ဒိယအစိုးရကကြေ ညာပါတယ်။ ကမ္ဘာလေကြောင်းလိုင်း တွေကကုန်ကျစရိတ်တွေမြင့်တက်နေ တယ်ဆိုတဲ့ ပြောကြားမှုတွေရှိလာတဲ့ အတွက် လေကြောင်းသွားလာမှုကိုတိုး မြှင့်နိုင်အောင်အိန္ဒိယနိုင်ငံက ယခုလို ဆောင်ရွက်တာဖြစ်ပါတယ်။ ဒါပေမဲ့ အခြေခံအဆောက်အအုံနဲ့ဆိုင်တဲ့ ကုန် ကျစရိတ်မြင့်မားတာ အပါအဝင်တခြား အတားအဆီးတွေကြောင့် ယခုအချိန် ထိ မည့်သည်လေကြောင်းလိုင်းက စိတ် ဝင်စားမှု မပြကြသေးပါဘူး။
ဗြိတိသျှအစိုးရရဲ့သုံးစွဲမှု လျှော့ပေါ့တာနဲ့ အခွန် တိုးမြှင့်တဲ့ လုပ်ရပ်တွေ ကြောင့်စီးပွားရေးကို ပထမတွက်ဆထားတာထက် ပိုမိုထိခိုက်နိုင်ကြောင်း ဗြိတိသျှ နိုင်ငံအတွင်းရှိ စီးပွားရေး ကြိုတင်ခန့်မှန်းရေးအဖွဲ့ OBR က အောက်တိုဘာ ၁၆ ရက်ကပြောပါတယ်။ လွတ်လပ်တဲ့ အဖွဲ့အစည်းတစ်ခု ဖြစ်တဲ့ Office for Budget Responsibility အဖွဲ့ရဲ့ေ၀ ဖန်ပြောကြားချက်က အစိုးရရဲ့ ခြိုးခြံချွေ တာရေးကြိုးပမ်းဆောင်ရွက်မှု နဲ့ပတ်သက်ပြီးအပြင်းအထန် အငြင်းအခုံဖြစ်နေတာကို မီးလောင်ရာလေပင့် လုပ်ပေးသလိုဖြစ်နေပြီးဗြိတိန် နိုင်ငံမှာ စီးပွားရေး ဆုတ်ကပ်သစ်ဖြစ်လာမှုအတွက် ပါလီ မန်အတွင်းရှိအတိုက် အခံတို့ရဲ့ ပြစ်တင်ဝေဖန်မှုကို မီးထိုးပေးသလိုဖြစ်စေနိုင်ပါတယ်။ OBR ကို စီးပွားရေးခန့်မှန်းချက်တွေပေးဖို့ နဲ့ဘဏ္ဍာရေးမူဝါဒတွေ ကို ဝေဖန် အကဲဖြတ်ဖို့ အစိုးရကဖွဲ့စည်းပေးထားတာဖြစ်ပြီးဘဏ္ဍာရေးအကျပ်အ တည်းကစီးပွားရေး ဖွံ့ဖြိုးမှုစွမ်းဆောင်ရည်ကို အကြာကြီးထိခိုက်စေနိုင်ကြောင်း အဖွဲ့ရဲ့နှစ်ပတ်လည် သုံးသပ်ချက် အစီရင်ခံစာ မှာ ဖော်ပြထားပါတယ်။ စားသုံးသူသုံးစွဲမှုကို ဖိစီးနေတဲ့ငွေကြေးဖေါင်းပွမှုတစ်စစဆိုးဝါးနေတဲ့ ပို့ ကုန်ဈေးကွက်နဲ့ ဆိုးဝါးတဲ့ချေးငွေ အခြေအနေတွေနဲ့အတူ ယူဆိုဧရိယာ၏ စိုးရိမ်မှုနဲ့ စီးပွားရေးရင်းနှီးမြှုပ်နှံမှုမရေရာမှုကြောင့် ဖြစ်ရတဲ့ဂယက်စတဲ့ အကြောင်းအရာတွေကြောင့် စီးပွားရေးဖွံ့ဖြိုးမှုကို အားနည်းစေခဲ့ကြောင်း အစီ ရင်ခံစာမှာ ဖော်ပြထားပါတယ်။ ဘဏ္ဍာရေး စုစည်းမှုကလည်း ခန့်မှန်းထားတာထက်ပိုပြီး စီးပွားရေးဖွံ့ဖြိုး မှုကိုနှေးကွေးစေကြောင်း OBR စီးပွားရေး ပညာရှင်တို့က ပြောသည်။Source.reuters.com
အထူးသဖြင့် ဥရောပကြွေးမြီ အကျပ်အတည်းကြောင့် ကမ္ဘာ့စီးပွားရေးမှာ အခြေအနေ မကောင်းသေးကြောင်းနဲ့ ခက်ခဲသောအခြေအနေမျိုးမှာ အချိန်အတော်ကြာသည်ထိ ရှိနေဦးမှာဖြစ်ကြောင်း ကမ္ဘာ့ဘဏ်မှ စီးပွားရေးပညာရှင် အကြီးအမှူး ကောရှစ်ဘာစူးက ပြောပါတယ်။ ဘာစူးက မကြာသေးမီအချိန်ထိ အိန္ဒိယနိုင်ငံ အစိုးရရဲ့ အကြံပေးအဖြစ် ဆောင်ရွက်ခဲ့ပြီး လက်ရှိ ရာထူးသစ်ကို အောက်တိုဘာ ၁ ရက်က စတင်ထမ်းဆောင်ခဲ့ပါတယ်။
မာရီကာနာ ပလက်တီနမ်တွင်းမှာ အလုပ်လုပ်နေကြတဲ့ တောင်အာဖရိက ရှိ မာရီကာနာ သတ္တုတွင်းတူး လုပ်သား တွေ လုပ်ငန်းခွင်ကို စက်တင်ဘာ ၁၈ ရက်မှာ ပြန်ဝင်ကြပါတယ်။ တောင် အာဖရိကသတ္တုတွင်းမှာ ဆန္ဒပြမှုတွေ အပြင်းအထန်ဖြစ်တဲ့အတွက် လူ ၄၄ ဦး သေဆုံးခဲ့ပါတယ်။ ဆန္ဒပြနေတဲ့ လုပ် သားတွေက လွန်မင်က ပိုင်ရှင်တွေနဲ့ သဘောတူညီချက်ကို စက်တင်ဘာ ၁၈ ရက်စတင်ရရှိခဲ့ပါတယ်။ ပိုင်ရှင်တွေက လစာကို ၂၂ ရာခိုင်နှုန်းထိ တိုးမြှင့်ပေး ခဲ့ပါတယ်။ ရက်သတ္တပတ် ခြောက်ပတ် လောက် လုပ်ငန်းရပ်ဆိုင်းထားစဉ် ကာလအတွင်းက ဆုံးရှုံးမှုတွေကို ပြန် လည် အစားထိုး နိုင်လိမ့်မယ်လို့ လွန် မင်က ယုံကြည်ထားပါတယ်။ သတ္တု တွင်းလုပ်သား ၃၄ ဦးသေဆုံးပြီး အများ စုက ရဲကပစ်ခတ်လို့သေဆုံးတာ ဖြစ်ပြီး ဤကိစ္စအတွက် စုံစမ်းစစ်ဆေးတာတွေ ပြုလုပ်နေပါတယ်။
၂၀၁၂ ခုနှစ် ဇန်နဝါရီ-သြဂုတ်လ ကာလအတွင်း အိန္ဒိယနိုင်ငံက ဆိုက် ရောက်ဗီဇာ ထုတ်ပေးသူဦးရေ ၉၄၁၂ ဦးရှိတဲ့အတွက် ၂၀၁၁ ခုနှစ်အလားတူ ကာလက ထုတ်ပေးခဲ့တဲ့ ၇၅၁၄ ဦးနဲ့ နှိုင်းယှဉ်ရင် ၂၅ ဒသမ ၃ ရာခိုင်နှုန်း တိုးတက်ခဲ့ပါတယ်။
Bankia ဘဏ်အတွက် ယူရို ၄ ဒသမ ၅ ဘီလီယံ (ဒေါ်လာ ၅ ဒသမ ၇ ဘီလီယံ) အရေးပေါ် ထုတ်ချေးပေးခဲ့ကြောင်း စပိန်နိုင်ငံက စက်တင်ဘာ ၃ရက်က ပြောပါတယ်။ ဘဏ်ကြီးရဲ့ လက်ကျန်ရှင်းတမ်းကို ထိန်းသိမ်း နိုင်ဖို့အတွက် ချက်ချင်းအကျိုးသက်ရောက်မှုရှိစေမည့် ရင်းနှီးငွေကို ထုတ်ပေးဖို့ အုပ်ချုပ်ရေးဘုတ် အဖွဲ့က သဘောတူခဲ့ကြောင်း နိုင်ငံတော်က ကျောထောက် နောက်ခံပေးထားတဲ့ Fund for Oredry Bank Restructruing (FROB) ကပြောပါတယ်။
ဆင်းရဲမှုမျဉ်း ( Poverty Line) အောက်ရောက်နေတဲ့ မိသားစုတိုင်းအတွက် ဖုန်းတစ်လုံးရရှိစေမည့် အစီအစဉ်ကို အိန္ဒိယညွန့်ပေါင်းအစိုးရကအတည်ပြုပေးဖို့နောက်ဆုံးအဆင့် ကို ရောက်နေပါပြီ။ ဒီလှုပ်ရှားမှုက လူကြိုက်အများဆုံး အစီ အမံတစ်ခုဖြစ်ပြီး ၂၀၁၄ ခုနှစ် ရွေးကောက်ပွဲအတွက် အစိုးရရဲ့ကြိုတင်ပြင်ဆင်မှုတစ်ရပ်လည်း ဖြစ်ပါတယ်။ ဒီအစီ အစဉ်ရဲ့နံမည်ကို " A Phone in every hand" လို့အမည် ပေးထားပါတယ်။