Background
တစ်စစကြီးထွားနေတဲ့ ယူရိုဇုန် အကျပ်အတည်းက ဗြိတိန်နိုင်ငံ စီး ပွားရေးကို အကြီးအကျယ်ထိခိုက်စေပြီး နာလန်ထူမှုဖြစ်စဉ်ကို ထိခိုက် စေနိုင် ကြောင်း အပြည်ပြည်ဆိုင်ရာ ငွေကြေး ရန်ပုံငွေအဖွဲ့ (အိုင်အမ်အက်ဖ်) က ဗြိတိန် နိုင်ငံကို မေ ၂၂ ရက်က သတိ ပေးခဲ့ပါတယ်။ ယူရို ကြွေးမြီအကျပ် အတည်းမှ ကြီးမားတဲ့ စွန့်စား မှုတွေ ဖြစ်ပေါ်နေချိန်မှာ နိုင်ငံဖွံ့ဖြိုးမှုကို တိုး မြှင့်ပေးမဲ့ ပြင်းထန်တဲ့ ခြိုးခြံချွေတာရေး အစီအမံတွေရဲ့ အရှိန် လျှော့ချသွားဖို့ ဗြိတိန်နိုင်ငံရဲ့ ဆုံးဖြတ်ချက်ကိုထောက်ခံ ကြောင်း ဗြိတိန်နိုင်ငံစီးပွားရေး နှစ်ပတ် လည် သုံးသပ်ချက်အစီရင်ခံစာနဲ့ ပတ် သက်တဲ့ သတင်းစာ ရှင်းလင်းပွဲမှာ အိုင်မ်အက်ဖ် ညွှန်ကြားရေးမှူးချုပ် ခရစ်စတင်းလားဂတ်က ပြောပါ တယ်။
ကယ်တင်မှု ချေးငွေအဆမတန်ပေးရတဲ့ အဖြစ်မျိုးမှ အခွန်ထမ်းတို့ကို ကာကွယ်မဲ့ရည်မှန်းချက်ထားပြီး ဘဏ်တွေက အနာဂတ် ဘဏ္ဍာရေးအကျပ် အတည်းကိုအကောင်းဆုံးကာကွယ်ထားနိုင်ရမဲ့စည်းမျဉ်းဥပဒေတွေကို ဥရောပ သမဂ္ဂ ဘဏ္ဍာရေးဝန်ကြီးတွေက သဘောတူခဲ့ကြပါတယ်။
ဥရောပဗဟိုဘဏ် (အီးစီဘီ)ရဲ့ ငွေကြေးမူဝါဒက ဥရောပမှာ ဖြစ်ပွား နေတဲ့ ရောဂါအတွက် ကုထုံးမဟုတ်ကြောင်းနဲ့ ယူရိုဇုန်အကျပ်အတည်းကို ဖြေရှင်းဖို့အတွက် နိုင်ငံရေးအရဖိအားပေးမှုကို ပြန်လည် တွန်းလှန်သွားဖို့ လိုကြောင်း အီးစီဘီမှ မူဝါဒရေးဆွဲသူ ဂျင်းဝိတ်ဒမန်းက မေ ၈ ရက် ဝေဖန် ပြောကြားခဲ့ပါတယ်။
ဥရောပသမဂ္ဂအဖွဲ့ဝင်အားလုံးက ဘဏ္ဍာရေး သဘော တူစာချုပ်ကို လက်မှတ်ရေးထိုးပြီးဖြစ်သည့်အတွက် ဂျာမနီ နိုင်ငံက ယူရိုဘွန်းစာချုပ်များအားဆန့်ကျင်နေခြင်းကို စွန့် လွှတ်သင့်ကြောင်း အပြည်ပြည်ဆိုင်ရာငွေကြေး ရန်ပုံငွေအဖွဲ့ (အိုင်အမ်အက်ဖ်) မှ စီးပွားရေးပညာရှင်အကြီးအကဲ အိုလီ ဗီယာ ဘလန်ချတ်က ပြောပါတယ်။
အမေရိကန်မှ ထုတ်လုပ်တဲ့ ကုန်ပစ္စည်းများ တင်သွင်း ခြင်းကိုသွင်းကုန်ခွန်များလျှော့ချပေးရန် တိုက်တွန်းရင်း အဲဒီလို အခွန်တိုးမြှင့်မှုများက ရေရှည်တွင်နှစ်နိုင်ငံ စီးပွားရေး ဆက်ဆံ မှုများကို ထူးထူးကဲကဲ ထိခိုက်စေနိုင်ကြောင်း အမေရိ ကန် ပြည်ထောင်စု ကူးသန်းရောင်းဝယ်ရေးဝန်ကြီး ဂျွန်ဘရိုင်ဆန် က မတ် ၂၆ ရက်က ပြောပါတယ်။
ဗြိတိန်နိုင်ငံက ပိုင်ဆိုင်တဲ့ စကော့ တလန် ဘဏ် RBS ရဲ့ ရှယ်ယာများ ရောင်းချဖို့ဆွေးနွေးညှိနှိုင်းရာမှာအဘူဒါ ဘီ တော်ဝင်မိသားစုတွေ ပါဝင်လာ ကြောင်း သတင်းရပ်ကွက်များက ပြော ပါတယ်။ အရှေ့အလယ်ပိုင်း ကိစ္စနဲ့ ပတ်သက်ပြီး ထင်ရှားသူ စီးပွားရေး လုပ်ငန်းရှင် အမျိုးသမီးက တော်ဝင် မိသားစု ရဲ့ အတိုင်ပင်ခံအဖြစ် ဆောင် ရွက်နေကြောင်း ဒီကိစ္စနဲ့ ကျွမ်းဝင်သူတို့ က မတ် ၂၈ ရက်က ပြောပါတယ်။
ဂရိနိုင်ငံ အမျိုးသားကြွေးမြီပေးဆပ်ရန် ပျက်ကွက်မှုကနေ ကာကွယ်နိုင်ဖို့ အတွက် ယူရိုဘီလီယံ ၁၃၀ (ဒေါ်လာ ဘီလီယံ ၁၇၀) ရှိ ကယ်တင်မှု အစီ အစဉ်ကို ဒုတိယအကြိမ်အဖြစ် မတ် ၂၁ ရက်က ဂရိပါလီမန်က အတည်ပြု ပေးခဲ့ပါတယ်။ အဆိုပြုချက်ကို ဆိုရှယ်လစ်နဲ့ ကွန်ဆာဗေးတစ်ပါလီမန်က အတည်ပြုပြီး ကွန်မြူနစ်နဲ့ လက်ဝဲ အလွန်အကျွံဝါဒီ ကိုယ်စားလှယ် ၇၉ ဦး တို့က ကန့်ကွက်ခဲ့ပါတယ်။
ဝရုန်းသုန်းကားဖြင့် ကြွေးမြီပေး ဆပ်ရန် ပျက်ကွက်စေနိုင်မဲ့အခြေအနေ ကိုရှောင်ရှားရန်အတွက်ထုတ်ပေးမည့် ဒုတိယအကြိမ်ကယ်တင်ရေး အစီအစဉ် ကိုအတည်ပြုဖို့ ဖေဖော်ဝါရီ ၁၅ရက်မှာ ကျင်းပမဲ့ အစည်းအဝေးကို ယူရိုဇုန် ဝန်ကြီးများက ပယ်ဖျက်ခဲ့ကြောင်း ယူရို ဇုန်အကြီးအကဲယွန်းကလောဂျန်ကာက ဖေဖော်ဝါရီ ၁၄ရက်က ပြောပါတယ်။"ဒီအစီအစဉ်ကိုအကောင်အထည် ဖော်ဖို့နဲ့ ပတ်သက်ပြီး ဂရိညွန့်ပေါင်း အစိုးရဆီက လိုအပ်တဲ့ အာမခံချက်ကို ကျွန်တော် မရသေးပါဘူး"လို့ ဂျန်က ပြောပါတယ်။
ဥရောပနဲ့ အမေရိကန်ပြည် ထောင်စုမှာ သန့်ရှင်းတဲ့စွမ်းအင် ဖော် ထုတ်ရေး အလားအလာ မှေးမှိန်နေချိန် မှာ အာရှဒေသတွင်းရှိ အစိုးရတွေက ရင်းနှီးမြှုပ်နှံမှုအတွက် ဆွဲဆောင်မှု တွေပေးနေတဲ့အတွက် ကမ္ဘာ ပြန်ပြည့် မြဲ စွမ်းအင်ရင်းနှီးမြှုပ်နှံသူတွေက အရှေ့တောင်အာရှနဲ့ တောင်အာရှ ဘက်ကို စိတ်ဝင်စားလာကြပါတယ်။
အီတလီကို အထောက်အပံ့ပေးဖို့အတွက်နဲ့ ယူရိုအကြီးအကျယ်ပြိုကွဲ သွားမှာကို ကာကွယ်ဖို့အတွက် ဥရောပဗဟိုဘဏ် (ECB ) က ဒုက္ခရောက်နေ တဲ့ ယူရိုဇုန်ကဘွန်းစာချုပ်တွေကို တိုးမြှင့်ဖို့လိုတယ်လို့ Fitch ရဲ့ နိုင်ငံတော် ကြွေးမြီသတ်မှတ်ရေးဌာန အကြီးအကဲရီလေးက ဇန်နဝါရီ ၁၂ ရက်က ပြော ပါတယ်။