Main menu

Background

Wednesday, 9 Nov 2011

                   ဗီယက်နမ်နိုင်ငံ မဲခေါင်မြစ်ဝကျွန်းပေါ်ဒေသမှာ ရေလွှမ်းမိုးမှုကြောင့် နိုဝင်ဘာ ၃ ရက် အထိ လူ ၆၉ ဦးသေဆုံးခဲ့ပါတယ်။ အိမ်တစ်သိန်းခွဲနီးပါးနဲ့ စပါးစိုက်လယ်ကွင်း ၂၂၉၅၅ ဟက်တာရေ လွှမ်းမိုးခံခဲ့ရပါတယ်။ ရေကာတာ အရှည် ၁၅၆၀ ကီလိုမီတာ ကျိုးပျက်ခဲ့ပါတယ်။နိုဝင်ဘာ ၄ ရက်က ထုတ်ပြန်တဲ့ အစိုးရရဲ့ စာရင်း ဇယားတွေအရ သိရပါတယ်။                     သြဂုတ်ကနေ စတင်ဖြစ်ပွားခဲ့တဲ့ မဲခေါင် မြစ်ဝကျွန်းပေါ်ဒေသရှိ ပြည်နယ်များမှာ ရေလွှမ်း မိုးမှုကြောင့် ယခုနှစ်မှာ ဗီယက်နမ်ဒေါင် ၂ ဒသမ ၈၅ ထရီလီယံ (ဒေါ်လာ ၁၃၅ သန်း)ဖိုး ဆုံးရှုံးမှုရှိခဲ့တယ်လို့ နိုဝင်ဘာ ၃ ရက်ကထုတ်ပြန်တဲ့ ရေလွှမ်း မိုးမှုနဲ့ လေမုန်တိုင်းထိန်းချုပ်ရေး ဗဟိုကော်မတီ အစီရင်ခံစာမှာ တွေ့ရပါတယ်။                      မဲခေါင်မြစ်ရဲ့ မြစ်ညာပိုင်းဒေသတွေမှာ ရေကျစပြုလာပြီလို့ မိုးလေဝသနဲ့ ဇလဗေဒကြို တင်ခန့်မှန်းရေးစင်တာက ထုတ်ပြန်ပါတယ်။ Source.philstar.com

Wednesday, 9 Nov 2011

                    ကမ္ဘောဒီးယားမှာ ရေလွှမ်းမိုးမှု အကြီး အကျယ်ဖြစ်ပွားခဲ့တဲ့အတွက် လူ ၂၄၇ ဦး သေဆုံးပြီး လူဦးရေ ၁ ဒသမ ၆ သန်း ဒုက္ခ ကြုံတွေ့ခဲ့ရပြီး နိုင်ငံရဲ့ လေးပုံသုံးပုံ ရေလွှမ်း မိုးခံခဲ့ရတယ်လို့ ကုလသမဂ္ဂ အစီရင်ခံစာမှာ ဖော်ပြထားပါတယ်။ မဲခေါင်မြစ်နဲ့ တခြားမြစ်ကြီးတွေက လွန်ခဲ့တဲ့နှစ်လကျော်အတွင်းက ဖြစ်ပွားခဲ့တဲ့ ရေလွှမ်းမိုးမှုကြောင့် ဆန်စပါး သီးနှံ ၁၀ ရာ ခိုင်နှုန်းကျော် ပျက်စီးသွားတဲ့အတွက် စားနပ် ရိက္ခာပြတ်လပ်ပြီး ကြွေးမြီထူပြောလာမှာကို စိုးရိမ်နေရပါတယ်။                     ကမ္ဘောဒီးယားရဲ့ လူဦးရေ ၁၄ ဒသမ ၇ သန်းအနက် ၈၀ ရာခိုင်နှုန်းနီးပါးက ကျေးလက်ဒေသ တွေမှာနေထိုင်ပြီး ၇၁ ရာခိုင်နှုန်း က လယ်ယာစိုက်ပျိုးရေးနဲ့ တိရစ္ဆာန်မွေးမြူ ရေးလုပ်ငန်းနဲ့ အသက်မွေးဝမ်းကျောင်းပြုနေ ရပါတယ်။ ယခုအခါ ရေလွှမ်းမိုးမှုကြောင့် မိသားစု ထောင်ပေါင်းများစွာ ဝင်ငွေမရှိဘဲဖြစ် နေပါတယ်။                        ကုလသမဂ္ဂမှ ထုတ်ပြန်တဲ့ စာရင်းတွေ အရ ကမ္ဘောဒီးယား ကျေးလက်ပြည်သူတွေရဲ့ သုံးပုံတစ်ပုံ ရေလွှမ်းမိုးခံနေတယ်လို့ ဆိုပါတယ်။ Source.trust.org

Monday, 31 Oct 2011

                       ထွန်းသစ်စဈေးကွက်တွေမှာ အသာစီးရနေတဲ့ အတွက် ဗောက်စ်ဝက်ဂင်အေဂျီက တိုယိုတာနဲ့ ဂျင်နရယ် မော်တာ ( GM ) တို့ကိုကျော်တက်ပြီး ယခုနှစ်ကမ္ဘာ့ကား ထုတ်လုပ်မှုရဲ့ ထိပ်ဆုံးကိုရောက်လာတော့မယ်။ ၂၀၁၀ ပြည့်နှစ်က ကားအရောင်းမှာတတိယနေရာရှိခဲ့တဲ့ ဂျာမန် ကားရောင်းအားသည် ဘလွမ်းဘတ်က ပြုစုထားတဲ့ စစ်တမ်း အရ ၁၃ ရာခိုင်နှုန်းတိုးတက်ပြီး စင်းရေ ၈ ဒသမ ၁ သန်းရှိခဲ့တာကိုတွေ့ရ ပါတယ်။( GM ) ရောင်းအားသည် ၈ ရာခိုင်နှုန်းမြင့်တက်ပြီး ၇ ဒသမ ၅၅ သန်းနဲ့တိုယိုတာ ရောင်းအားက ၉ ရာခိုင်နှုန်းကျဆင်း ပြီး စင်းရေ ၇ ဒသမ ၂၇ သန်းရှိခဲ့ကြောင်း  စစ်တမ်းမှာဖော်ပြထားပါတယ်။                       ဗောက်စ်ဝက်ဂင်ကားရဲ့ တရုတ်နိုင်ငံမှာရောင်းအား က ၂၀၁၁ ခုနှစ်မှာ ၂၀ ရာခိုင်နှုန်းနဲ့ အိန္ဒိယနိုင်ငံမှာ နှစ်ဆမြင့်တက်ခဲ့တယ်လို့ သုတေသနအေဂျင်စီ  JD Power and Associates  ကခန့်မှန်းပါတယ်။ တိုယိုတာ ကုမ္ပဏီကတော့ မြေငလျင်ဒဏ်ကြောင့် ဒုက္ခတွေ့ရပြီး လအနည်းအကြာမှာ ထိုင်းနိုင်ငံမှာ ရေကြီးတဲ့အတွက် အရှေ့တောင် အာရှတိုယိုတာ စက်ရုံတွေကို ခေတ္တရပ်ဆိုင်း ထား ခဲ့ ပါတယ်။                       ထွန်းသစ်စဈေးကွက်တွေမှာ ကားဈေးကွက်တိုး တက်မဲ့ အလားအလာတွေ့ရှိနေပါတယ်။ ဗောက်စ်ဝက်ဂင် ကဒီအချက်ကို ကောင်းကောင်းသဘောပေါက်ပြီး ထွန်း သစ်စ ဈေးကွက်တွေမှာ အားစိုက်လုပ်ငန်းတွေ ဆောင် ရွက်လာတယ်လို့  JD Power ရဲ့ ရှန်ဟိုင်းအခြေစိုက် ဈေးကွက်ဆန်းစစ်ရေးမှူး ဂျင်နီဂူက ပြောပါတယ်။ Source. economictimes.indiatimes.com

Tuesday, 28 Jun 2011

ဂရိေြွကးမြီ အကျပ်အတည်းက ကမ္ဘာ့ဘဏ္ဍာရေးကို ခြိမ်းခြောက်နိုင်            အကယ်၍ ဖြေရှင်းဖို ဆေးချက်မရှိရင် ဂရိနိုင်ငံတော် ေြွကးမြီအကျပ်အတည်း က ကမ္ဘာ့ဘဏ္ဍာရေး စနစ်တည်ငြိမ်မှုကို ထိခိုက်စေနိုင်တယ်လို့ အမေရိကန် ဗဟိုဘဏ် ဥက္ကဌ ဘင်ဘာနန်ကီက ဇွန် ၂၂ ရက်နေ့က ပြောပါတယ်။ အခြေအနေ ကို အမေရိကန်ဗဟိုဘဏ်က အနီးကပ်စောင့်ကြည့်နေတယ်လို့ ဝါရှင်တန်မှာ ကျင်းပတဲ့ သတင်းစာရှင်းလင်းပွဲတစ်ခုမှာ ဘာနန်ကီက ပြောခဲ့ပါတယ်။ အခြေ အနေက အလွန်ခက်ခဲနေပါတယ်လို့ ပြောပါတယ်။              ဗုဒ္ဓဟူးနေ့က ပြီးဆုံးခဲ့တဲ့ ပြည်ထောင်စု မူဝါဒ ချမှတ်ရေးအဖွဲ့ဖြစ်တဲ့ ပြည်ထောင်စု လွတ်လပ်သော ဈေးကွက်ကော်မတီ အစည်းအဝေးမှာ ဂရိနိုင်ငံေြွကးမြီး ကိစ္စကို ဆွေးနွေးခဲ့ကြတယ်လို့ ဘာနန်ကီက ပြောပါတယ်။ ဒီပြဿနာဖြေရှင်းရေး ကိစ္စမှာ အမေရိကန်နိုင်ငံက ဆွေးနွေးပွဲ အဖွဲ့ဝင်မဟုတ်ခဲ့ပါဘူး။ ဒါပေမဲ့ သတင်းအခြေအနေကို မျက်ခြည်မပြတ် ရနေပါတယ်လို့ ပြောပါတယ်။                 ဒီနိုင်ငံတွေမှာ ေြွကမြီးပေးဆပ်ဖို့ ပျက်ကွက်တာတွေ ဖယိုဖရဲနဲ့ ဖြစ်နေရင် ကမ္ဘာ့ဘဏ္ဍာရေးဈေးကွက်ကို ထိခိုက်မှာ သေချာပါတယ်။ ချေးငွေကိစ္စတွေ၊ စတော့ ရှယ်ယာဈေးတွေ စတဲ့နယ်ပယ်တွေမှာ ထိခိုက်မှု ရှိနိုင်တယ်လို့ ပြောပါတယ်။ အမေရိကန် ပြည်ထောင်စုမှာ ဖြစ်ပေါ်လာမဲ့ ဂယက်ကလည်း ထူးထူးခြားခြား ဖြစ်နိုင် တယ်လို့ ပြောပါတယ်။ Source: AFP

Tuesday, 28 Jun 2011

 LM လေကြောင်းက လေယာဉ်များကို ဇီဝလောင်စာဆီဖြင့် ပံျသန်းမည်              အမ်မ်စတာဒမ်နဲ့ ပဲရစ်ကို ပံျသန်းပြေးဆွဲနေတဲ့ လေယာဉ်တွေကို  KLM Royal Dutch Airlines  က ပုံမှန်လေယာဉ် ဆီ အစား ဇီဝလောင်စာဆီနဲ့ စက်တင်ဘာကစပြီး ပြေးဆွဲတော့မှာ ဖြစ်ပါတယ်။             ဒါတ်ချ် လေကြောင်းလိုင်းရဲ့ ဗုဒ္ဓဟူးနေ့ (ဇွန် ၂၂) က ကြေညာချက်က လေကြောင်းပံျသန်းရေးလုပ်ငန်းတွေ တိုးတက် ခိုင်မာလာဖို့ ဆောင်ရွက်နေတဲ့ အစီအစဉ်တွေရဲ့ အစိတ်အပိုင်းတစ်ခု ဖြစ်ပါတယ်။ ဇီဝလောင်စာဆီကို အသုံးပြုပြီး စားသုံးဆီတွေကနေ ထုတ်လုပ်တာဖြစ်ပြီး လေယာဉ်အင်ဂျင်တွေကို ပြုပြင်ပြောင်းလဲမှု ပြုလုပ်စရာမလိုဘဲ အသုံးပြုနိုင်ပါ တယ်။            'ဇီဝ လောင်စာဆီနဲ့ လေယာဉ်ပံျသန်းဖို့ဆိုတာ နည်းပညာအရ ဖြစ်နိုင်တယ်ဆိုတာ ၂ဝဝ၉ ခုနှစ် နိုဝင်ဘာကလည်း ကျွန်တော်တို့ သရုပ်ပြခဲ့ပြီး ဖြစ်ပါတယ်'လို့ KLM ညွှန်ကြားရေးမှူး ကမ်မီယယ်အာလင်းက ပြောပါတယ်။ ဇီဝလောင်စာ ဆီတွေနဲ့ စီးပွားဖြစ်ပံျသန်းဖို့ တရားဝင်ခွင့်ပြုချက် မကြာမီရပါတော့မယ်လို့ သူကပြောပါတယ်။              Source: xinhua 

Tuesday, 21 Jun 2011

၂ဝ၅ဝ ပြည့်နှစ်တွင် ဖေါက်ထွင်းမြင်နိုင်တဲ့ လေယာဉ်များကို အဲဘတ်စ်က ထုတ်လုပ်မည်                ဖေါက်ထွင်းမြင်နိုင်တဲ့အခန်းနံရံများနဲ့ တစ်ဦးချင်းအလိုက် ဝန်ဆောင်မှုပေးနိုင်မဲ့ နေရာထိုင်းခင်းတွေ ပါဝင်တဲ့ရှေ့ပြေး နမူနာပုံစံလေယာဉ်ကို ဥရောပလေယာဉ်ထုတ်လုပ်ရေး ကုမ္ပဏီ အဲဘတ်စ်က ပြသခဲ့ပါတယ်။ ဒီလေယာဉ်တွေက ၂ဝ၅ဝ ပြည့်မှာ စတင်သုံးစွဲမှာဖြစ်ပါတယ်။ ယခုရက်သတ္တပတ်အတွင်း လန်ဒန်တွင် တင်ပြချက်အရ ယခုဒီဇိုင်းတွေက လေယာဉ် ကောင်းကင်ထက်ကို ပံျသန်းသွားတဲ့အခါ ရှုခင်းစုံကို တွေ့မြင်ခံစားရမှာ ဖြစ်ပါတယ်။ ဖွဲ့စည်းတည်ဆောက်ပုံက ငှက်ရဲ့ အရိုးစုဖွဲ့စည်းပုံမျိုးဖြစ်တဲ့အတွက် အလေးချိန်ပေါ့ပါးမှုရှိပါတယ်။               လေယာဉ်ခန်းရဲ့ဖွဲ့စည်းပုံဟာ သမားရိုးကျအခန်းမျိုးမဟုတ်ဘဲ လူတစ်ဦးချင်းအလိုက် ဇုန်နယ်မြေများ သတ်မှတ်ပေးပြီး အညောင်းအညာဖြေဖျောက်မှုတေ၊ွ ဂိမ်းတွေကိုပြုလုပ်သွားနိုင်မှာ ဖြစ်တယ်လို့ ဇွန် ၁၅ ရက်ကပြုလုပ်တဲ့ သတင်းစာ ရှင်းလင်းပွဲမှာ လေယာဉ်ကုမ္ပဏီက ပြောပါတယ်။                အခန်းထဲမှာပါတဲ့ ပစ္စည်းတွေက ရာခိုင်နှုန်းပြည့်ပြန်သုံးနိုင်ပါတယ်လို့ ကုမ္ပဏီက ပြောပါတယ်။ သုံးစွဲတဲ့ ပစ္စည်းတွေက သစ်လျှော်မျှင်ကထွက်ရှိတဲ့ ပစ္စည်းတွေဖြစ်ပြီး စွန့်ပစ်ပစ္စည်းကိုလျှော့ချနိုင်ပါတယ်။ ထိုင်ခုံများ တည်ဆောက်ဖို့ အခြေခံ နည်းပညာတွေကတော့ ရှိထားပြီးဖြစ်ပါတယ်။ ဒါပေမဲ့ သစ်အခြေခံပစ္စည်းနဲ့ ထွင်းဖောက်မြင်နိုင်တဲ့ နံရံတည်ဆောက်ရေး အတွက် လိုအပ်တဲ့နည်းပညာရေးကို ဘယ်လိုရှာဖွေမယ်ဆိုတာကတော့ ပြတ်ပြတ်သားသား မရှိသေးပါဘူး။   Source: xinhua

Monday, 13 Jun 2011

အချိန်ကုန်သက်သာဖို့အတွက် လေဆိပ်အဝင်တွေမှာ မျက်ဝန်းကိုစစ်မည်                လေဆိပ်အဝင်စစ်ဆေးတာကို အချိန်ကုန်အများကြီး သက်သာစေမဲ့ လေဆိပ်လုံခြုံရေးစနစ်ကို လေဆိပ် ဆိုင်ရာလုပ်ငန်းအဖွဲ့က ဖေါ်ထုတ်ခဲ့ပါတယ်။ စနစ်သစ်အရ ခရီးသည်ရဲ့ မျက်ဝန်းအိမ်ကို ကွန်ပျူတာ စကင်နာနဲ့ ဖတ်ရှုစစ်ဆေးပြီး လုံခြုံရေးကို အန္တရာယ် ပြုနိုင်သူဟုတ်မဟုတ် စစ်ဆေးသွားမှာ ဖြစ်တယ်လို့ ဇွန် ၇ရက်က ပြုလုပ်တဲ့ အသင်းရဲ့ နှစ်ပတ်လည် အစည်းအဝေးမှာ အပြည်ပြည်ဆိုင်ရာ အချိန်ကုန်သက်သာဖို့အတွက် လေဆိပ်အဝင်တွေမှာ မျက်ဝန်းကိုစစ်မည် လေကြောင်း သယ်ယူပို့ဆောင်ရေး အသင်း(LATA)က ပြောပါတယ်။ ခရီးသည်တွေက အရှည်ပေ ၂ဝ (၆ ဒသမ ၁မီတာ) ရှိ လှိုင်ခေါင်းထဲကို ဖြတ်ကျော်ပြီး လုံခြုံရေးအန္တရာယ် အခြေအနေပေါ်မူတည်ပြီး ရှာဖွေမှု အမျိုးမျိုးကို ခံယူရမှာ ဖြစ်ပါတယ်။ ဒီ စနစ်ကို ၅နှစ်အတွင်း ထားရှိနိုင်အောင် ဆောင်ရွက်မှာ ဖြစ်ပါတယ်။ Source: straitstimes.com

Thursday, 2 Jul 2009

ကမ္ဘာ့နိုင်ငံခြား တိုက်ရိုက်ရင်း နှီးမြှုပ်နှံမှု (အက်ဖ်ဒီအိုင်)နဲ့ နိုင်ငံတကာနယ်စပ် ဖြတ်ကျော်ပြီး ကုမ္ပဏီများပေါင်းစည်းမှုဟာ ၂၀၀၉ ခုနှစ် ပထမ သုံးလပတ် အတွင်းထက်ဝက်ကျော် ကျဆင်းခဲ့တယ်လို့ ကုလသမဂ္ဂက ဇွန်လ ၂၄ ရပ်နေ့ကပြောကြားပါတယ်။

Pages