စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနသည် တနင်္သာရီတိုင်း ဒေသကြီးအတွင်းရှိ ဒေသခံပြည်သူများ၊ ကုန်သည်လုပ်ငန်းရှင်များ၊ အလုပ်အကိုင် အခွင့်အလမ်းများ အဆင်ပြေစေပြီး နိုင်ငံတော်အတွက်လည်း အခွန်အခများရရှိစေရန် ရည်ရွယ်၍ မြိတ်ခရိုင်၊ မြိတ်မြို့၌ တစ်ဖက်အိမ်နီးချင်း ထိုင်းနိုင်ငံနှင့် နှစ်နိုင်ငံ ချစ်ကြည်ရင်းနှီးမှုကို အခြေခံ၍ နှစ်နိုင်ငံ နယ်စပ်ဒေသနေ ပြည်သူများ အလုပ်အကိုင်အခွင့်အလမ်းများ ရရှိစေရန်အတွက် နယ်စပ် ကုန်သွယ်မှုဖြင့် ပို့ကုန်သွင်းကုန် လုပ်ငန်းများ ဆောင်ရွက်ရန်အတွက် မြိတ်ကုန်သွယ်ရေးစခန်းအား ၁၉၉၉ ခုနှစ်မှ စတင်ဖွင့်လှစ်ဆောင်ရွက် ခဲ့သည်။
မြိတ်ကုန်သွယ်ရေးစခန်းမှ တစ်ဖက် ထိုင်းနိုင်ငံနှင့် ကုန်သွယ်မှုလုပ်ငန်းများ ဆောင်ရွက်ရာတွင် ရေလမ်းကြောင်းဖြင့် တစ်ဖက် ရနောင်းမြို့သို့လည်းကောင်း၊ ကုန်းလမ်းကြောင်းဖြင့် ပရာကျွတ်ကရီခန် ခရိုင်သို့ လည်းကောင်း၊ ပို့ကုန်သွင်းကုန်လုပ်ငန်းများ အပြန်အလှန် ဆောင်ရွက်လျက်ရှိရာ ၂၀၂၂-၂၀၂၃ ဘဏ္ဍာနှစ်အတွင်း ပို့ကုန်သွင်းကုန်လုပ်ငန်းများ လအလိုက် အောက်ပါအတိုင်း ဆောင်ရွက်နိုင်ခဲ့သည်။
၂၀၂၂-၂၀၂၃ ဘဏ္ဍာနှစ် ဧပြီလမှ မတ်လအထိ ကုန်သွယ်မှု ဆောင်ရွက်နိုင်မှုအခြေအနေ
စဉ် လအမည် ပို့ကုန်တန်ဖိုး သွင်းကုန်တန်ဖိုး ကုန်သွယ်မှုပမာဏ
(ဒေါ်လာသန်း) (ဒေါ်လာသန်း) (ဒေါ်လာသန်း)
၁ ဧပြီ ၁.၉၅၃ ၂.၇၀ဝ ၄.၆၅၃
၂ မေ ဝ.၄၂၄ ၄.၄၅၆ ၄.၈၈၀
၃ ဇွန် ဝ.၆၉၉ ၁၆.၇၁၇ ၁၇.၄၁၆
၄ ဇူလိုင် ၁.ဝ၄၀ ၃.၉၄၈ ၄.၉၈၈
၅ သြဂုတ် ၂.ဝ၀ဝ ၈.၄၀ဝ ၁၀.၄၀ဝ
၆ စက်တင်ဘာ ၂.ဝ၅၈ ၈.၃၄၆ ၁၀.၄၀၄
၇ အောက်တိုဘာ ၂.ဝ၅၄ ၉.၉၉၉ ၁၂.ဝ၅၃
၈ နိုဝင်ဘာ ၂.၉၀၆ ၁၀.ဝ၈၇ ၁၂.၉၉၃
၉ ဒီဇင်ဘာ ၄.ဝ၈၁ ၁၀.၂၂၄ ၁၄.၃၀၅
၁၀ ဇန်နဝါရီ ၄.၇၉၀ ၉.၃၈၅ ၁၄.၁၇၅
၁၁ ဖေဖော်ဝါရီ ၄.၇၀၉ ၁၁.၇၇၁ ၁၆.၄၈၀
၁၂ မတ် ၇.ဝ၁၀ ၆.၆၆၂ ၁၃.၆၇၂
စုစုပေါင်း ၁၃၆.၄၂၀
မြိတ်ကုန်သွယ်ရေးစခန်းမှ တစ်ဖက်ထိုင်းနိုင်ငံသို့ တင်ပို့ခဲ့သည့် ကုန်ပစ္စည်းများမှာ ရေထွက်ကုန် ပစ္စည်းအနေဖြင့် ငါးအသားလွှာ၊ ငါးကြိတ်သား၊ ငါးမှုန့်တို့ အများဆုံး တင်ပို့ခဲ့ပြီး ငါးမျိုးစုံ၊ ကဏန်း၊ ပုစွန်၊ ကင်းမွန်နှင့် မုတ်ခွံတို့ အနည်းငယ် တင်ပို့နိုင်ခဲ့သည်။ လယ်ယာထွက်ပစ္စည်းအနေဖြင့် ရော်ဘာများ၊ သတ္တုတွင်းထွက် ခဲသတ္တုနှင့်အခြားပစ္စည်းဖြစ်သည့် တံမြတ်စည်းမွှေးတို့ တင်ပို့ခဲ့ပြီး တင်ပို့ခဲ့သည့် တန်ချိန်၊ တန်ဖိုးများမှာ အောက်ပါအတိုင်း ဖြစ်ပါသည်။
စဉ် ပို့ကုန်ပစ္စည်း အရေအတွက် (တန်) တန်ဖိုး(ဒေါ်လာသန်း)
၁ ငါးမှုန့် ၉၇၈၇.၁၂၃ ၂၀.၁၂၁
၂ ငါးမျိုးစုံ ၅၂၄.၇၀၅ ဝ.၆၁၅
၃ ကြက်သွန်နီ ၁၃၁၆.၁၂၀ ဝ.၇၉၉
၄ ကင်းမွန် ၄၆.၃၂၅ ဝ.၁၄၄
၅ ငါးအသားလွှာ ၃၆၈၄.၇၃၀ ၃.၅၁၇
၆ မုတ်ခွံ ၁၂၆.၆၁၀ ဝ.၂၁၆
၇ ကဏန်း ၁၄.၉၆၀ ဝ.ဝ၅၅
၈ ပုစွန် ၁၀.၂၀၅ ဝ.ဝ၄၃
၉ တံမြက်စည်းမွှေး ၂၃.၇၅၀ ဝ.ဝ၀၉
၁၀ ခဲသတ္တု ၁၆.၈၀ဝ ဝ.၂၈၆
၁၁ ရော်ဘာ ၅၈၄၆.၄၀ဝ ၇.၆၈၇
၁၂ ငါးကြိတ်သား ၁၄၂.၅၆ ဝ.၂၃၂
စုစုပေါင်း ၂၁၅၄၀.၂၈၈ ၃၃.၇၂၄
ထိုင်းနိုင်ငံမှ မြန်မာနိုင်ငံအတွင်း တင်သွင်းသည့် သွင်းကုန်တင်သွင်းမှုအနေဖြင့် ရင်းနှီးမြှုပ်နှံမှုပစ္စည်း အုပ်စုတွင် သုည ဒသမ ၄၇၉ ဒေါ်လာသန်း၊ လုပ်ငန်းသုံးပစ္စည်းအုပ်စုတွင် ၉၈ ဒသမ ဝ၅၉ ဒေါ် လာသန်း နှင့် လူသုံးကုန်ပစ္စည်းအုပ်စုတို့တွင် ၄ ဒသမ ၁၅၆ ဒေါ်လာသန်းဖိုး တင်သွင်းခဲ့သည်။
မြိတ်ဒေသအနေဖြင့် ရေထွက်ပစ္စည်းဖြစ်သည့် ငါးမျိုးစုံ၊ ပုစွန်၊ ကဏန်း၊ ကင်းမွန်တို့ အဓိကထွက်ရှိ သော်လည်း ငါးမျိုးစုံနှင့် ကင်းမွန်တို့မှာ ကော့သောင်းကုန်သွယ်ရေးစခန်းမှတစ်ဆင့် ရနောင်းမြို့သို့ တိုက် ရိုက်တင်ပို့ခြင်း၊ ပုစွန်၊ ကဏန်းနှင့် ငါးခြောက်၊ ပုစွန်ခြောက်များမှာ မြိတ်မှ ရန်ကုန်သို့ အအေးခန်းကားဖြင့် သယ်ယူ၍ ရန်ကုန်ဆိပ်ကမ်းမှတစ်ဆင့် နိုင်ငံတကာသို့ တင်ပို့သည့်အတွက် မြိတ်ကုန်သွယ်ရေးစခန်းတွင် ရေထွက်ပစ္စည်းတင်ပို့နိုင်မှု နည်းပါးခြင်းဖြစ်ကြောင်း၊ မြိတ်ဒေသ၏ အဓိကလုပ်ငန်းဖြစ်သော ငါးဖမ်းခြင်း လုပ်ငန်းသည် ဧပြီ၊ မေနှင့် ဇွန်လများတွင် ငါးသားဖောက်ရာသီဖြစ်၍ ငါးဖမ်းခြင်းလုပ်ငန်း ရပ်နားရသည့် ကာလများဖြစ်သည့်အတွက် ၎င်းကာလများတွင် ပို့ကုန်ပမာဏ လျော့နည်းရခြင်းဖြစ်ကြောင်း သိရှိရ သည်။
ရွှေမြိတ်