ဒုတိယအကြိမ်စိုက်မယ့် ဖရဲ၊ သခွား ဒုတိယအကြိမ် ဖရဲ၊ သခွားစိုက်ရာသီဖြစ်တဲ့အတွက် မန္တလေး တိုင်းဒေသကြီး သစ်သီးဝလံနဲ့ ဟင်းသီးဟင်းရွက် စိုက်ပျိုးထုတ် လုပ်တင်ပို့ရောင်းချသူများအသင်းမှ တာဝန်ရှိသူများနဲ့ အောက်တိုဘာ ၁ ရက်တွင် ဖရဲ၊ သခွားစိုက်တောင်သူများနဲ့ တွေ့ဆုံဆွေးနွေးခဲ့ကြောင်း သတင်းရရှိပါတယ်။ အဆိုပါဆွေးနွေးပွဲမှ စီမံကိန်းသီးနံှစိုက်ပျိုးတဲ့ လယ်မြေတွင် စိုက်ပျိုးခြင်းမပြုရန်၊ စီမံကိန်းသီးနံှစိုက်ပျိုးပြီးတဲ့ ယာမြေတွင် စိုက်ပျိုးရန်၊ ဆည်ရေကို သုံးစွဲခြင်းမပြုရန် မြစ်ချောင်း၊ မြေအောက် ရေကိုသာ သုံးစွဲစိုက်ပျိုးရန်၊ မြေလွတ်မြေရိုင်းတွင် ပလပ်ထားတဲ့မြေများ ဥယျာဉ်ခြံမြေများတွင် စိုက်ပိုျးသွားရန်နဲ့ သတ်မှတ်ထားတဲ့ စည်းကမ်းချက်များအတိုင်း စိုက်ပျိုးကြဖို့ အသင်းဥက္ကဋ္ဌ ဦးမြင့်ကြိုင်မှ ဆွေးနွေးမှာကြားသွားကြောင်း သိရပါတယ်။ ဒါ့အပြင် ဈေးကွက်ရရှိ မည့်ကာလကို မျှော်မှန်းပြီး အကျိုး အမြတ်ရရှိရေးအတွက် ရာသီ အမီ စိုက်ပျိုးသွားရန် မန္တလေးတိုင်းဒေသကြီးအတွင်းရှိ သစ်သီး ဝလံနဲ့ ဟင်းသီး ဟင်းရွက် စိုက်ပျိုးထုတ်လုပ်တင်ပို့ရောင်းချသူအသင်း အနေဖြင့် တစ်ဖက်တစ်လမ်းမှ နိုင်ငံတော်စီးပွားရေး တိုးတက်ရန် အတွက် မှန်ကန်တဲ့ရောင်းဝယ်မှုစနစ်ကို ကျင့်သုံးစိုက်ပျိုးကြဖို့ ဆွေး နွေးကြတယ်လို့ သိရပါတယ်။ အေးအေးတင်
Background