ဈေးကွက်စီးပွားရေးသတင်း

မွန်ပြည်နယ်အတွင်း ၂၀၂၀ ပြည့်နှစ်  အောက်တိုဘာလ စတုတ္ထပတ်မှ စတင်၍မိုးစပါး (ကောက်စောစပါး)များစတင်ထွက်ရှိနေပြီဖြစ်ပါသည်။ပြည်နယ်တစ်ခုလုံး၏မိုးစပါး စိုက်ဧက     ၆၈၅၅၇၉ အနက် ၁၈၃၃ ဧကရိတ်သိမ်းထွက်ရှိပြီး စပါးအထွက်ရာခိုင်နှုန်းမှာ တစ်ဧက ၆၂ ဒသမ ၁၁ ရာခိုင်နှုန်းရှိကာ အထွက်တင်း ၁၁၃၈၄၁ ထွက်ရှိနေပြီဖြစ်ပါသည်။ ဈေးနှုန်းအနေ ဖြင့်ပေါ်ဆန်း စပါး(အသစ်)(၄၆)ပေါင်တင်း ၁၀၀ လျှင် ကျပ် ၆၄၄၀၀၀၊ ပေါ်ဆန်း (ဆန်အသစ်) ၂၄ပြည် ပါ တစ်အိတ်လျှင် ကျပ် ၃၁၅၀၀၊ ဧည့်မထ(စပါးအသစ်) (၄၆)ပေါင်တင်း ၁၀၀ ကျပ် ၅၂၄၄၀၀၊ ဧည့်မထဆန်(အသစ်) ၂၄ ပြည်ပါ တစ်အိတ် ကျပ် ၂၂၀၀၀ ဖြစ်ပေါ်နေ ကြောင်းသိရှိရပါသည်။

ဧရာဝတီတိုင်းဒေသကြီးအတွင်းရှိမြို့နယ်များတွင် ကောက်စောစပါးများရိတ်သိမ်းပြီးစီး၍   မြို့နယ်အများစုတွင် ချွေလှေ့ပြီးစီးဖြစ်ပါသည်။ ဈေးနှုန်းများနှင့်ဝယ်ယူမှုများသည်လည်း မြို့နယ် အလိုက်ကွာခြားမှုရှိနေပါသည်။ ပုသိမ်ခရိုင် အတွင်းရှိ ကန်ကြီးထောင့်မြို့နယ်၊ ကျုံပျော်မြို့နယ်နှင့် ကျောင်းကုန်းမြို့နယ်များတွင် စပါးအစို၅၀ပေါင်ဖြင့် ဆန်စက်အရောက် ကျပ် ၄၈၀၀၀ဝ ဖြင့် လည်းကောင်း၊ စပါးအခြောက်ကို ဆန်စက်အရောက် ၄၆ပေါင်ဈေးနှုန်း ကျပ် ၅၃၀၀၀ဝ ရှိနေ ပါသည်။

မ‌ကွေးတိုင်းဒေသကြီးအတွင်း အောင်လံကုန်စည်ဒိုင်နှင့် ပွဲရုံများတွင် ပဲမျိုးစုံတို့ဝင်ရောက်ကာ အရောင်းအဝယ်ဖြစ်လျက်ရှိပါသည်။ ပဲတီစိမ်းများဝင်ရောက်လာပြီး အရည်အသွေးနှင့်ဝယ်လိုအားကြောင့် စျေးများအနည်းငယ်တက် လျက်ရှိပါသည်။ အောင်လံကုန်စည်ဒိုင်တွင် ယခုအပတ် ၄.၁၁.၂၀၂၀ ရက် တွင် ပဲတီစိမ်း ၂၀ပိဿာတစ်တင်းလျှင် ကျပ် ၄၁၀ဝ၀ ဈေးဖြင့်အရောင်းအဝယ် ဖြစ်လျက် ရှိပါသည်။

ယခင်အပတ်တွင် ၂၈.၁၀.၂၀၂၀ ရက်တွင် ပဲတီစိမ်း ၂၀ပိဿာတစ်တင်းလျှင်ကျပ် ၄၀၅ဝ၀ ဈေးဖြင့် အရောင်းအဝယ်ဖြစ်ခဲ့ရာ ယခင်အပတ်နှင့်နှိုင်းယှဉ်ပါက ပဲတီစိမ်း ၂၀ပိဿာတစ်တင်း လျှင် ကျပ် ၅ဝဝ ဖြင့် အနည်းငယ်စျေးတက် လျက်ရှိကြောင်း ကုန်စည်ဒိုင်သတင်းအရ သိရှိရပါသည်။

၂၀၂၀ နိုဝင်ဘာ ၄ ရက် မော်လမြိုင်ကုန်စည်ဒိုင်၏ ကုန်ဈေးနှုန်းပေါက်ဈေးများမှာ ​ရော်ဘာ R.S.S-3 တစ်ပေါင် ကျပ် ၇၆၀၊ ၁၀၈ ပေါင်(ဆန်သား၉၀%) ဆန်(ဟောင်း)တစ်အိတ် ဈေးနှုန်းမှာ ဧည့်မထ ကျပ် ၂၉၀၀၀၊ ပေါ်ဆန်းကျပ် ၄၂၀၀၀၊ ပေါ်ကျွဲကျပ် ၃၅၀၀၀၊ ၂၀ ပိဿာ ဝင် ပဲတစ်တင်းဈေးနှုန်းများမှာ ပဲတီစိမ်း ကျပ် ၃၆၀၀၀၊ မတ်ပဲ ကျပ်၃၇၀၀၀၊ ပဲလွန်းဖြူ ကျပ်၃၄၀၀၀၊ ဘိုကိတ် ကျပ် ၂၆၅၀၀၊ ပဲပုတ် ကျပ် ၂၂၄၀၀၊ မြေပဲ ၆၁၀၀၀ ကျပ်၊ သစ်သီးဝလံမှ ကျွဲကောသီး ပန်းရောင်လက်ကားဈေး တစ်လုံး ကျပ် ၁၅၀၀ မှ ၄၀၀၀၊ ကျွဲကောသီးအဖြူရောင် လက်ကားဈေးတစ်လုံး ကျပ် ၁၀၀၀ မှ ၂၅၀၀၊ ဒေသထွက်ဒူးရင်းသီး တစ်လုံး က

မွန်ပြည်နယ်တွင် မိုးရာသီရော်ဘာအစေးလှီးခြင်းလုပ်ငန်းများ ရပ်နားထားပြီး အစေးလှီး ရာသီပြန်လည်စတင်သည်(စက်တင်ဘာလကုန်အောက်တိုဘာပထမပတ်)မှ ယခုအချိန်ကာလထိ မိုးတစ်ပြိုက်/နေတစ်ပြိုက် မြေဆီလွှာများ စိုစွတ်နေသည့်အတွက် အစေးထွက်နှုန်းကောင်းမွန် ကြောင်း၊ ထွက်ရှိရော်ဘာများအား ကုမ္ပဏီ/ရော်ဘာ အဝယ်ဒိုင်များဘက်မှ ဝယ်ယူမှုများပြား လာကြောင်းသိရှိရသည်။ ယခုပတ်အတွင်း RSS-3 ရော်ဘာတစ်ပေါင် (၈၀၀)ကျပ်ထိ ဈေးနှုန်း မြင့်တက်နေကြောင်း ရော်ဘာဈေးကွက်မှ သိရှိရသည်။