Background
၂၀၂၁ ခုနှစ်၊ နိုဝင်ဘာလအတွင်း ပြောင်းတန်ချိန် ၂ ဒသမ ၈၉၃ သန်းအား တင်ပို့နိုင်ရန်မျှော်မှန်း ထားကြောင်း၊ အောက်တိုဘာလအတွင်းက ပြောင်းတန်ချိန် ၁ ဒသမ ၈၇၃ သန်းအား တင်ပို့နိုင်ခဲ့ပြီး တစ်နှစ်လုံးအတိုင်းအတာဖြင့် စုစုပေါင်းပြောင်းတန်ချိန် ၁၇ ဒသမ ၄၄၅ သန်းအား တင်ပို့နိုင်ရန်ခန့်မှန်း ထားကြောင်း ဘရာဇီးလ်နိုင်ငံ နှံစားသီးနှံတင်ပို့သူများအသင်း(National Association of Cereal Exporters - Anec)က ပြောကြားခဲ့သည်။ ၂၀၂၀ ပြည့်နှစ်၊ နိုဝင်ဘာလတွင်လည်း ပြောင်းတန်ချိန် ၄ ဒသမ ၉၃၆ သန်းအား တင်ပို့နိုင်ခဲ့ကြောင်း အသင်းက ပြောကြားခဲ့သည်။
တောင်အာဖရိကနိုင်ငံတစ်ခုဖြစ်သည့် Namibiaနိုင်ငံမှ နိုဝင်ဘာလ ၂၈ ရက် (တနင်္ဂနွေနေ့) ၌ ဂျပန်နိုင်ငံသို့ တိုကျို၊ နာရီတာလေဆိပ်မှတစ်ဆင့် ဝင်ရောက်လာသူအသက် ၃၀ အရွယ်ဝန်းကျင်ရှိအမျိုးသားတစ်ဦးတွင် Omicron မျိုးဗီဇပြောင်းကိုရိုနာဗိုင်းရပ်စ်ကူးစက်နေကြောင်းဂျပန်နိုင်ငံတွင် Omicron မျိုးဗီဇပြောင်းကိုရိုနာဗိုင်းရပ်စ်အသစ်ကူးစက်မှုစတင်တွေ့ရှိရကြောင်းဂျပန်အစိုးရမှ နိုဝင်ဘာလ ၃၀ ရက်ကအတည်ပြုထုတ်ပြန်ခဲ့သည်။
ဂျပန်နိုင်ငံသည် ဖြစ်လာနိုင်ချေရှိသည့် Omicron ဗိုင်းရပ်စ်မျိုးကွဲကူးစက်မှုမှ ကာကွယ်ရန် နိုင်ငံအတွင်းနိုင်ငံခြားသားများဝင်ရောက်မှုအပေါ် ပြန်လည် တင်းကျပ်ဆောင်ရွက်မှု အစီအမံများ အား နိုဝင်ဘာလ ၃၀ ရက်နေ့မှ စတင်ခဲ့သည်။
သို့ဖြစ်ရာသီတင်းပတ် ၃ပတ်ခန့် လတ်တလောပြန်လည်ဖြေလျှော့ဖွင့်လှစ်ပေးခဲ့သည့် နိုင်ငံခြားသားကျောင်းသားများ၊ စီးပွားရေးလုပ်ငန်းရှင်များ၊ နည်းပညာအလုပ်အကိုင် သင်တန်းသားများ၏ ပြည်ဝင်ခွင့်ကို တစ်ဖန်ပြန်လည်ရပ်ဆိုင်းမည်ဖြစ်ပါသည်။
အိန္ဒိယနိုင်ငံ၌ နိုင်ငံတကာလေကြောင်းခရီးစဉ်များ ပုံမှန်ပျံသန်းပြေးဆွဲခြင်းကို ၂၀၂၁ ခုနှစ် နှစ်ကုန်ပိုင်း၌ ပြန်လည်စတင်နိုင်ဖွယ်ရှိကြောင်း အိန္ဒိယမြို့ပြလေကြောင်းဝန်ကြီးဌာနမှ အတွင်းဝန် Mr. Rajiv Bansal က ၂၄-၁၁-၂၀၂၁ နေ့တွင် ပြောကြားခဲ့သည်။
အိန္ဒိယနိုင်ငံ၌ နိုဝင်ဘာလအစောပိုင်းတွင် နိုင်ငံခြားသားခရီးသည်များ ပြည်တွင်းသို့ လာရောက်လည်ပတ်မှုဆိုင်ရာ ဖြေလျော့မှုအချို့ပြုခဲ့ပြီးနောက် B.1.1.529 ဟု အမည်ပေးထားသည့် ကိုရိုနာဗိုင်းရပ်စ်မျိုးကွဲအသစ်ကူးစက်မှု ပြန့်ပွားမရှိစေရေးအတွက် တောင်အာဖရိက၊ဟောင်ကောင်၊ဘော့ဆွာနာနှင့်အခြားဘေးအန္တရာယ်မြင့်မားမှုရှိသောနိုင်ငံများမှ လာရောက်သည့်ခရီးသည်များကို အထူးဂရုပြုစစ်ဆေးရန် ပြည်နယ်များအားလုံးထံသို့ အိန္ဒိယကျန်းမာရေး ဝန်ကြီးဌာနက အကြံပြုချက်ထုတ်ပြန်ခဲ့ကြောင်း သိရှိရပါသည်။
ဘရာဇီးလ်နိုင်ငံရှိ Minas Gerais နှင့် Mato Grosso ပြည်နယ်တို့တွင် နွားရူးရောဂါပိုးတွေ့ရှိကြောင်းအတည်ပြုခဲ့ပြီးနောက် ၂၀၂၁ ခုနှစ်၊ စက်တင်ဘာလ ၄ ရက်တွင် အမဲသားတင်သွင်းခွင့်အား တရုတ်အာဏာပိုင်များ ကပိတ်ပင်ခဲ့ရာ စက်တင်ဘာလ ၄ ရက်မတိုင်မီ ခွင့်ပြုချက်ထုတ်ပေး ထားသည့်အမဲသားများအား တင်သွင်းခွင့်ပြုကြောင်း တရုတ်တာဝန်ရှိသူများက နိုဝင်ဘာလ ၂၃ ရက် တွင် သတင်းထုတ်ပြန်ခဲ့သည်။ အဆိုပါသတင်း ကြေညာချက်ကြောင့် အကောက်ခွန်ဌာန၏ ခွင့်ပြုချက်ရရှိထားသည့် ဘရာဇီးလ်အမဲသားတန်ချိန် ၁၀၀,၀၀၀ အား တရုတ်ဆိပ်ကမ်းတွင် ကုန်ချနိုင်တော့မည်ဖြစ်ကြောင်း ဘရာဇီးလ်နိုင်ငံ အေးခဲအသားတင်ပို့သူများအသင်း (Brazilian Asso
နိုဝင်ဘာလနှောင်းပိုင်းတွင် တရုတ်နိုင်ငံ၏ ပြောင်းဈေးကွက်သို့ ကုန်စည် အသစ်များရောက်ရှိတော့မည်ဖြစ်ရာ ပြောင်းဈေးနှုန်းအနည်းငယ်ကျဆင်းလာပြီး၊ ပြောင်း ကော်မှုန့်ထုတ်လုပ်သူများက ကုန်ကြမ်းများ ဝယ်ယူစုဆောင်းလာကြသည်ဟု သိရပါသည်။
ပြောင်းကော်မှုန့်များရောင်းချရစေရန် စက်ရုံဈေးများကို ဆက်တိုက်လျှော့ချ ပေးလာရသောကြောင့် ရေတိုကာလအတွင်း ဈေးကွက်ပေါက်ဈေးမှာ ဆက်လက်အားပျော့ နေဖွယ်ရှိပါသည်။ နိုဝင်ဘာလ (၂၄)ရက်နေ့ရှိ ပျမ်းမျှဈေးနှုန်းမှာ တစ်တန်လျှင် ယွမ်ငွေ (၃,၆၄၃.၃၃) ဖြစ်ကြောင်း သိရပါသည်။
ရင်းမြစ်၊ SunSirs (၂၅-၁၁-၂၀၂၁)
နိုဝင်ဘာလ (၉)ရက်နေ့တွင် တရုတ်နိုင်ငံ၏ ပြည်တွင်းဈေးကွက်၌ စားအုန်း ဆီနှင့် ပဲပုပ်ဆီဈေးနှုန်းများ စံချိန်တင်မြင့်တက်ခဲ့ပါသည်။ ၎င်းဆီနှစ်မျိုးအနက် စားအုန်းဆီ ဈေးမှာ တစ်တန်လျှင် ယွမ်ငွ (၁၀,၄၀၀)အထိ လျင်မြန်စွာမြင့်တက်ခဲ့ကာ၊ ပဲပုပ်ဆီဈေး ကိုပင် ကျော်လွန်ခဲ့ပါသည်။
၂၀၂၁ ခုနှစ်တွင် ဘရာဇီးလ်နိုင်ငံ၏စားသုံးသူဆနှုန်းကိန်း(National Broad Consumer Price Index – IPCA)သည် ၉.၇၇ ရာခိုင်နှုန်းမှ ၁၀.၁၂ ရာခိုင်နှုန်းအထိ မြင့်တက်နိုင်ကြောင်း၊ ၂၀၂၁ ခုနှစ်အတွင်း အမြင့်ဆုံး ငွေကြေးဖောင်းပွမှုပမာဏအား ၃.၇၅ ရာခိုင်နှုန်းအဖြစ် သတ်မှတ်ထားကြောင်း ဘရာဇီးလ်နိုင်ငံဗဟိုဘဏ်၏ခန့်မှန်းထားမှုကို ငွေကြေးအဖွဲ့အစည်း၏ သတင်းတွင်ဖော်ပြထားသည်။
နိုဝင်ဘာလ (၂၀)ရက်နေ့တွင် တရုတ်ဆေးဝါးကုန်ကြမ်းအညွှန်းကိန်းမှာ (၁,၃၄၁)မှတ်ဖြစ်ခဲ့ပြီး၊ စံချိန်တင်မြင့်မားခဲ့ပါသည်။ ၂၀၁၉ ခုနှစ်၊ နိုဝင်ဘာလ (၂၅) ရက်နေ့ တွင် ဖြစ်ပေါ်ခဲ့သည့်အနိမ့်ဆုံးအမှတ် (၉၇၅)မှတ်နှင့် နှိုင်းယှဉ် ကြည့်ပါက (၃၇.၅၄) ရာခိုင် နှုန်း မြင့်တက်လာခြင်း ဖြစ်ပါသည်။