Background
ယခုနှစ် မွန်ပြည်နယ်ရဲ့ ရာသီဥတုမှာယခင်နှစ်ထက် အပူချိန်မြင့်မားခြင်းကြောင့် ရော်ဘာပင်များ ယခင်နှစ်ထက် တစ်လ စောပြီး၊ အရွက်ကြွေတာကို တွေ့ရပါတယ်။ တရုတ်နှစ်သစ်ကူးကာလဖြစ်လို့ ပြည်ပ ဝယ်လိုအား နည်းတာကြောင့် ပြည်ပဈေး နှုန်းလည်း အတက်အကျမရှိဘဲ ငြိမ်နေခဲ့ပါတယ်။ အလားတူ ပြည်တွင်း ဈေးနှုန်းမှာလည်း ၂၀၁၁ ခုနှစ်ကုန်မှာ ဖြစ်ပေါ်ခဲ့တဲ့ RSS(3)တစ်ပေါင် ၁၁၀၀ ကျပ်နဲ့ RSS(5) တစ်ပေါင် ၁၀၀၀ ကျပ်မှာ ၂၀၁၂ ခုနှစ်ဦးပိုင်းအထိ မပြောင်းလဲဘဲ တည်ငြိမ်လျက် ရှိတာတွေ့ရပါတယ်။
မြန်မာနိုင်ငံသည် သဘာ၀ သယံဇာတပေါများကြွယ်ဝသော နိုင်ငံဖြစ်ပါသည်။မြစ်ချောင်း၊ အင်းအိုင် ရေချိုဧရိယာ စုစုပေါင်း(၅၃.၃)ဧကသန်းအပြင်၊ ပိုင်နက်ပင်လယ်ရေပြင်ဧရိယာ (၄၈၆၀၀၀) စတုရန်း ကီလိုမီတာရှိကာ ရေချို၊ ရေငန်၊ ငါးသယံဇာတပေါများကြွယ်ဝပါသည်။ ရေငန်ပိုင်းတွင် ကမ်းနီး၊ ကမ်းဝေး ငါးဖမ်းလုပ်ငန်း၊ ရေချိုပိုင်းတွင် အင်း၊ ဘုံငါးဖမ်းလုပ်ငန်းနှင့် ငါးပုစွန်မွေးမြူရေး လုပ်ငန်းများမှ ရေချို၊ရေငန် ငါးပုစွန်များကို ထုတ်လုပ်လျက်ရှိပြီး၊ ရရှိသော ငါး၊ ပုစွန်များကို ရေခဲရိုက်၍ဖြစ်စေ၊အေးခဲ၍ဖြစ်စေတရုတ်၊ဂျပန်၊တောင်ကိုရီးယား၊ သြစတြေးလျနှင့် အာဆီယံ အဖွဲ့ဝင်နိုင်ငံများ၊အရှေ့အလယ်ပိုင်းဒေသနိုင်ငံများ၊ဥရောပသမဂ္ဂ အဖွဲ့ဝင်နိုင်ငံများ အပါအဝင် နိုင်ငံ ပေါင်း ၂၇ နိုင်ငံသို့ တင်ပို့လျက်ရှိပါသည်။ ရေထွက်ပစ္စည်း ပြည်ပတင်ပို့မှုလုပ်ငန်းသည် နိုင်ငံတော်၏ နိုင်ငံခြား ဝင်ငွေရရှိရေးတွင် အရေးပါ သော အခန်းကဏ္ဍမှပါဝင်လျက်ရှိပြီး ပြည်ပို့သို့တင်ပို့ရာတွင် အမျိုးအစား၊အရွယ်အစား၊ ထုတ်လုပ်မှုပုံစံ၊ ထုတ်လုပ်မှုနည်းစနစ်၊ အရည်အသွေး စံချိန်စံညွှန်းအပေါ်မူတည်၍ ဈေးနှုန်းအမျိုးမျိုး ကွဲပြားခြားနားပါ သည်။ ရေထွက်ပစ္စည်းများပြည်ပတင်ပို့ရာတွင် ဈေးနှုန်းနှင့်ပတ်သက်၍ ၁၉၉၄ ခုနှစ်မတိုင်မီ ကာလများ၌ ပြည်သူ့ပုလဲ နှင့်ရေလုပ်ငန်းကော်ပိုရေးရှင်း(မြန်မာ့ ရေလုပ်ငန်း)နိုင်ငံခြားတင်ပို့ရေးဌာနခွဲက တာဝန်ယူ ဆောင်ရွက်ခဲ့ပါသည်။၁၉၉၄ ခုနှစ် ဇူလိုင်လတွင်မြန်မာ့ရေလုပ်ငန်း အားဖျက်သိမ်းပြီးနောက်၊ငါးလုပ်ငန်းဦး စီးဌာနသည် ရေထွက်ပစ္စည်းဈေးနှုန်းနှင့်စပ်လျဉ်း၍ ဆက်လက်တာဝန်ယူ ဆောင်ရွက်ခဲ့ရာ ကုမ္ပဏီများမှ တင်ပြလာသည့် အရောင်းအဝယ်စာချုပ် Sale Contract ပါဈေးနှုန်းများအတိုင်း လိုင်စင်လျှောက် ထားမှုအပေါ်ဌာနမှ ကြပ်မတ်စိစစ်ခြင်း(Monitor) ကိုသာ ဆောင်ရွက်ခဲ့ပါသည်။ ထိုသို့ဆောင်ရွက်ရာတွင် နိုင်ငံတကာ စံချိန်စံညွှန်းများနှင့်အညီ ပြုပြင် ထုတ်လုပ်ထားသော ရေထွက် ပစ္စည်းများအတွက် ဈေးနှုန်းများကိုINFOFISH စာစောင်မှလည်းကောင်း၊ ငါးလုပ်ငန်းဆိုင်ရာ သတင်း အချက်အလက်များ အစီအမံစနစ် (Fisheries Information System) မှလည်း ကောင်း၊ပြည်တွင်း ငါးတင်၊ ငါးချဆိပ်ကမ်းများ၏ လေလံဈေးနှုန်းများမှလည်းကောင်း၊ စံပြငါးဈေး၏ပေါက်ဈေးကို အခြေခံ၍ လည်းကောင်း၊ ထုတ်လုပ်မှု ကုန်ကျစရိတ် (Cost Of Production-COP) တွက်ချက်၍ ဈေးနှုန်း ကော်မတီအဖွဲ့ဖြင့် ညှိနှိုင်းဆွေးနွေး အတည်ပြုခဲ့ပါသည်။ နိုင်ငံတော်သည် ဈေးကွက်စီးပွား ရေးစနစ်ကို ကျင့်သုံးဖော်ဆောင်၍ စည်းကမ်းပြည့်ဝပြီး ခေတ်မီ ဖွံ့ဖြိုးတိုးတက်သောဒီမိုကရေစီနိုင်ငံ တည်ဆောက်ရေးကို စနစ်တကျအကောင် အထည်ဖော်ဆောင်လျက် ရှိရာ ဖြစ်ပေါ်ပြောင်းလဲလာသော အခြေအနေများ နှင့်လျော်ညီစွာ ပြည်ပပို့ကုန်ဈေးနှုန်း များ မှန်ကန်စေ ရေး၊ နိုင်ငံတကာပေါက်ဈေးနှင့်အညီ ရရှိစေရေးအတွက် ဈေးနှုန်းကို ဈေးကွက်ကသာ ဖော် ဆောင်ရန် ဟူသော ရည်ရွယ်ချက်ဖြင့် ရေထွက်ပစ္စည်းဈေးနှုန်းအား ဌာနမှ မသတ်မှတ်ပဲ ဈေးကွက်ပေါက်ဈေးအ တိုင်းဖြစ်စေရန် နိုင်ငံတော်အကြီးအကဲ လမ်းညွှန်ချက်အရ ကုမ္ပဏီများမှ တင်ပြလာသည့် အရောင်း အဝယ်စာချုပ်ပါ ဈေးနှုန်းအတိုင်းသာ (၁၄-၆-၂၀၁၁)ရက်မှစ၍ ပြည်ပတင်ပို့ခွင့်ပြုခဲ့ပါသည်။ ၂၀၁၀-၂၀၁၁ ခု၊ဘဏ္ဍာရေးနှစ် အစပိုင်းကာလများမှစ၍ နိုင်ငံခြားငွေ တန်ဖိုးကျဆင်းပြီး ဈေးကွက် မတည်မငြိမ်ဖြစ်မှုများကြောင့် ရေထွက်ပစ္စည်းထုတ်လုပ်တင်ပို့မှု လုပ်ငန်းများတွင် ဆက်တိုက်အရှုံး ပေါ်ခဲ့ရပါသည်။ ကြုံတွေ့လာရသော အခက်အခဲများကြောင့် နိုင်ငံတော်မှလည်း ၂၀၁၁ ခုနှစ်၊ ဇူလိုင်လ ၁ ရက်မှစ၍ ပြည်ပပို့ကုန်အပေါ် ကုန်သွယ်ခွန် ၃ ရာခိုင်နှုန်း သက်သာခွင့်ပြုခဲ့ပါသည်။တစ်ဖန် ၂၀၁၁ ခုနှစ်၊ သြဂုတ် ၁၁ ရက်တွင် ပြည်ထောင်စုအစိုးရအဖွဲ့ အမိန့်ကြော်ငြာစာအမှတ်-၃၂/၁၁ အရဆန်၊ပဲမျိုးစုံ၊ ပြောင်း၊နှမ်း၊ ရော်ဘာ၊ ရေချို/ရေငန်ရေထွက် ပစ္စည်းများ၊ တိရစ္ဆာန်နှင့် တိရစ္ဆာန်ထွက်ပစ္စည်းများ (ကန့်သတ်ကုန်များမှအပ) စုစုပေါင်း ၇ မျိုးအပေါ် ကုန်သွယ်ခွန် ကင်းလွတ်ခွင့်ပြုခဲ့ပါသည်။ နိုင်ငံတော်အစိုးရအနေဖြင့် နိုင်ငံတော်စီးပွားဖွံ့ဖြိုးတိုးတက်စေရေး၊ ကုန်သွယ်မှုလုပ်ငန်းများ အဆင် ပြေ ချောမွေ့စေရေး၊ လုပ်ငန်းရှင်များဆုံးရှုံး နစ်နာမှု မရှိစေရေးတို့အတွက် ဘက်စုံ စဉ်းစားပြင်ဆင် ပြောင်းလဲမှုများ ပြုလုပ်လာခဲ့ခြင်းကြောင့် ရေထွက်ပစ္စည်းတင်ပို့မှုများ ပြန်လည်ဦးမော့တိုးတက်လာ သည်ကိုတွေ့ရှိရပါသည်။၂၀၁၁ ခုနှစ် ဇူလိုင်လတွင် ပေ ၄၀ ကွန်တိန်နာ ၃၆၆ လုံး၊ ပေ ၂၀ ကွန်တိန်နာ ၁၀၁ လုံး စုစုပေါင်းကွန်တိန်နာ ၄၆၇ လုံးတင်ပို့ခဲ့ပြီး၊ သြဂုတ်လတွင် ပေ ၄၀ ကွန်တိန်နာ ၄၂၆ လုံး၊ ပေ ၂၀ ကွန်တိန်နာ ၁၀၇ လုံး၊ စုစုပေါင်းကွန်တိန်နာ ၅၃၃ လုံး၊ စက်တင်ဘာလတွင် ပေ ၄၀ ကွန်တိန် နာ ၅၂၀ လုံး၊ ပေ ၂၀ ကွန်တိန်နာ ၁၁၀ လုံး၊ စုစုပေါင်းကွန်တိန်နာ ၆၃၀ လုံး၊ အောက်တိုဘာလတွင်ပေ ၄၀ ကွန်တိန်နာ ၆၀၇ လုံး၊ ပေ ၂၀ ကွန်တိန်နာ ၁၀၈လုံး၊ စုစုပေါင်း ကွန်တိန်နာ ၇၁၅ လုံးတင်ပို့ နိုင်ခဲ့ ပါသည်။စဉ် လအမည် ကွန်တိန်နာအလုံးရေ စုစုပေါင်း ပေ(၄၀) ပေ(၂၀) ၁။ ဇူလိုင်လ ၃၆၆ ၁၀၁ ၄၆၇၂။ သြဂုတ်လ ၄၂၆ ၁၀၇ ၅၃၃၃။ စက်တင်ဘာလ ၅၂၀ ၁၁၀ ၆၃၀၄။ အောက်တိုဘာလ ၆၀၇ ၁၀၈ ၇၁၅ ဇူလိုင်လတင်ပို့မှုနှင့်နှိုင်းယှဉ်လျှင် သြဂုတ်လတွင် ကွန်တိန်နာ၆၆ လုံး၊ စက်တင်ဘာလတွင် ကွန်တိန် နာ ၁၆၃ လုံး၊ အောက်တိုဘာလတွင်ကွန်တိန်နာ ၂၄၈ လုံး ပိုမိုတိုးတက်တင်ပို့လာနိုင်ခဲ့ပါသည်။ ပုံမှန်ကုန်သွယ်ရေး (Normal Trade) တင်ပို့မှုအနေဖြင့် ဇူလိုင်လတွင် ရေထွက်ပစ္စည်းစုစုပေါင်း ၁၁၃၀၄ ဒသမ ၉၃ မက်ထရစ်တန်၊ တန်ဖိုးအမေရိကန်ဒေါ်လာ၂၃ ဒသမ ၆၂သန်းတင်ပို့ခဲ့ရာမှ သြဂုတ် လတွင် စုစုပေါင်း၁၂၈၁၃ ဒသမ ၀၉ မက်ထရစ်တန်၊ တန်ဖိုး အမေရိကန်ဒေါ်လာ ၂၆ ဒသမ ၁၃သန်း၊ စက်တင်ဘာလတွင် စုစုပေါင်း ၁၅၅၇၁ ဒသမ ၅၁ မက်ထရစ်တန်၊ တန်ဖိုး အမေရိကန်ဒေါ်လာ ၃၄ ဒသမ ၆၂ သန်း၊ အောက်တိုဘာလတွင် စုစုပေါင်းပို့ကုန် ၁၇၇၈၂ ဒသမ ၅၃ မက်ထရစ်တန်၊ တန်ဖိုး အမေရိကန်ဒေါ်လာ ၃၆ ဒသမ ၅၄ သန်းအထိ တိုးတက်တင်ပို့နိုင်ခဲ့ကြောင်း တွေ့ရှိရပါသည်။ မြန်မာ့ရေထွက်ပစ္စည်းများကို တရုတ်၊ ထိုင်း၊ အိန္ဒိယ၊ ဘင်္ဂလားဒေ့ရှ်နိုင်ငံများသို့လည်း နယ်စပ် ကုန်သွယ်ရေး (Border Trade) ဖြင့် ပုံမှန်တင်ပို့လျက်ရှိရာ ဇူလိုင်လတွင် ရေထွက်ပစ္စည်း စုစုပေါင်း ၁၁၈၄၆ ဒသမ ၄၅ မက်ထရစ်တန်၊ တန်ဖိုး အမေရိကန်ဒေါ်လာ ၁၄ ဒသမ ၇၅ သန်း၊ သြဂုတ်လတွင် စုစုပေါင်း၁၂၀၄၃ ဒသမ ၉၀ မက်ထရစ်တန် တန်ဖိုး အမေရိကန်ဒေါ်လာ ၁၅ ဒသမ ၈၂သန်း၊ စက် တင်ဘာလတွင် စုစုပေါင်း ၁၄၇၃၈ ဒသမ ၅၁ မက်ထရစ်တန် တန်ဖိုး အမေရိကန်ဒေါ်လာ ၂၀ ဒသမ ၇၈သန်း၊ အောက်တိုဘာလတွင် ရေထွက်ပစ္စည်း စုစုပေါင်း ၁၆၂၈၂ ဒသမ ၆၈ မက်ထရစ်တန် တန်ဖိုး အမေရိကန်ဒေါ်လာ ၂၂ ဒသမ ၁၈ သန်းအထိ တိုးတက်တင်ပို့လာနိုင်ခဲ့ကြောင်း သိရှိရပါသည်။ဝင်ငွေခွန်ကင်းလွတ်ပြီးနောက် ရေထွက်ပစ္စည်း တိုးတက် တင်ပို့မှု အခြေအနေ တန်ချိန် - မက်ထရစ်တန် (ရိုးရိုး) တန်ဖိုး - အမေရိကန်ဒေါ်လာ (သန်းဂဏန်း)စဉ် လအမည် ပုံမှန်ကုန်သွယ်ရေး နယ်စပ်ကုန်သွယ်ရေး စုစုပေါင်း တန်ချိန် တန်ဖိုး တန်ချိန် တန်ဖိုး တန်ချိန် တန်ဖိုး၁။ ဇူလိုင်လ ၁၁၃၀၄ .၉၃ ၂၃ .၆၂ ၁၁၈၄၆ .၄၅ ၁၄ .၇၅ ၂၃၁၅၁ .၃၈ ၃၈ .၃၇၂။ သြဂုတ်လ ၁၂၈၁၃ .၀၉ ၂၆ .၁၃ ၁၂၀၄၃ .၉၀ ၁၅ .၈၂ ၂၄၈၅၆ .၉၉ ၄၁ .၉၅၃။ စက်တင်ဘာလ ၁၅၅၇၁ .၅၁ ၃၄ .၆၂ ၁၄၇၃၈ .၅၁ ၂၀ .၇၈ ၃၀၃၁၀ .၀၂ ၅၅ .၄၀၄။ အောက်တိုဘာလ ၁၇၇၈၂ .၅၃ ၃၆ .၅၄ ၁၆၂၈၂ .၆၈ ၂၂ .၁၈ ၃၄၀၆၅ .၂၁ ၅၈ .၇၂ နိုင်ငံတော်မှ ကုန်သွယ်ခွန် ၈ရာခိုင်နှုန်း သက်သာခွင့်ပြုခဲ့ခြင်း၊လုပ်ငန်းရှင်များ အဆင်ပြေချောမွေ့ စေရန် အခြားသောဖြေလျော့မှုများ ဆောင်ရွက်ပေးခဲ့ခြင်း၊ ဒေါ်လာငွေဈေးပြန်တက်လာခြင်းတို့ကြောင့် ပို့ကုန်များ တိုးတက်တင်ပို့လာနိုင်သကဲ့သို့ လုပ်ငန်းရှင်များမှလည်း ဈေးနှုန်းအားဈေးကွက်ပေါက်ဈေး အတိုင်း တင်ပြလျှောက်ထားခြင်းများရှိလာသဖြင့် ပြည်ပပို့ကုန်ဈေးနှုန်းများ ပိုမိုတိုးတက်ရရှိခဲ့ပါသည်။အောင်ကျော်
ယခုလပိုင်းမှာ ပင်လယ်ငါးဖမ်းရေယာဉ်များ ရက်ခြားဆိုသလို ဖျာပုံမြို့၊ ရေခဲဒိုင်ဆိပ်ကမ်းကို အဝင်များလျက်ရှိပါတယ်။ ငါးဖမ်းရေယာဉ် တစ်ခါဝင်ရင် ၅ စီးမှ ၈ စီးအထိရှိပြီး၊ ငါးသလောက်ငါးများ အမိအရများကြောင်း သိရပါတယ်။ ငါးဖမ်းရေယာဉ်တစ်စီးမှာ ငါးကြမ်းအမျိုးအစား ငါးပြူး၊ ငါးခွေးရှာနဲ့ မျှင်ဝါငါးများပါပြီး၊ ငါးတစ်မျိုးကို ကုန်ချိန်ပိဿာ ၂၀၀၀ ကျော်ခန့်ပါပါတယ်။ ငါးသလောက်ကတော့ ကုန်ချိန်ပိဿာ ၁၀၀၀၀ ကျော်ခန့် ပါရှိတယ်လို့ ပြည့်စုံငါးအဝယ်ဒိုင်ကပြောပါတယ်။
မြန်မာနိုင်ငံမှ ပြည်ပပို့ကုန်ဈေးကွက်တွင် ရေထွက်ပစ္စည်းတင်ပို့ ခြင်းမှာ ရှေ့တန်းတွင် ရှိနေပါသည်။ ငါးရိက္ခာလိုအပ်နေသော နိုင်ငံ များ က မြန်မာနိုင်ငံမှထွက် သောငါး၊ ပုစွန်၊ ကဏန်း၊ ခရု၊ ယောက် သွား၊ ရေမှော်စသော ရေထွက်ကုန်ပစ္စည်းမျိုးစုံ၊ ကြီးငယ်အရွယ်စုံကို အစို၊ အခြောက်၊ ဆားနယ်၊ ငါးအကောင် လိုက်၊ ငါးအပိုင်းအတုံးလိုက်၊ အရိုးမပါ အသားလွှာ၊ ငါးအသားလုံး၊ ငါးနုတ် ငါးဖွဲ၊ ငါးပေါင်းမှုန့်က အစ ပုစွန်အခွံအဆုံး အားလုံးဝယ်ယူလိုကြပါသည်။
နိုဝင်ဘာ ၁၅ ရက်ကစပြီး မီးရထားကုန်တန်ဆာခနှုန်း မြင့်တက်ပေမဲ့ ကြက်စာဈေးနှုန်းတင်ပို့ရာ၌ ဈေးအပြောင်းအလဲမရှိနိုင်ကြောင်း ကြက်စာ တင်ပို့သူ ဒေါက်တာမိုးစည်သူက ပြောပါတယ်။ ယခုနှစ်အတွက် ကြက်စာတင် ဖို့စပေါ်ငွေမှာ ကုန်တွဲတစ်တွဲကို ၁၅ သိန်းသတ်မှတ်ပြီး တန်ဆာခမှာ တစ်ကြောင်းကို တစ်တန် တစ်မိုင် ၄၂ ကျပ်နှုန်းနဲ့ တင်ပို့ခွင့်ပြုမှာ ဖြစ်ကြောင်း သိရပါတယ်။ ဒေါက်တာမိုးစည်သူက " မနှစ်က စပေါ်ငွေမတင်ရဘူး။ အသွားအပြန် အတွက် စပေါ်တင်ရတာ။ ၉၃၇ အဆန်အတွက် တန်ဆာခက တစ်တန်တစ် မိုင်ကို ၂၈ ကျပ်၊ ၉၃၈ အစုန် အတွက် တစ်တန်တစ်မိုင်ကို ၁၄ ကျပ်ဆိုတော့ စုစုပေါင်း ၄၂ ကျပ် ဆောင်ရတာ။ ဒီနှစ်မှာ ၉၃၇ အဆန်အတွက် တစ်တန် တစ်မိုင် ၄၂ ကျပ်ဆောင်ရမယ်။ အပြန်တင်စရာမလိုတဲ့အတွက် နှုန်းကအတူ တူပါပဲ။ ဒါကြောင့် ဈေးအပြောင်းအလဲမရှိနိုင်ဘူး" လို့ ပြောပါတယ်။ မွေးမြူရေးလုပ်ငန်း ဖွံ့ဖြိုးတိုးတက်စေရန်အတွက် တစ်လကို တွဲ ၁၀ တွဲဖြင့် တင် ဆောင်ခွင့်ပြုမည်ဖြစ်ကြောင်း၊ တွဲတစ်တွဲကို တန် ၃၀၊ ၃၂ တန်၊ ၃၆ တန်တင်ဆောင်ရတဲ့ တွဲများပါရှိကြောင်း သိရပါတယ်။ မြို့ဟောင်းဘူတာမှ မြစ်ကြီးနားသို့ အမှတ် ၉၃၇ အဆန်ဖြင့် တစ်လရထားအဆိုင်း ၅၀ ဝန်းကျင် ပြေးဆွဲလျက်ရှိကြောင်း၊ တစ်ဆိုင်းကို ကုန်တွဲ ၉ တွဲပါရှိကြောင်း သိရပါတယ်။ ဇူးဇူး
ဗဟိုစံပြငါးဈေးနှင့် အဏ္ဏဝါလွှမ်း၊ သုံးပွင့်ဆိုင်၊ ငွေဇာပုလဲနဲ့ ငွေပင်လယ်ကုမ္ပဏီများမှ လေလံဈေးများအား အခြေခံ၍ COP (Cost of Production) တွက်ချက်ထားသည့် ဈေးနှုန်းများဖြစ်ပါသည်။ ငါးမြစ်ချင်း (Gutted) ဈေးနှုန်းသည် (Whole) ဈေးပေါ်တွင် အခြေခံ၍ ဗိုက်ခွဲ၊ ကျောခွဲ၊ အူထုတ်ပြီး အသားတင်ကျန်ရှိသည့်အပေါ်တွင် ဃဥဏ တွက်ချက်ထား သည့် ဈေးဖြစ်ပါသည်။ စဉ် အမျိုးအမည် အရွယ်အစား WHOLE GUTTED ယခင်အပတ် ယခုအပတ် ယခင်အပတ် ယခုအပတ်၁။ ROHU 1-2 Kg 1145 1134 1345 1334 ငါးမြစ်ချင်း 2-3 Kg 1277 1246 1477 1464 Labeo rohita 3-5 Kg 1343 1330 1543 1530 5-7 Kg 1409 1395 1609 1595 7-8 Kg 1409 1395 1609 1595 8 Kg Up 1409 1395 1609 1595ငါး/ဦးစီး
မြိတ်နယ်စပ်ကုန်သွယ်ရေးစခန်းရဲ့ စက်တင်ဘာလ ကုန်သွယ်မှုမြှင့်တင်ရေး အစည်းအဝေးကို စက်တင်ဘာ ၂၈ ရက်က မြိတ်မြို့ငါးလုပ်ငန်းဦးစီးဌာန အစည်းအဝေးခန်းမမှာ ကျင်းပခဲ့ရာမှာ ငါးလုပ်ငန်းဦးစီးဌာန၊ ဒုတိယတိုင်းဦးစီးမှူးက စက် တင်ဘာ ၁ ရက်မှ ၂၇ ရက်ကာလအတွင်း ကန်ဒေါ်လာ ၇ ဒသမ ၃၆၄ သန်းတန်ဖိုးရှိ ရေထွက် ကုန် ၆၂၆၄ တန်ကျော် တင်ပို့နိုင်ခဲ့ကြောင်း၊ ဧပြီ ၁ရက်မှ စက်တင်ဘာ ၂၇ ရက်အထိ ကန်ဒေါ်လာ ၄၃ သန်းကျော်တန်ဖိုးရှိ ၄၅၄၃၇ တန်ခန့် တင်ပို့ ထားပြီး ယမန်နှစ်ကာလတူထက် ကန်ဒေါ်လာ သုည ဒသမ ၃၄ သန်းဖိုး တင်ပို့နိုင်ခဲ့ကာ အနီးစပ် ဆုံးကာလထက် ကန်ဒေါ်လာ ၁ဒသမ ၈၁၈ သန်း ဖိုးပိုမိုတင်ပို့နိုင်ခဲ့ကြောင်း အသိပေးပြောကြားခဲ့ပါတယ်။ မြိတ်နယ်စပ်မှ တင်ပို့တဲ့ရေထွက်ကုန် တွေက ငါး(ရေချို) မျိုးစုံ၊ ပုစွန်တို့ဖြစ်ပြီး အအေးခန်းစက်ရုံထွက်ပစ္စည်းနဲ့ ငါးမှုန့်တင်ပို့မှုမှာ ပုံမှန် ထက် လျော့နည်းလျက်ရှိပါတယ်။ လက်ရှိအနေ အထားအရ ငါးမှုန့်များကို ရန်ကုန်သို့တင်ပို့နေ ကြတဲ့အတွက် လျော့နည်းနေခြင်းဖြစ်ကြောင်း၊ ယခုအခါ ပွင့်လင်းရာသီကို ရောက်ရှိလာပြီဖြစ်တဲ့ အတွက် ငါးဖမ်းလှေများ ခေါက်ရေတိုးလာခြင်း၊ ရာသီဥတုကောင်းမွန်လာပြီဖြစ်လို့ ကျွန်းခိုမှုလျော့ နည်းလာခြင်း၊ ငွေဈေးနှုန်း မြင့်တက်လာခြင်းတို့ ကြောင့် ပို့ကုန် ဆက်လက်တိုးတက်လာမယ်လို့ သုံးသပ်ပြောကြားပါတယ်။ ရေထွက်ပို့ကုန်များ ပိုမိုတင်ပို့နိုင်ရေးဌာနရဲ့ လုပ်ထုံးလုပ်နည်းများနဲ့ အညီ ဆောင်ရွက်ပေးလျက်ရှိကြောင်းနဲ့ လုပ်ငန်း ရှင်များအနေနဲ့ အခက်အခဲများရှိပါက ပွင့်ပွင့် လင်းလင်း ဆွေးနွေးတင်ပြကြရန် ပြောကြားခဲ့ တယ်လို့ သတင်းရရှိခဲ့ပါတယ်။ မြိတ်နယ်စပ်ကုန်သွယ်ရေးစခန်း တာဝန်ခံက မိမိတို့စခန်းအနေနဲ့ ရေထွက်ပစ္စည်းပြည်ပတင်ပို့ မှုဟာ အရေးပါတဲ့ ပို့ကုန်လုပ်ငန်းဖြစ်ပါကြောင်း၊ ရာသီဥတုကြောင့် ငါးဖမ်းဆီးရမိမှု နည်းပါးခြင်း၊ ငွေလဲလှယ်မှုနှုန်းများ ကျဆင်းခဲ့ခြင်းတို့ကြောင့် လုပ်ငန်းရှင်များ ၂လမှ ၃လခန့် အခက်အခဲကြုံခဲ့ရပါကြောင်း၊ အမြတ်အစွန်းထက် မိမိရရှိထားတဲ့ဈေးကွက်မပျက်စေရေး ကြိုးစားဆောင်ရွက်ခဲ့မှုများကို နားလည်ပါကြောင်း၊ အအေးခန်းစက်ရုံများ ပုံမှန် လည်ပတ်နိုင်ခြင်းဟာ ပို့ကုန်အတွက် အခြေအနေ ကောင်းများ ဖြစ်ပေါ်စေတာကို တွေ့ရပါကြောင်း၊ ရေထွက်ပစ္စည်းတင်ပို့သူများအနေနဲ့ ဈေးကွက်လို အပ်ချက် ဖြည့်ဆည်းနိုင်ရေး၊ ဈေးနှုန်းကျဆင်းမှု မဖြစ်ပေါ်စေရေး အချင်းချင်းညီညီညွတ်ညွတ်အစု အဖွဲ့ စုဖွဲ့ထားရေး၊ အစုအဖွဲ့ စုဖွဲ့ထားရုံနဲ့ မပြီး မြောက်သေးဘဲ အဖွဲ့ဝင်များ မကြာခဏထိတွေ့၍ လက်ရှိဆောင်ရွက်မှု၊ ဆက်လက်ဆောင်ရွက်မဲ့ လုပ်ငန်းစဉ်များအပါအဝင် စုပေါင်းအကြံဉာဏ်နဲ့ လိုအပ်သည်များ ဝိုင်းဝန်းဆောင်ရွက်ခြင်းဖြင့် ထုတ်လုပ်မှုနဲ့ ဈေးကွက်လိုအပ်ချက်၊ တစ်ဖက်နိုင်ငံ သို့ ထိုးဖောက်ချိတ်ဆက်ရောင်းဝယ်မှု တိုးတက် လာစေမည်ဖြစ်ကြောင်း ပြောကြားခဲ့ပါတယ်။ မိမိတို့ OSS အဖွဲ့ဝင် ဌာနဆိုင်ရာများအနေ နဲ့ ကုန်စည်စီးဆင်းမှု ပိုမိုအဆင်ပြေစေရေး ကူညီ ဆောင်ရွက်ပေးနေကြောင်း၊ ကုန်သွယ်မှု မြင့်မား တိုးတက်ရေး ယခုထက်ပိုမိုဆောင်ရွက်ပေးကြရန်နဲ့ တရားမဝင် ကူးသန်းမှု လျော့နည်းပပျောက်စေရန် နဲ့ လမ်းကြောင်းမှန်ပေါ်မှ ကုန်သွယ်ရေးလုပ်ခြင်း ဖြင့် ကုန်သွယ်မှုတိုးတက်ရေး ဝိုင်းဝန်းဆောင်ရွက် ကြရန်လည်း ပြောကြားခဲ့တယ်လို့ သိရပါတယ်။ Source: နကသ(မြိတ်) MIRT(DOBT)
ယခင်အပတ်မှအဆက် အင်ဒိုနီးရှားနိုင်ငံ၏ ၂၀၀-၂၀၀၃ ခုနှစ်၏ရေထွေးဖမ်းမိငါးများရာခိုင်နှုန်း တွက်ချက်ရာတွင် ၆၂.၆ ရာခိုင်နှုန်းရှိသည်ကိုတွေ့ရသည်။ထို့ကြောင့် မြန်မာနိုင်ငံ၏ပင်လယ်ပြင်တွင် ဖမ်းမိသည့် ရောထွေးဖမ်းမိငါးများ ကိုခန့်မှန်းရာတွင် တရားဝင်ကုန်တက်ကိုပြန်လည် ညှိနှိုင်း တွက်ချက်ရန်လိုကြောင်း ရေးသားထား ပါသည်။ စာတမ်းအရဆိုလျှင် ပုံမှန် တရွတ်ဆွဲကုန်တက်အပေါ်တွင် ၃ ဆပိုမိုတွက်ဆရမည်ဖြစ်ကြောင်းတွေ့ရ ပါသည်။ထို့ကြောင့် ၂၀၀၀-၂၀၀၃ခုနှစ် ကာလအတွက် ကုန်တွက်ကိုတွက်ချက် ရာတွင် ၂၉၀၀၀၀ တန် အစား ၈၇၀၀၀၀ တန်ဖြစ်မည်ဟုဆိုပါသည်။ ထိုတန်ဖိုးပေါ်တွင် စာရင်းမပို့သောကုန်တက် ၅၈၀၀၀၀ တန်ကို ပုံမှန်နှစ်စဉ် ကုန်တက် ၁၂၁၀၀၀၀ တန်ကို ထပ်မံပေါင်းထဲ့ရမည်ဖြစ်ပါသည်။(ထိုတန်ဖိုး သည် ၈၇၀၀၀၀ တန်၏ နှစ်ပုံသုံးပုံ တန်ဖိုး)ဖြစ်ပါသည်။ထိုအခါ စုစုပေါင်းကုန်တက်သည် တန်ချိန်ပေါင်း ၁၇၉၀၀၀၀ မက်ထရစ်တန်ဖြစ်ပါမည်။ ထိုအထဲတွင် ၄၈.၆ ရာခိုင်နှုန်းဖြစ် သောတန်ချိန် ၈၇၀၀၀၀ တန်သည် ရောထွေးဖမ်းမိ၍ နှစ်စဉ် ဆုံးရှုံးသွား သော ငါးသယံဇာတများ ဖြစ်ပါသည်။ ထိုတန်ဖိုး သည် မြန်မာနိုင်ငံတစ်နိုင်ငံ တည်းကဆုံးရှုံးသွားသည့်တန်ဖိုးဖြစ်ပါသည်။ နိုင်ငံတစ်ခုခြင်း၏နှစ်စဉ် ဆုံးရှုံးနေသော တန်ဖိုးများပေါင်း၍တွက်ချက်ကြည့်ပါ ကလွန်စွာထိတ်လန့်ဖွယ်အရေအတွက် ကိုတွေ့ကြရမည်။ လူသားတို့ နောင်အရှည်စား သုံးရန်အတွက် ငါးငယ်လေးပေါင်းမြောက်မြားစွာကို လူသားတို့ကိုယ်တိုင် ဖျက်ဆီးပစ်နေကြပြီ၊မည်မျှနှမြောဖွယ်ဖြစ်ပါသနည်း။ နိုင်ငံတော်၏ နိုင်ငံခြားဝင်ငွေနှင့် တစ်မျိုးသားလုံးထုတ်လုပ်မှု ပမာဏ ဂျီဒီပီတိုးတက်အောင် ဆောင်ရွက်ပေးနေ သည်ဟုထင်ရလောက်ပါသည်။အမှန်တရားကတော့ GDP ထက် မိမိတို့ အကျိုးစီးပွားမပျက်စီးရေး၊ ကိုယ်ကျိုးစီး ပွားကြည့်သည့်ဝါဒ လက်ကိုင်ထားနေခြင်းကြောင့် မကြာမီကာလအတွင်း တိုင်းပြည်၊ ကမ္ဘာနှင့်အဝှမ်း ရေသယံ ဇာတများ ယုတ်လျော့ပျက်စီးတော့ မည်မှာ သိသာထင်ရှားလှပါသည်။ နိုင်ငံတော်၏အကျိုးကြည့်မည် ဆိုလျှင် အဘယ်ကြောင့် တန်ဖိုးရှိသည့် ငါးငယ်လေးများပါမကျန် ဖမ်းဆီး ရောင်းချချင်နေရပါသနည်း၊နိုင်ငံတော် ၏မွေးမြူရေးကဏ္ဍ လိုအပ်ချက်ဖြစ်သောကြက်စာ၊ဘဲစာ၊ငါးမွေးမြူရေးအတွက် ကုန်ကြမ်းအဖြစ်လည်းကောင်း၊အခြေခံ ရန်ကုန်မြို့လူထုစားသုံးနိုင်သည့်အရည် အသွေးရှိတန်ဖိုးနည်းငါးများဖြစ်ပါသည် ဟုဆိုနိုင်ပါသေးသည်။သို့သော်လပိုင်း အတွင်းနိုင်ငံတော်အတွက် တန်ဖိုးထိုက် တန်စွာရရှိမည့်တန်ဖိုးရှိငါးငယ်လေးများ သိန်းသန်းချီကာ ကြက်စာ၊ဘဲစာတန်ဖိုး နှင့်သာ နိုင်ငံတော်၏ အဖိုးမဖြတ်နိုင် သည့် ရေသယံဇာတများကို အကျိုးမဲ့ ဖြုန်းတီးပစ်နေခြင်းကို သိသာမြင်သာရှိ ဖို့လိုပါသည်ရေရှည်ငါးပုစွန်သယံဇာတ တည်တံ့ရေး၊နောင်လာနောက်သား၎င်း တို့၏သားစဉ်မြေးဆက်ငါးပုစွန်သယံဇာ တကိုထိန်းသိမ်းသွားသင့်သည်မဟုတ်ပါလား။ တချို့ဝိသမလောဘသား တို့က လည်း စိုက်ထုတ်ထားသော စရိတ်ကြေစေရန် Break point ရောက်ရန် ပင်လယ်ထဲတွင် ကြာကြာငါးဖမ်းနိုင်စေရန်အတွက် (၃)လခန့်ပင်လယ်ထဲတွင် ကမ်းခြေပြန်မကပ်ပဲ၊ငါးဖမ်းဆီးခွင့်တောင်း ဆိုလာနိုင်ကြပါသည်။သို့သော်ပင်လယ် ထဲတွင် ရက်ကြာကြာ ဖမ်းလေလေ ကုန်ကျ စရိတ်များ ပိုတက်ကာ Breakeven point အရင်းကျေမည့် ကာလသည် မိမိတို့ခန့်မှန်းထားသော ကာလထက်ဝေးကွာသောနေရာသို့ ရွေ့ လျားသွားသည်ကိုသတိမူကြဖို့လည်းလို အပ်မည်ဖြစ်ပါသည်။ အံ့သြဖွယ် ကောင်းလေစွ၊ ပင်လယ်ထဲတွင် ထင်တိုင်းကျဲတော့မည်ဆို သည့်သဘောပေလား။ ပင်လယ်ထဲ တွင် ရက်ကြာစွာ ဖမ်းဆီးပြီး၊ သယ်ပို့ရေယာဉ်ဖြင့် ရသလောက်သယ်ယူ ကာ ၎င်းတို့က နိုင်ငံတော်အတွက် ကိုယ်ကျိုးမဖက် GDP တက်အောင်ဖမ်း ဆီး ပေးကြမည် ၎င်းတို့အဆိုပေတည်း။ နိုင်ငံတော်၏ နောင်ရေးငါးပုစွန်သယံ ဇာတပျောက်ကွယ်မည့် အရေးကိုတော့ ထည့်သွင်းပြောဆိုကြခြင်း မတွေ့ရပါ။ ငါးပုစွန် သယံဇာတ ပြန်လည် တိုး တက်လာစေရေးကို ရေတို ရေရှည် စီမံကိန်းများ ချမှတ်အကောင်အထည် ဖော် ဆောင်ရွက်ကြရမည်ဖြစ်ရာ ငါးလုပ်ငန်းစီမံခန့်ခွဲမှုကို နိုင်ငံတကာငါး လုပ်ငန်းဆိုင်ရာအဖွဲ့အစည်းများ၊ဥပမာ SEAFDEC,FAO,BIMSTEC, BOBLME, UNDP, MFRDMD, BOBP-IGO အစရှိအဖွဲ့များနှင့်အတူ လက် တွဲ၍ သယံဇာတသုံးစွဲသူများနှင့် အတူ လက်တွဲ၍ သယံဇာတသုံးစွဲသူ များပါ ပါဝင်ဆောင်ရွက်ကြလျှင် တိုင်း ပြည်၏ ငါးပုစွန်သယံဇာတသည် ပြန်လည် တိုးတက် ပေါများလာမည်မှာ ဧကန်ပင်ဖြစ်သည်။ပြန်လည်ဆောင် ရွက်ရန်လည်း သဘာဝကြီးကမီးမောင်း ထိုး အချက်ပြနေပြီဖြစ်သည်။ နိုင်ငံ တကာ အဖွဲ့အစည်းများကပင် ငွေ ကြေး အမြောက်အမြား အကုန်အကျခံ ကာ သယံဇာတများပြန်လည် တိုးပွား စေရေးအတွက်လာရောက် ဆောင်ရွက် ပေးနေကြသည်။ မိမိတို့ ပြည်သူ၊ သယံဇာတဖြင့် စီးပွားရှာနေသူတို့အဖို့လည်း ဥစ္စာရင်လိုဥစ္စာရင်ခဲဆိုသည့် အတိုင်းဝိုင်းဝန်းထိန်းသိမ်းဆောင်ရွက် သင့်သည်မဟုတ်ပါလား။အော် နောင် တွင် သားလေးတို့ သမီးလေးတို့ စားဖို့ ငါးပုစွန်ပြန်လည်ပေါများလာဖို့အတွက် ဆောင်ရွက်ကြရန်အချိန်ရောက်ပြီဖြစ် ကြောင်း၊မကြာတော့သည့်အချိန်တွင် သယံဇာတကျိန်စာ မသင့်ကြရလေအောင်၊ငါးပုစွန်သယံဇာတပညာရှင်များ အားလုံးဝိုင်းဝန်း ပူးပေါင်းလုပ်ဆောင် ကြပါစို့ဟု ပြည်သူသိအောင် ရင်ဖွင့်ရေး သားလိုက်ရပါသည်။ အဏ္ဏဝါချစ်သူ