စက်တင်ဘာလအတွင်း တရုတ်နိုင်ငံ၏ စားသုံးသူဈေးနှုန်းအညွှန်းကိန်း (consumer price index - CPI)မှာ ၁ ဒသမ ၇ ရာခိုင်နှုန်းသာမြင့်တက်ခဲ့ကြောင်း အမျိုးသားစာရင်းအင်းဗျူရိုမှ ထုတ်ပြန်ကြေညာခဲ့ပါသည်။ ၎င်းအညွှန်းကိန်းမှာ ငွေကြေး ဖောင်းပွမှုအား တိုင်းတာရာတွင် အဓိကကျသော အညွှန်းကိန်းတစ်ခုဖြစ်ပါသည်။

ထိုကဲ့သို့မြင့်တက်ခဲ့သော်လည်း သြဂုတ်လအတွင်း မြင့်တက်ခဲ့သည့် ၂ ဒသမ ၄ ရာခိုင်နှုန်း အောက်လျော့နည်းလာသည်ကို တွေ့ရပါသည်။

၂၀၂၀ ပြည့်နှစ် စက်တင်ဘာအတွင်း တရုတ်နိုင်ငံ၏ ပို့ကုန်မှာ ၉ ဒသမ ၉ ရာခိုင်နှုန်းမြင့်တက်လာပြီး သွင်းကုန်မှာ ၁၃ ဒသမ ၂ ရာခိုင်နှုန်းမြင့်တက်လာပါသည်။  ပို့ကုန်ပိုင်းတွင် နိုင်ငံခြားဈေးကွက်များ ပြန်လည်ဖွင့်လှစ်လာသဖြင့် တိုးတက်လာခဲ့သော်လည်း၊ အမေရိကန်ပြည်ထောင်စုနှင့် ဉရောပနိုင်ငံများတွင် ကိုရိုနာကပ်ရောဂါတကျော့ပြန် ခေါင်းထောင်လာခြင်းက ပြန်လည်မြင့်တက်လာသည့်ဝယ်လိုအားအပေါ် အနှောင့်အယှက် ဖြစ်စေဖွယ် ရှိနေပါသည်။

ဘဏ္ဍာရေးဆိုင်ရာ သတင်းမီဒီယာတစ်ခုဖြစ်သည့် Yicai.comက ၂၀၁၉ ခုနှစ်အတွင်း လူတစ်ဉီးချင်းပျမ်းမျှငွေသုံးစွဲမှု ယွမ်သုံးသောင်းအထက်ရှိသည့် မြို့ကြီးများ၏ စာရင်းအား ထုတ်ပြန်ကြေညာခဲ့ပါသည်။ ၎င်းမြို့ကြီးများစာရင်း၌ တရုတ်နိုင်ငံအရှေ့ဘက်ကမ်းရိုးတန်းတစ်လျှောက်ရှိ စီးပွားရေးဖွံ့ဖြိုးပြီးမြို့ကြီးများ အများစုပါဝင်နေသည်ကို တွေ့ရပါသည်။

၎င်းမြို့ကြီးများ၏ စာရင်းတွင် ထိပ်ဆုံးမှ ရပ်တည်နေသော ရှန်ဟိုင်းမြို့တွင် ၂၀၁၈ ခုနှစ်က လူတစ်ဉီးချင်းငွေသုံးစွဲမှုပမာဏထက် ၅ ဒသမ ၂ ရာခိုင်နှုန်းပိုမိုလာခဲ့ကာ ၎င်းမြို့၏ စားသုံးမှုစွမ်းရည်မှာ နှစ်စဉ်လျင်မြန်စွာမြင့်တက်လာ ကြောင်း တွေ့ရပါသည်။

တရုတ်နိုင်ငံ ရှန်းကျန့်မြို့ရှိ အကောက်ခွန်ဌာနက ယွမ်ငွေသုံးဘီလီယံ (အမေရိကန်ဒေါ်လာ ၄၃၉ ဒသမ ၄ သန်းခန့်)တန်ဖိုးရှိ စိန်များကို မှောင်ခိုတင်သွင်းနေသည့် အဓိကဂိုဏ်းတစ်ဂိုဏ်းအား မကြာသေးမီကဖမ်းဆီးခဲ့ပါသည်။  ရှန်းကျန့်၊ ဟွေ့ကျိုးနှင့် ရှန်ဝေတို့အပါအဝင် တရုတ်မြို့ကြီးများရှိ သံသယရှိသူ ၆၀ ထံမှ စိန်ပွင့်ပေါင်း ၃၀၀ ကျော်ကိုလည်း ဖမ်းဆီးထားသည်ဟု သိရပါသည်။ ကနဉီးစုံစမ်းထောက်လှမ်းမှုများအရ ၂၀၁၅ ခုနှစ်မှစ၍ ပြည်ပနိုင်ငံများရှိ စိန်ရောင်းချ သူများထံမှ စိန်များကိုဝယ်ယူပြီး ဟောင်ကောင်သို့ ပို့ဆောင်စေသည့် ပြည်တွင်းဂိုဏ်းဖြစ်ကြောင်း၊  ရှန်းကျန့်မြို့ရှိဆိပ်ကမ်းများမှတစ်ဆင့် စိန်များကို မှောင်ခိုတင်သွင်းရန်

တရုတ်နိုင်ငံ၏ အမျိုးသားနေ့နှင့် ဆောင်းဉီးရာသီအလယ် ပွဲတော်ကာလအားလပ်ရက်ရှည်ကာလအတွင်း နန်နင်းမြို့ရှိ စီးပွားရေးလုပ်ငန်းများဆောင်ရွက်သည့် နေရာ ၁၉ ခု၊ အဆင့်မြင့်ကုန်တိုက်များနှင့် စူပါမားကက်များမှ စုစုပေါင်း ယွမ်ငွေ ၅၇၀ သန်းဖိုးရောင်းချခဲ့ရရာ ယခင်နှစ်ပိတ်ရက်ရှည်ကာလကထက် ၉ ဒသမ ၁ ရာခိုင်နှုန်းတိုး တက်လာသည်ကို တွေ့ရကြောင်း နန်နင်းကူးသန်းရောင်းဝယ်ရေးဗျူရိုက ထုတ်ပြန်ကြေညာခဲ့ပါသည်။

ပန်-ပေပုပင်လယ်ကွေ့ စီးပွားရေးပူးပေါင်းဆောင်ရွက်မှုမှာ တရုတ်နိုင်ငံနှင့် အာဆီယံနိုင်ငံများအကြား စီးပွားရေးနှင့် ကုန်သွယ်ရေး ဖွံ့ဖြိုးတိုးတက်မှုတွင် အလွန်အရေးပါကြောင်း နန်နင်းမြို့မြန်မာကောင်စစ်ဝန်ချုပ်ရုံးမှ ကောင် စစ်ဝန်ချုပ် ဉီးစိုးသက်နောင်က  ချီးကျူးပြောကြားခဲ့ပါသည်။

ဂျပန်နိုင်ငံမှ Mizuho Financial Group ကုမ္ပဏီသည် ၎င်းတို့ကုမ္ပဏီမှ အချိန်ပြည့်ဝန်ထမ်း ၄၅၀၀၀ ခန့်အတွက် တစ်ပတ်လျှင် လေးရက်အထိ ခွင့်ယူလိုသူရှိပါက ခွင့်ပြုပေးနိုင်ရန် စီစဉ်နေကြောင်း သိရပါသည်။

အလုပ်ဆင်းသည့်နေ့ရက်  လျှော့ယူသည့် ဝန်ထမ်းများအနေဖြင့် အပိုဝင်ငွေရသည့် လုပ်ငန်းဆောင်ရွက်နိုင်သည့်အပြင်  မိသားစုဝင်များကို အချိန်ပေးကြည့်ရှုစောင့်ရှောက်လာနိုင်ခြင်းနှင့်  မိမိစိတ်ပါဝင်စားသည့် ပညာရပ်များသင်ယူ လေ့လာရန် အချိန်များရရှိလာနိုင်မည်ဖြစ်ကြောင်း ငွေကြေးနှင့်ဘဏ်လုပ်ငန်းကြီးတစ်ခုဖြစ်သည့် Mizuho က ပြောကြားခဲ့ပါသည်။

ဂျပန်နိုင်ငံတွင် ကိုရိုနာဗိုင်းရပ်စ်ကပ်ရောဂါ ဆက်လက်ပြန့်ပွားနေမှုဂယက်ကြောင့် ဒေဝါလီ ခံခဲ့ရသည့် စီးပွားရေးလုပ်ငန်းများအရေအတွက်သည် ၆၀၀ ခန့်ရှိလာပြီဖြစ်ကြောင်း Tokyo Shoko Research Ltd.က ပြောကြားခဲ့ပါသည်။ ပြီးခဲ့သည့် စက်တင်ဘာလကတည်းက စီးပွားရေးဆုံးရှုံးမှု အတိုင်းအတာသည် ပိုမိုကျယ်ပြန့်လာခဲ့ကြောင်း သုတေသီများက ဆိုပါသည်။

အစိုးရအနေဖြင့် ကုမ္ပဏီများနှင့် စီးပွားရေးလုပ်ငန်းများအတွက် ဘဏ္ဍာရေးပံ့ပိုးမှု ဆောင်ရွက်နေစဉ်မှာပင် ငွေကြေးအင်အားချိနဲ့နေသည့် ကုမ္ပဏီများသည် ပြန့်ပွားမှု သက်တမ်းတာရှည်နေသည့် ကိုရိုနာကပ်ရောဂါကြောင့် လုပ်ငန်း ဆက်လက်ရှင်သန်ရန် ခဲယဉ်းလာကြခြင်းဖြစ်ပါသည်။

ကမ္ဘာ့ကုန်သွယ်ရေးအဖွဲ့ (WTO) က ကိုရိုနာဗိုင်းရပ်စ် ကပ်ရောဂါ၏ ဂယက်ရိုက်မှု ကြောင့် ယခု ၂၀၂၀ ပြည့်နှစ်အတွင်း ကမ္ဘာတစ်ဝန်းလုံး၏ ကုန်စည်ကူးသန်းရောင်းဝယ်မှု သည်၂၀၁၉ ခုနှစ်ကထက် ၉ ဒသမ ၂ ရာခိုင်နှုန်းခန့် လျော့နည်းနိုင်မည်ဖြစ်ကြောင်း ခန့်မှန်းထားပါသည်။

ဂျပန်နိုင်ငံ၏ အဓိကလေကြောင်းလိုင်းကြီးတစ်ခုဖြစ်သည့် All Nippon Airways (ANA) သည် ဝန်ထမ်းများ၏လစာနှင့် ယခုနှစ်အတွက် ဆုကြေးငွေများကို လျှော့ချဖြတ်တောက်မည်ဖြစ်ကြောင်း သိရှိရသည်။