မော်တော်ယာဉ် အရောင်းပြခန်းများတွင်ရောင်းချရန် မော်တော်ယာဉ်တင်သွင်းသူများ လိုက်နာရမည့် စည်းကမ်းချက်များထုတ်ပြန်
အတွဲ(၁၅)အမှတ်(၁၃)
၂၀၁၅ ခုနှစ် ပြက္ခဒိန်နှစ်အတွက် မော်တော်ယာဉ် အရောင်းပြခန်း(Show Room) တွင် ရောင်းချရန် ပြည်ပမှ မော် တော်ယာဉ် တင်သွင်းလာသူများ လိုက်နာရမယ့် စည်းကမ်းချက် များကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည် ထောင်စုဝန်ကြီးရုံးမှ မတ်လ ၁၈ ရက် ရက်စွဲပါ အမိန့်ကြော်ငြာစာ ၂၀။၂၀၁၅ ဖြင့်ထုတ်ပြန်လိုက်ကြောင်းသတင်းရရှိပါတယ်။
အဆိုပါအမိန့်ကြော်ငြာစာမှာ-
- မော်တော်ယာဉ်အရောင်းပြခန်း(Show Room) တွင် ရောင်းချရန် တင်သွင်းလာသည့် မော်တော်ယာဉ်များ သည် အသစ် (Brand New) ဖြစ်ရမည်။
- တင်သွင်းလာမည့်မော်တော်ယာဉ်များ၏ Model Yearသည် ရောက်ရှိခုနှစ်နှင့် ရောက်ရှိခုနှစ်အောက် တစ်နှစ်နိမ့်ပြီး (လက်ရှိကာလတွင် ၂၀၁၄ ခုနှစ်နှင့်၂၀၁၅ ခုနှစ် မော်ဒယ်) အသုံးမပြုရသေးသောBrand New (ဘယ်စတီယာရင်)ယာဉ်ကိုသာ တင်သွင်းရမည်။
- အရောင်းပြခန်းဖွင့်လှစ်ရန်အတွက် မြန်မာနိုင်ငံသားက ဖြစ်စေ၊ မြန်မာနိုင်ငံသားနှင့် နိုင်ငံခြားသား ဖက်စပ် ဆောင်ရွက်ခြင်းဖြစ်စေ၊ ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနတွင် ဝန်ဆောင်မှုကုမ္ပဏီဖြင့်မှတ်ပုံ တင်ရမည်ဖြစ်ပြီး ၎င်းင်းကုမ္ပဏီသည် တစ်ဖက်နိုင်ငံရှိ ပင်ရင်းကုမ္ပဏီမှဖြစ်စေ၊ Reagional Office မှဖြစ်စေ မော်တော်ယာဉ်အသစ်များ ဖြန့်ဖြူးရောင်းချရန် အရောင်းကိုယ်စားလှယ်Distributorship ဖြင့် တရားဝင် ခန့်အပ်ခြင်းခံရသူဖြစ်ရမည်။
- မော်တော်ယာဉ်အရောင်းပြခန်း (Show Room)ကို အဆင့်မီစွာ တည်ထောင်ဆောင်ရွက်နိုင်သူ ဖြစ်ရမည်။
- တင်သွင်းသည့် မော်တော်ယာဉ်အသစ်များအတွက် လိုအပ်သည့်အာမခံမှု၊ Spare Parts အပိုပစ္စည်းများ ရောင်းချနိုင်မှု၊ ရောင်းချပြီးနောက်ပိုင်း ပြင်ဆင်မှု များ(After Sale Services)ကိုဆောင်ရွက်နိုင်မည့် အလုပ်ရုံကို တည်ထောင်ဆောင်ရွက်နိုင်သူဖြစ်ရမည်။
- သက်ဆိုင်ရာပြည်နယ်/တိုင်းဒေသကြီးအစိုးရအဖွဲ့နှင့် သက်ဆိုင်ရာ စည်ပင်သာယာရေးအဖွဲ့များထံမှ လုပ်ငန်း လုပ်ကိုင်ခွင့်ကို လုပ်ထုံးလုပ်နည်းနှင့်အညီ တင်ပြခွင့်ပြု ချက်ရရှိပြီးမှသာအရောင်းပြခန်း(Show Room) ဖွင့်လှစ် ဆောင်ရွက်ရမည်။
- မော်တော်ယာဉ်အရောင်းပြခန်း (Show Room)တွင် ပြသ ရောင်းချမည့် မော်တော်ယာဉ်များကို အပ်ကုန်(Consig-nment Basic) စနစ်အပြင် LC (Letter of Credit) ငွေလွှဲ စာတမ်းဖြင့် ပေးချေသည့်စနစ် သို့မဟုတ် TT(Telegr-aphic Transfer) ကြေးနန်းငွေလွှဲပို့နည်းစနစ်ဖြင့် တင် သွင်းနိုင်သည်။
- မော်တော်ယာဉ်စီးရေ ၃၀၀ အထိတင်သွင်းနိုင်သည်။
- တင်သွင်းလာသော မော်တော်ယာဉ်များကို အရောင်းပြခန်းနှင့်သိုလှောင်ရုံတွင်သာထားရှိရမည်။ အရောင်း ပြခန်းမှအပ အခြားနေရာများတွင် ပြသရောင်းချခြင်း၊ ဝယ်သူအား ရောင်းချခြင်းမပြုမီ လမ်းများပေါ်တွင် မောင်းနှင်အသုံးပြုခြင်း လုံးဝမပြုလုပ်ရ။
- အရောင်းပြခန်းဖွင့်လှစ်ဆောင်ရွက်မည့် ကုမ္ပဏီ၏ ဘဏ် စာရင်းတွင် အာမခံငွေ(Deposit)အဖြစ် အမေရိကန် ဒေါ်လာ (၁) သိန်းအား နိုင်ငံခြားငွေစာရင်းဖွင့်လှစ်ဆောင် ရွက်ခွင့်ရှိသော ဘဏ်တစ်ခုခုတွင် ထည့်သွင်းသိမ်းဆည်း ထားရမည်။
- အပ်ကုန်(Consignment Basic ) စနစ်ဖြင့် တင်သွင်းခဲ့ သည့် မော်တော်ယာဉ်များရောင်းချခြင်း၊ ငွေလွှဲခြင်း၊ လက်ကျန် စာရင်းရှင်းလင်းခြင်း (သို့မဟုတ်) လုပ်ငန်းရပ် ဆိုင်း၍ သတ်မှတ်ထားသော စည်းကမ်းများနှင့် အညီ စာရင်းရှင်းလင်းခြင်းတို့ကို အပြီးသတ်ဆောင်ရွက်ပြီး ပါက အပ်နှံထားသော အာမခံငွေ(Deposit)ဒေါ်လာ (၁)သိန်းအား ပြန်လည်ထုတ်ယူနိုင်သည်။
- မော်တော်ယာဉ်အရောင်းပြခန်းလုပ်ငန်းဆောင်ရွက်ချက် များနှင့်ပတ်သက်၍ ထားရှိရမည့် စာရွက်စာတမ်း၊ စာရင်း စာအုပ်စသည်တို့ကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနကဖြစ်စေ၊ ဝန်ကြီးဌာနမှ တာဝန်လွှဲအပ် သည့် အဖွဲ့အစည်းမှဖြစ်စေ ဤသို့ဝင်ရောက် စစ်ဆေး ခြင်းကို သက်ဆိုင်ရာလုပ်ငန်းရှင်မှ ခွင့်ပြုရမည်။
- အရောင်းပြခန်းလက်မှတ်၊ ပို့ကုန်သွင်းကုန်လုပ်ငန်းရှင် မှတ်ပုံတင်တို့အား အနည်းဆုံးသက်တမ်း မကုန်မီ(၁) လ ကြိုတင်၍ သက်တမ်းတိုးမြှင့်ပေးရန် လျှောက်ထားရ မည်။
ပန်
