Main menu

Background

Monday, 24 Feb 2014

စစ်ကိုင်းတိုင်းဒေသကြီး၊ ကော လင်းမြို့နယ်နဲ့ ပင်လည်ဘူးမြို့နယ်များ မှာ နိုင်ငံခြားဝင်ငွေရရှိနိုင်တဲ့ ဆေး ဖက်ဝင် အပင်အမျိုးမျိုးပေါက်ရောက် လျက်ရှိပါတယ်။ သဘာဝဆေးဖက်ဝင် အပင်များထဲမှ ယခုနှစ်အတွင်း တရုတ် နိုင်ငံကို တင်ပို့နေတဲ့ အမယ်သစ်ပို့ကုန် ဆေးဖက်ဝင်တောထန်းဥဟာတောတောင် သစ်တောများအတွင်းသဘာဝအလျှောက် အရိပ်ကောင်းတဲ့နေရာများမှာ ပေါက် လေ့ရှိပြီး၊ အမြင့်မှာ ၂ ပေမှ ၃ ပေခန့် သာမြင့်ပါတယ်။တောထန်းပင်ရဲ့ အမြစ် ရင်းကို တူးဖော်ပြီး တောထန်းဥကို ဖော် ထုတ်ယူရပါတယ်။

Thursday, 13 Feb 2014

သြစတြီးယားနိုင်ငံရှိ စူပါမားကတ် များတွင် အော်ဂဲနစ်အသီးအနှံများကို ကျယ်ကျယ်ပြန့်ပြန့် ရောင်းချလျက်ရှိရာ အော်ဂဲနစ်ပန်းသီးသည် နံပါတ်တစ် ဝယ်လိုအားအများဆုံးဖြစ်ကြောင်း သိရှိ ရပါသည်။

Thursday, 6 Feb 2014

၂၀၁၄ ခုနှစ်ရဲ့ ဇန်နဝါရီလ ၂၂ ရက်မှ ၂၈ ရက်တာ ကာလအတွင်း မြန်မာ-တရုတ်နယ်စပ်ရှိ မူဆယ်(၁၀၅) မိုင် ကုန်သွယ်ရေးဇုန်မှ ကန်ဒေါ်လာ ၂၃၁၈ တန်ဖိုးရှိတဲ့ စပျစ်သီး ၁၉ တန်ကို စတင်တင်ပို့ခဲ့ပါတယ်။ ဒါ့အပြင် ကန် ဒေါ်လာ ၂ ဒသမ ၈၄၆ သန်းတန်ဖိုးရှိ ဖရဲသီး ၂၁၅၅၇ တန်ခွဲ၊ ကန်ဒေါ်လာ သုည ဒသမ ၁၇၂ သန်း တန်ဖိုးရှိ သခွားမွှေး ၈၄၀ တန်ကျော်နဲ့ကန်ဒေါ် လာ သုည ဒသမ ၂၂၅ သန်းဖိုးရှိ ဆီးသီး ၁၅၈၄ တန်တို့ကိုလည်း တင်ပို့နိုင်ခဲ့ပါ တယ်။

Thursday, 6 Feb 2014

သခွားမွှေးရဲ့ မူလမျိုးဟာ တရုတ် နိုင်ငံမှဖြစ်ပြီး မူဆယ်မှတစ်ဆင့် မိမိတို့ နိုင်ငံအတွင်းကို တင်သွင်းခဲ့ခြင်း ဖြစ်ပါ တယ်။ မိမိနိုင်ငံမြေလတ်ပိုင်း ဆောင်း ရာသီနဲ့ ကိုက်ညီပြီး တရုတ်နိုင်ငံမှာ အအေးပိုလို့ မဖြစ်ထွန်းနိုင်ခြင်းကြောင့် မိမိတို့နိုင်ငံတောင်သူများအတွက်သေချာ တဲ့ဈေးကွက်၊ မြင့်မားတဲ့ဈေးနှုန်းကို ရရှိ ခြင်းကြောင့် ယခုအခါ သခွားမွှေးကို မန္တလေးတိုင်းဒေသကြီးအတွင်းကျောက် ဆည်၊ တံတားဦး၊ မြစ်သား၊ စဉ့်ကိုင် မြို့နယ်များမှာတွင်တွင်ကျယ်ကျယ်စိုက် ပျိုးနေကြပါပြီ။

Monday, 27 Jan 2014

စစ်ကိုင်းတိုင်းဒေသကြီးရဲ့ ပြည်ပ တင်ပို့သစ်သီးဝလံတွေထဲကအရင်းအနှီး များလှတဲ့အစေ့မဲ့ဖရဲကို တစ်စိုက်မတ် မတ်စိုက်ပျိုးထုတ်လုပ်နေတဲ့ ဘိုမြင့်သူ ကုမ္ပဏီအနေနဲ့ ယခုနှစ်ဖရဲရာသီမှာ အစေ့မဲ့ဖရဲကို မုံရွာခရိုင်အတွင်း မုံရွာ၊ ဘုတလင်၊ ချောင်းဦးမြို့တွေနဲ့ စစ်ကိုင်း ခရိုင် မြောင်မြို့နယ်တွေမှာ ဧက ၁၅၀၀ ခန့်အထိ တိုးချဲ့စိုက်ပျိုး နိုင်ခဲ့တယ်လို့ သိရပါတယ်။

Monday, 6 Jan 2014

မြန်မာ-တရုတ်နယ်စပ်စခန်းဖြစ်တဲ့ မူဆယ် ၁၀၅ မိုင်ကုန်သွယ်ရေးဇုန်မှ ၂၀၁၃ ခုနှစ် ဒီဇင်ဘာလမှာ ကန် ဒေါ်လာ ၇ ဒသမ ၅၂၁ သန်းဖိုးရှိ ဖရဲ သီး ၅၂၂၆၆ တန်ကျော်၊ ကန်ဒေါ်လာ ၁ ဒသမ ၁၂၄ သန်းဖိုးရှိ သခွားမွှေး ၅၅၂၁ တန်ခွဲနဲ့ ကန်ဒေါ်လာ သုည ဒသမ ၀၆၇ သန်းဖိုးရှိ ဆီးသီး ၄၆၉ တန်တို့ကိုတင်ပို့နိုင်ခဲ့ပြီး၊ ကန်ဒေါ်လာ ၄ ဒသမ ၀၃၃ သန်းဖိုးရှိ ပန်းသီး၊ ပန်းသစ်တော်နဲ့ လိမ္မော်သီး ၁၁၀၄၂ တန်ခန့်ကို တင်သွင်းနိုင်ခဲ့ သလို ကန် ပိုက်တီးစခန်းမှ ကန်ဒေါ်လာ သုည ဒသမ ၀၈၂ သန်းတန်ဖိုးရှိ ပန်းသီး ၂၀၉ တန်ခွဲကိုလည်း တရုတ်ပြည်က နေပုံမှန် တင်သွင်းလာတာတွေ့ရပါတယ်။ မြန်မာ-ထိုင်းနယ်စပ်ရှိ တာချီ လိတ်စခန်းမှ ကန်ဒေါ်လာ ၇၄၈၄၄ တန်ဖိုးရှိ လိမ္မော်သီး ၃၉၆ တန်ကို ဒီဇင်ဘာလမှာတင်ပို့မှုရှိခဲ့သလို မြန်မာ-အိန္ဒိယနယ်စပ်ရှိ ရိဒ်စခန်းမှလည်း ကန်ဒေါ်လာ ၁၂၅၁ တန်ဖိုးရှိတဲ့ ပန်းသီး ၅ တန်ခန့် တင်ပို့ခဲ့တယ်လို့ သိရပါတယ်။ မော်မော်အောင် MIRT (DCCA)

Wednesday, 18 Dec 2013

ပြည်မြို့ရှိ ဆီးသီးအဝယ်ဒိုင်များကို ဆီးသီးများ လှိုင်လှိုင် ဝင်ရောက်နေပြီ ဖြစ်ပါတယ်။ ပြည်မြို့တစ်ဖက်ကမ်း ရှိ ပန်းတောင်းနဲ့ ဆင်တဲရှိ ဆီးခြံများမှ တင်ပို့ရောင်းချနေပါတယ်။ ပြည်မြို့မှ တစ်ဆင့် သန့်စင်ပြီး ဆီးသီးများကို ရန်ကုန်ကို တင်ပို့ပါတယ်။ လက်ရှိ ပေါက်ဈေးမှာ ဆီးသီးအစို တစ်တင်း ၁၆၀၀ ကျပ်၊ ဆီးသီးခြောက် တစ်တင်း ကို ၂၀၀၀ ကျပ်၊ ဆီးစေ့ တစ်တင်း ၇၀၀၀ကျပ်နဲ့ဆီးဆန်တစ်ပိဿာ ၉၀၀၀ ကျပ်ဈေးရှိကြောင်း လက်ရှိဈေးကွက်မှာ ဆီးဆန် အရောင်းအဝယ် မရှိသေး ကြောင်း သိရပါတယ်။အိဆွေဇင် - ပြည်
 

Tuesday, 3 Sep 2013

ပြည်ဒေသရဲ့ နာမည်ကျော်သီးနှံ ထွက်ကုန်များထဲမှာ မြကျောက်သရက် ပြီးရင် ပြည်သြဇာသီးမှာလည်း နာမည် ကျော်သီးနှံထွက်ကုန်ဖြစ်ပါတယ်။ ယခင်နှစ်များက သြဂုတ်လဒုတိယပတ် ဆိုရင် ဈေးကွက်မှာ ရောင်းချနေတာ တွေ့ရပါတယ်။ ယခုနှစ်မှာတော့ သြဂုတ်လနောက်ဆုံးပတ်ရောက်မှသာ အနည်းငယ်ရောင်းချနေတာကို တွေ့ရ ပါတယ်။

Tuesday, 28 May 2013

သီတင်းတစ်ပတ်ဖြစ်တဲ့ မေလ ၁၂ ရက်မှ ၁၈ ရက်နေ့အတွင်း နို့ဆီ ၆၁၈ ဒသမ ၈၀ တန်၊ တန်ဖိုးအားဖြင့် ကန် ဒေါ်လာ ခုနှစ်သိန်းကိုးသောင်းကျော်ဖိုး ကို ပင်လယ်ရေကြောင်း ကုန်သွယ်မှု လမ်းမှ မှာယူ တင်သွင်းခဲ့ပါတယ်။ ဒီ တစ်ပတ်မှာ အိုကေနို့ဆီ ၄၉၆ ဒသမ ၈ တန်နဲ့ ဒွန်းနို့ဆီ ၁၂၂ တန်ဝင်လာခဲ့ပါ တယ်။ ယခင် သီတင်းပတ်နို့ဆီအဝင်က တန်ချိန် သုံးရာ့တစ်ဆယ်ကျော်ရှိခဲ့တာ ကြောင့် ဒီတစ်ပတ် မှာ တန်ချိန် နှစ်ရာ့ ကိုးဆယ်ကျော် အဝင်ပိုခဲ့ပါတယ်။

Monday, 13 May 2013

ဗီယက်နမ်နိုင်ငံအနေနဲ့ ဥရောပသမဂ္ဂသို့ ဇွန်လ ၃၀ ရက်ခန့်မှာ သစ်သီးဝလံနဲ့ဟင်းသီးဟင်းရွက်အစိုများ တင်ပို့ခွင့်ပြန်လည်ရရှိတော့ မယ်လို့ သိရပါတယ်။  ဥရောပသမဂ္ဂသို့ ဗီယက်နမ်မှသစ်သီးဝလံတင်ပို့ခွင့် ကို ခေတ္တရပ် ဆိုင်းထားသည်မှာ တစ်နှစ်နီးပါးရှိ နေပြီဖြစ်ပါတယ်။ စိုက်ပျိုးရေး နဲ့ နယ်စပ်ဒေသဝန်ကြီး ဌာနလက်အောက်ရှိ အပင်ပိုးမွှားကာကွယ်ရေးဌာနဇုန် ၂ မှ ဌာနမှူးဖြစ်သူ Nguyen Van Nga  ကဗီယက်နမ်သစ်သီးဝလံနဲ့ ဟင်းသီး ဟင်းရွက်အသင်းမှကြီးမှူးပြီး ဟိုချီမင်းမြို့ မှာ မေလ ၇ ရက်နေ့ကကျင်းပတဲ့ကွန်ဂရက်မှာ ထုတ်ဖော်ပြောကြား ခဲ့တာဖြစ်ပါတယ်။

၂၀၁၂ ခုနှစ်အစောပိုင်းက ဗီယက်နမ်မှဥရောပသမဂ္ဂသို့ တင်ပို့ခဲ့သောဟင်းသီးဟင်းရွက် ငါးမျိုးဖြစ်တဲ့ ပင်စိမ်း၊ ငရုတ်ပွသီး၊ တရုတ်နံနံ၊ နံနံပင်၊ ကြက်ဟင်းခါးသီးတို့ကိုတင်ပို့ရာမှာ ဥရောပသမဂ္ဂမှကျန်းမာရေး နဲ့ ဘေးကင်းလုံခြုံမှု အတွက် သတ်မှတ်ထားချက်များနဲ့ကိုက်ညီမှုမရှိသဖြင့် တင်ပို့ခွင့် ရပ်နားထားခဲ့ရတာဖြစ်ပါတယ်။ သတ်မှတ်ချက်နဲ့မ ကိုက်ညီမှုများ ထပ်မံစစ်ဆေးတွေ့ရှိပါက ဗီယက်နမ်သစ်သီးဝလံနဲ့ ဟင်းသီးဟင်းရွက်တင်ပို့မှု အား ကန့်သတ်ထား မယ်လို့  ဥရောပသမဂ္ဂအာဏာပိုင်အဖွဲ့က သတိပေးပြောကြားခဲ့တာဖြစ်ပါတယ်။ ဗီယက်နမ် ပို့ကုန်တင်ပို့သူများအနေ နဲ့ ကောင်းမွန် သောစိုက်ပျိုးရေးအလေ့အကျင့် GAP စံသတ်မှတ်ချက်များနဲ့အညီ ထုတ်လုပ်ရောင်းချခြင်းဖြင့် ဥရောပသမဂ္ဂရဲ့ကန့်သတ်ချက်ကိုကျော်လွှားနိုင်ရန် ကြိုးပမ်း လုပ်ဆောင်ခဲ့ကြရာ ယခုအခါဥရောပသမဂ္ဂ သို့ ပြန်လည်တင်ပို့ခွင့်တရားဝင်ရရှိသွားတာဖြစ်ပါတယ်။ အကောက်ခွန်ဌာနရဲ့ စာရင်း ဇယားများအရ ဧပြီလလယ် တွင် ပြည်ပသို့သစ်သီးဝလံနဲ့ဟင်းသီးဟင်းရွက်တင်ပို့မှုမှကန်ဒေါ်လာ ၂၂၄ သန်းရရှိခဲ့ပြီး ၂၀၁၃ခုနှစ် တစ်နှစ်လုံးအနေနဲ့ကန်ဒေါ်လာ တစ်ဘီလီယံ ထိရရှိနိုင်မယ်လို့ မျှော်မှန်းထားကြတယ် လို့ သိရပါတယ်။Source: VNA CMK
 

Pages