ပြီးခဲ့သည့်လအတွင်း မြန်မာ နိုင်ငံတော်ဗဟိုဘဏ် အနေဖြင့် နိုင်ငံ ခြားငွေကြေးဈေးကွက် (FX Trading Platform) တွင် ‌စက်သုံး ဆီလုပ်ငန်းရှင်များအား  အမေ ရိကန်  ဒေါ်လာရောင်းချပေးမှု သန်း ၁၂၀ ကျော်ထိ  ရှိလာပြီဖြစ် ကြောင်း သိရသည်။

သိပ်သည်းဆ ၁၉ ဒသမ၂၅ နှင့်အထက်ရှိသော စံချိန်မီရွှေ တစ်ကျပ်သား (၁၆ ဒသမ ၃၂၉၃၂၅ ဂရမ်)၏ ဈေးနှုန်း  ကျပ် ၅၂၈၀ဝ၀ဝ ဖြစ်ကြောင်း ဓာတ်သတ္တု (ရွှေ) ရည်ညွှန်းဈေး သတ်မှတ်ရေးကော်မတီမှ သတ်မှတ်ထားကြောင်း သိရသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် အရေး ကြီးကုန်စည်နှင့် ဝန်ဆောင်မှု ဥပဒေ ပုဒ်မ ၄၊ ပုဒ်မခွဲ(ဂ)အရ ပြည်ထောင်စုအစိုးရအဖွဲ့ က အပ်နှင်းသည့် အမိန့်ထုတ်ပြန်နိုင်ခွင့်ကို ကျင့်သုံး၍ ဓာတ်သတ္တု (ရွှေ) ရောင်း ဝယ်ခြင်း ဝန်ဆောင်မှုလုပ်ငန်းကို အရေးကြီးဝန်ဆောင်မှုအဖြစ် သတ်မှတ်ခဲ့ပြီး နောက် နေ့စဉ် ရွှေရည်ညွန်း‌ဈေးနှုန်းအား သတ်မှတ်ထုတ်ပြန်လျက်ရှိကြောင်း သိရ သည်။

မြန်မာနိုင်ငံတော်ဗဟိုဘဏ်မှ ဈေးကွက်အတွင်းသို့  နိုင်ငံခြားငွေကြေးများ ဆက်တိုက်ထုတ် ရောင်းပေးလျက်ရှိရာ လက်ရှိ ပြည်တွင်း ငွေကြေးဈေးကွက်အတွင်း နိုင်ငံခြားငွေလဲလှယ်နှုန်းထားများ တည်ငြိမ်လျက်ရှိပြီး အရောင်းအဝယ်ပုံမှန်ဖြစ်ပေါ်လျက်ရှိကြောင်း သိရသည်။ 

မြန်မာနိုင်ငံတော်ဗဟိုဘဏ်အနေဖြင့် နိုင်ငံခြားငွေသုံးစွဲမှုကို ထိန်းချုပ်လျက် ရှိရာ လက်ရှိပြည်တွင်း ငွေကြေးဈေးကွက်အတွင်း ကြိုက်ရောင်း၊ြ ကိုက်ဝယ်စနစ်ဖြင့် အရောင်းအဝယ်အေးလျက်ရှိပြီး မြန်မာနိုင်ငံတော်ဗဟိုဘဏ်အနေဖြင့်လည်း နိုင်ငံ ခြားငွေလဲလှယ်နှုန်း တည်ငြိမ်စေရေး ဆောင်ရွက်လျက်ရှိကြောင်း ထုတ်ပြန်ထား သည်။