ရန်ကုန်မြို့ရှိ   အိမ်ရာ  အငှားဈေးကွက်အနေဖြင့် လုံးချင်း ငှားရမ်းမှုနည်းပါးနေပြီး ကျပ်နှစ်သိန်းမှ ငါးသိန်းကြား ရှိ အိမ်ခန်းများ အငှားသွက်နေကြောင်း အိမ်ခြံမြေ  အကျိုး ဆောင်များထံမှ သိရသည်။ 
ရန်ကုန်မြို့သို့ ရွှေ့ပြောင်းအခြေချနေထိုင်သူများ ယခု နှစ်ပိုင်းအတွင်း ပိုမိုများပြားလာသဖြင့် အိမ်ခြံမြေအဝယ်ထက် ငှားရမ်းသည့်ဈေးကွက် ပိုမိုအလုပ်ဖြစ်နေခြင်း ဖြစ်ကြောင်း လည်း အိမ်ခြံမြေအကျိုးဆောင်များက ဆိုသည်။ 

ဘိလပ်မြေ
မော်လမြိုင်မြို့၌ ဖေဖော်ဝါရီလစတုထ္ထပတ် တွင် ဘိလပ်မြေဈေးကွက်မှာ အရောင်းအဝယ်ပုံမှန် ရှိနေပြီး ဈေးနှုန်းတည်ငြိမ်နေကြောင်း သိရှိရသည်။ ဈေးကွက်ထဲ အရောင်းအဝယ်ဖြစ်နေသော ဈေး မှာ ယခုတစ်ပတ်တွင် ကြံ့နှစ်ကောင် (အနီ) ကျပ် ၁၂၄၀ဝ၊  ကြံ့တံဆိပ်(အဖြူ)   ကျပ် ၁၀ဝ၀ဝ၊  ကြံ့ တံဆိပ် (အပြာ) ကျပ် ၁၀၈၀ဝ ဖြင့် အရောင်းအဝယ် ဖြစ်နေပြီး   မော်လမြိုင်မြို့၌ ဓာတ်မြေသြဇာနှင့် ပိုးသတ်ဆေးဈေးနှုန်းမှာ အရောင်းအဝယ်ပုံမှန်ရှိ နေကာ ဈေးနှုန်းတည်ငြိမ်နေကြောင်း သိရှိရသည်။ 
ဓာတ်မြေသြဇာ၊ ပိုးသတ်ဆေး

မြန်မာနိုင်ငံကထွက်ရှိသည့်    မျှစ်ခြောက် ထပ်တိုးတန်ဖိုးမြှင့်ထုတ်ကုန် (ဠေူကန ဗိနိ ဏမသ-ိကခအျ)များကိုပြည်ပနိုင်ငံအချို့က ဝယ်ယူရန် ကမ်း လှမ်းမှု   ပိုမိုများပြားလာကြောင်း   မြန်မာနိုင်ငံ ဝါးစိုက်ပျိုးရေးအသင်း၊   မျှစ်လုပ်ငန်းအစုအဖွဲ့မှ သိရသည်။
လက်ရှိတွင်    မြန်မာ့မျှစ်ခြောက်ကို   ဂျပန် နိုင်ငံက အများဆုံးဝယ်ယူနေခြင်းဖြစ်ပြီး  တရုတ်၊ ထိုင်းနှင့် တောင်ကိုရီးယားနိုင်ငံတို့ကလည်း မှာယူ လျက်ရှိကြောင်း အဆိုပါအသင်းဥက္ကဋ္ဌ   ဦးကျော် ဝင်းက ဖေဖော်ဝါရီ ၂ ရက်တွင် ပြောသည်။

ပြီးခဲ့သည့် ဇန်နဝါရီ ၁၄ ရက်မှ ၃၁ ရက်အထိ စာရင်းဝင်ကုမ္ပဏီများ၏ စတော့ရှယ်ယာ အရောင်းအဝယ်ဖြစ်မှု တန်ဖိုး ကျပ်သန်း ၂၃၀ ကျော်ရှိခဲ့ကြောင်း ရန်ကုန်စတော့အိပ်ချိန်း (YSX) မှ သိရသည်။ အဆိုပါ ကာလအတွင်း အရောင်း အဝယ်ဖြစ်မြောက်သည့် ရှယ်ယာအစောင်ရေ စုစုပေါင်း ၈၃၄၀ဝ စောင်ရှိပြီး တန်ဖိုး အားဖြင့် ကျပ် ၂၃၈ ဒသမ ၉၂ သန်းရှိခဲ့ခြင်းဖြစ်သည်။ ကုမ္ပဏီတစ်ခုချင်းစီ၏ အစု ရှယ်ယာ ရောင်းချနိုင်မှုအနေဖြင့် First Myanmar Investment (FMI) က အစုရှယ် ယာ ၆၆၅၀ စောင်ရောင်းချနိုင်ခဲ့ပြီး တန်ဖိုး ကျပ် ၅၇ ဒသမ ၈၄ သန်း၊ Myanmar Thilawa SEZ Holidings Public (MTSH) က အစုရှယ်ယာ ၄၂၃၀၇ စောင် ရောင်း ချနိုင်ခဲ့ပြီး တန်ဖိုး