စစ်ကိုင်းတိုင်းဒေသကြီး  ကန့်ဘလူခရိုင်  ကန့်ဘလူမြို့ နယ်သည် စိုက်ပျိုးရေးလုပ်ငန်းများကို အဓိက အသက်မွေး ဝမ်းကျောင်းအဖြစ် လုပ်ကိုင်ဆောင်ရွက်လျက်ရှိပြီး မွေးမြူ ရေးလုပ်ငန်းနှင့် လက်မှု လုပ်ငန်းများကိုလည်း လုပ်ကိုင် ဆောင်ရွက်လျက်ရှိသော ဒေသတစ်ခုဖြစ်သည်။ 
ကန့်ဘလူမြို့နယ်၏  လက်မှုလုပ်ငန်းများအနက်မှ ဝါးဖျာကြမ်းလုပ်ငန်းမှာ အခြားဒေသများသို့ တင်ပို့သည်အထိ ထုတ်လုပ်နေသော ဒေသထွက်ကုန်တစ်မျိုးဖြစ်သည်။ 

ဧရာဝတီတိုင်းဒေသကြီး  ပုသိမ်မြို့နယ် ချောင်းသာ၊ ငွေဆောင်၊ ပင်လယ်ကမ်းခြေဒေသများတွင် သဘာဝအလျောက် နေထိုင်ပြီး အများဆုံးတွေ့ရှိရသည့် ဇီဝစိုးငှက်လေးများကို ယခုအခါ လူနေရပ်ကွက်နှင့် ဝေးသောနေရာများတွင်   လူနေထိုင် ခြင်းမရှိဘဲ ငှက်ကလေးများအတွက် သီးသန့်အဆောက်အအုံ ဆောက်လုပ်ပြီး ငှက်တန်းများပြုလုပ်၍ မလေးရှားနည်းပညာ အသုံးပြုကာ ဇီဝစိုးငှက် အိမ်ပြုလုပ်၍  ငှက်သိုက်ထုတ်လုပ်ရောင်းချလျက်ရှိကြောင်း သိရသည်။

တနင်္သာရီတိုင်းဒေသကြီးသည် ကမ်းရိုးတန်းဒေသတစ်ခု ဖြစ်ပြီး ကမ်းရိုးတန်းအရှည်မှာ ၁၂၀ဝ ကီလိုမီတာ ရှည်လျား၍ ကျွန်းပေါင်း ၈၀ဝ ကျော်ဖြင့် မြစ်များ၊ချောင်းများ အလွန်များပြား သည့်အလျောက် ဒီရေရောက်တောများ၊ ရေချိုရေငန်စပ်ရေပြင် များ၊ ရေသယံဇာတများ ပေါများြွကယ်ဝသည့် တိုင်းတစ်တိုင်း ဖြစ်သည်။ ငါး၊ ပုစွန်၊ အအေးခန်းစက်ရုံများ၊ ငါးမှုန့်ကြိတ်စက်ရုံများ၊ ငါး၊ ပုစွန်၊ ကဏန်းပျော့   မွေးမြူထုတ်လုပ်ရေးလုပ်ငန်းများနှင့်  ကမ်းနီးကမ်းဝေးငါးဖမ်းလုပ်ငန်းများမှ ရေထွက်ပစ္စည်းများ ထုတ် လုပ်၍ ပြည်တွင်းစားသုံးရန်သာမက  နိုင်ငံတကာဈေးကွက်များသို့ တင်ပို့ ရောင်းချသည်အထိ ဆောင်ရွက်လျက်ရှိသည်။

ရိုးရာဝတ်စုံသည် နိုင်ငံတစ်နိုင်ငံ၊ လူမျိုးတစ်မျိုး သို့မဟုတ် ဒေသတစ်ခု၏ ယဉ်ကျေးမှုအမွေအနှစ်နှင့် အမှတ်တရကို ဖော်ညွှန်းသော အရာဖြစ်သည်။ ရိုးရာဝတ်စုံသည် ထိုနိုင်ငံ သို့မဟုတ် လူမျိုး၏ ရာဇဝင်၊  အနုပညာလက်ရာကို  ထင်အပ်ပြသခြင်း၊ ကိုယ်ပိုင်ယဉ်ကျေးမှု  အမှတ်အသားဖော်ပြခြင်း၊ မျိုးဆက် တစ်ခုမှတစ်ခုသို့ လက်ဆင့်ကမ်းလာသည့် ရိုးရာဓလေ့နှင့် ယုံကြည်မှုများကို ဆက်လက်ရှင်သန်စေရန် ကူညီပေးခြင်း၊ သမိုင်းနှင့် ယဉ်ကျေးမှုကို ထင်ဟပ်စေခြင်း စသည့် အချက်များကြောင့် အလွန်ပင်အရေးပါလှပါသည်။