ဆီစက်အကြီးများ တည်ဆောက်တပ်ဆင်ခြင်းအတွက် ငွေကျပ် သိန်းတစ်သောင်းအထိ ချေးငွေများ တိုးမြှင့်ထုတ် ချေးသွားမည်ဖြစ်ကြောင်း ဘဏ္ဍာရေးနှင့် အခွန်ဝန်ကြီးဌာန တာဝန်ရှိသူတစ်ဦးက ပြောကြားသည်။ 
နိုင်ငံတော်အတွင်း စားသုံးဆီကြိတ်ခွဲ ထုတ်လုပ်ရောင်း ချနေသော ဆီစက်များ အသစ်တည်ဆောက်ခြင်း၊ အဆင့်မြှင့် တင်ခြင်း၊ ကုန်ကြမ်းဝယ်ယူခြင်းများ အဆင်ပြေစွာဆောင်ရွက် နိုင်ရန် နိုင်ငံ့စီးပွားမြှင့်တင်ရေး ရန်ပုံငွေမှ ငွေကျပ် ဘီလီယံ ၅၀ မတည်ထူထောင်ပေးခဲ့ပြီး တစ်နှစ်လျှင် အတိုးနှုန်း ငါး ရာခိုင်နှုန်းဖြင့် ထုတ်ချေးလျက်ရှိကြောင်း  ဘဏ္ဍာရေး နှင့် အခွန်ဝန်ကြီးဌာနမှ သိရသည်။ 

ဘဏ္ဍာရေးနှင့် အခွန်ဝန်ကြီးဌာနလက်အောက်ရှိ မြန်မာ့စီးပွား ရေးဘဏ်မှ ဆန်စက်လုပ်ငန်းများ အပါအဝင် အသေးစား၊ အငယ်စားနှင့် အလတ်စား  စီးပွားရေးလုပ်ငန်းများ (MSME ) ဖွံ့ဖြိုးတိုးတက်စေရန် အတွက် ချေးငွေမူဝါဒနှင့် ကိုက်ညီမှုရှိသည့် လုပ်ငန်းရှင်များသို့ သက် သာသောအတိုးနှုန်းဖြင့်  ချေးငွေများ ထုတ်ချေးပေးလျက်ရှိကြောင်း မြန်မာ့စီးပွားရေးဘဏ် (မန္တလေးတိုင်းဒေသကြီးရုံး) မှ အသိပေးထုတ်ပြန် ထားသည်။

ထိုင်းနိုင်ငံနှင့် တရုတ်နိုင်ငံတို့သည် တတိယ နိုင်ငံ သစ်သီးဝလံ သယ်ယူပို့ဆောင်ရေးဆိုင်ရာ သဘောတူညီချက် Third Country Fruit Trans- port Protocol) ) အောက်တွင် ပို့ကုန်သွင်းကုန် စစ် ဆေးရေးဂိတ်အသစ် ငါးခု ဖွင့်လှစ်ရန် အရေးပါ သော သဘောတူညီမှု တစ်ရပ်ကို ရယူခဲ့ကြောင်း၊ စက်တင်ဘာ ၁ ရက်မှ စတင်အာဏာ သက်ရောက် မည့် အဆိုပါ  သဘောတူညီချက်သည် သယ်ယူ ပို့ဆောင်မှုစရိတ်များ  လျှော့ချနိုင်ရန်၊ လက်ရှိစစ် ဆေးရေးဂိတ်များတွင် ဝန်ထုပ်ဝန်ပိုး ဖြစ်နေမှုကို သက်သာစေရန်နှင့်    ထိုင်းသစ်သီးဝလံများကို တရုတ်နိုင်ငံ၏ ပြည်နယ်များသို့ မြန်မြန်ဆန်ဆန် ဖြန့်ဖြူးနိုင်ရန်  အထောက်အကူဖြစ်စေမည်ဖြစ် ကြောင်း သိရှိရသည်။

ယခုဘဏ္ဍာနှစ်တွင်  ပြည်တွင်းမှ ထုတ်လုပ်သော မြန်မာ့ရော်ဘာများကို  ပြည်ပသို့ တန်ချိန် ၃၈၀ဝ၀ဝ ခန့် တင်ပို့နိုင်ရန် လျာထားကြောင်း မြန်မာနိုင်ငံ  ရော်ဘာစိုက်ပျိုး ထုတ်လုပ်သူများအသင်းမှ သိရသည်။ 
နှစ်စဉ်  ပြည်တွင်းမှထုတ်လုပ်သော ရော်ဘာများ၏ ၆ ရာခိုင်နှုန်းခန့်ကို ပြည်တွင်း၌ အသုံးပြုပြီး ၉၄ ရာခိုင်နှုန်းခန့်ကို ပြည်ပသို့   တင်ပို့ရောင်းချလျက်ရှိကာ  တရုတ်နိုင်ငံသို့  ၇၅ ရာခိုင်နှုန်းနှင့်  ကျန် ၁၉ ရာခိုင်နှုန်းကို မလေးရှား၊ အင်ဒိုနီးရှား၊ ဂျပန်၊ အိန္ဒိယနှင့် ဗီယက်နမ် စသည့်နိုင်ငံများသို့  အဓိကထား တင်ပို့လျက်ရှိသည်။