Background
အိန္ဒိယနိုင်ငံ၌ ၂၀၂၀-၂၀၂၁ ဘဏ္ဍာနှစ်အတွက် ပဲစင်းငုံတန်ချိန် ၄ သိန်းအား ပြည်တွင်းရှိ ပဲခွဲစက်လုပ်ငန်းရှင်များသို့ ကိုတာခွဲဝေပေးမှုနှင့်အတူ ၁၅-၁၁-၂၀၂၀ နေ့ နောက်ဆုံးထား၍ အိန္ဒိယဆိပ်ကမ်းသို့အရောက် တင်သွင်းရမည်ဖြစ်ကြောင်းကို အိန္ဒိယ ကူးသန်းရောင်းဝယ်ရေးနှင့် စက်မှုဝန်ကြီးဌာနရှိ ပြည်ပကုန်သွယ်ရေးညွှန်ကြားမှုဦးစီးဌာန (DGFT) က ၁၃-၁၀-၂၀၂၀ နေ့တွင် ၎င်း၏ဒေသဆိုင်ရာ DGFT ရုံးခွဲများသို့ အကြောင်းကြားစာထုတ်ပြန်ခဲ့သည်။
စင်ကာပူနိုင်ငံသည် နိုင်ငံ၏ စွမ်းအင်လိုအပ်ချက်အပေါ် ထောက်ပံ့မှုအရင်းအမြစ်များ ပိုမိုရရှိစေရေးအတွက် ၂၀၂၁ ခုနှစ် အစောပိုင်းမှစ၍ မလေးရှားနိုင်ငံမှ လျှပ်စစ်ဓါတ်အား မဂ္ဂါဝပ် ၁၀၀ ကို တင်သွင်းသွားနိုင်ရန် ဆောင်ရွက်လျက်ရှိပြီး၊ ထိုသို့တင်သွင်းမှုကို (၂) နှစ် စမ်းသပ် ပြုလုပ်သွားမည်ဟု ကုန်သွယ်ရေးနှင့်စက်မှုဝန်ကြီးဌာန ဝန်ကြီး Mr Chan Chun Sing က ၂၆-၁၀-၂၀၂၀ ရက်နေ့တွင် ကျင်းပပြုလုပ်ခဲ့သည့် "Singapore International Energy Week" ဆွေးနွေးပွဲ၏ အဖွင့်မိန့်ခွန်းတွင် ထည့်သွင်းကြေညာပြောကြားခဲ့ကြောင်း သိရှိရပါသည်။
၂၀၂၀ ခုနှစ်၊ စက်တင်ဘာလအတွင်း စင်ကာပူနိုင်ငံ၏ ကုန်စည်ကုန်သွယ်မှုသည် ယခင်နှစ် အလားတူကာလနှင့်နှိုင်းယှဉ်ပါက ၁.၉ ရာခိုင်နှုန်း ကျဆင်းခဲ့ကြောင်း၊ ပို့ကုန်ပိုင်းတွင် ၂.၁ ရာခိုင်နှုန်း နှင့် သွင်းကုန်ပိုင်းတွင် ၁.၆ ရာခိုင်နှုန်း ကျဆင်းခဲ့ကြောင်း ကုန်သွယ်ရေးနှင့်စက်မှုဝန်ကြီးဌာနက သတင်းထုတ်ပြန်ချက်အရ သိရှိရပါသည်။
ဂျပန်နိုင်ငံတွင် အများဆုံး ၇၂ နာရီအထိ အချိန်တိုနေထိုင်ရန် ဝင်ရောက်လာသည့် ပြည်ပ စီးပွားရေးသမား ခရီးသွားများကို သီးခြားခွဲနေရန် အချိန်ကာလ ကန့်သတ်ချက်ကို ဖြေလျော့ ဖယ်ရှားရေး ဂျပန်အစိုးရက စဉ်းစားပြင်ဆင်နေကြောင်း သိရပါသည်။
ကိုရိုနာဗိုင်းရပ်စ် ကူးစက်ပြန့်ပွားမှုကို ကျယ်ကျယ်ပြန့်ပြန့် ထိန်းချုပ်ထားနိုင်သည့် နိုင်ငံနှင့် နယ်မြေများမှ ခရီးသွားများအပေါ် ယခုကဲ့သို့ ကင်းလွတ်ခွင့်ပြုခြင်းကို ကျင့်သုံးရန် ဂျပန်အစိုးရက စဉ်းစားနေခြင်း ဖြစ်ပါသည်။
ဂျပန်နိုင်ငံတွင် အိမ်သုံးလျှပ်စစ်ပစ္စည်းကြီးများ ရောင်းချရမှုသည် ဧပြီလမှ စက်တင်ဘာ လအတွင်း ဆက်လက် မြင့်မားနေကြောင်း သိရပါသည်။ အကြောင်းအရင်းမှာ ကိုရိုနာဗိုင်းရပ်စ် ကပ်ရောဂါဖြစ်ပွားနေသည့် ကာလအတောအတွင်း လူအများ အိမ်မှာနေကြသည့်အတွက် ယခုကဲ့ သို့ အိမ်သုံးလျှပ်စစ်ပစ္စည်းရောင်းအား မြင့်တက်လာခြင်းဖြစ်ပါသည်။
အမေရိကန် ဆေးကုမ္မဏီကြီး Pfizer က ဂျပန်နိုင်ငံတွင် ကိုရိုနာဗိုင်းရပ်စ် ကာကွယ်ဆေး၏ လက်တွေ့စမ်းသပ်မှုများကိုမကြာခင် စတင်ဆောင်ရွက်သွားမည်ဖြစ်ကြောင်း ပြောကြားခဲ့ပါသည်။
အဆိုပါ လက်တွေ့စမ်းသပ်မှုတွင် အသက် ၂၀ မှ ၈၅ နှစ်အကြား ဂျပန်နိုင်ငံသား ၁၆၀ ဦး ပါဝင်မည်ဖြစ်ကြောင်း Pfizer က အောက်တိုဘာလ ၂၀ ရက်နေ့က ကြေညာခဲ့ပါသည်။ အဆိုပါ လူပုဂ္ဂိုလ် ၁၆၀ ဦးကို သီတင်း ၃ပတ်ခြားကာ ကာကွယ်ဆေး ၂ ကြိမ် ထိုးကာ စမ်းသပ်မည် ဖြစ်ပြီး ကုမ္ပဏီက စမ်းသပ်မှုများကို ယခုအောက်တိုဘာလအတွင်းမှာပင် စတင်ရန် စီစဉ်ထားကြောင်း သိရပါသည်။
ဂျပန်ဝန်ကြီးချုပ် Mr. Suga Yoshihide သည် အနာဂတ်တွင် အင်ဒို-ပစိဖိတ် ဒေသတွင်း ငြိမ်းချမ်းရေးနှင့် သာယာဝပြောရေးကို တည်ဆောက်ရန်အတွက် အတူပူးပေါင်း ဆောင်ရွက်သွား ကြရန် ဗီယက်နမ်နှင့် အင်ဒိုနီးရှားမှ နိုင်ငံ့ခေါင်းဆောင်များနှင့် သဘောတူညီမှုရရှိခဲ့ကြောင်း ပြောကြားလိုက်ပါသည်။
အိန္ဒိယနိုင်ငံ အရှေ့မြောက်ဘက်ရှိ မီဇိုရမ်ပြည်နယ်နှင့် အာသံပြည်နယ်တို့ နယ်နိမိတ် ထိစပ်လျက်ရှိသော Vairengte နှင့် Lailapur ဒေသများတွင် နယ်မြေအငြင်းပွားမှုပြဿနာ အပေါ် အခြေပြု၍ ၁၇-၁၀-၂၀၂၀ နေ့၌ နှစ်ဘက်ဒေသခံလူမျိုးစုများ အပြန်အလှန် အကြမ်းဖက် ဖျက်ဆီး မှုများဖြစ်ပေါ်ရာမှ ပြည်နယ်နှစ်ခုအကြား ဆက်သွယ်ထားသည့် အဝေးပြေးလမ်းမကြီး ပိတ်ဆို့မှု ဖြစ်ပေါ်ခဲ့သည်။
ကိုရိုနာဗိုင်းရပ်စ်ကပ်ရောဂါအကျပ်အတည်း၏ ပထမလှိုင်းအတွင်း နယ်သာလန်နိုင်ငံ၏ စီးပွားရေးမှာ မကြုံစဖူးထိခိုက်မှုရှိခဲ့သော်လည်း အခြားသောဥရောပနိုင်ငံများထက် စီးပွားရေးပိုမို ကောင်းမွန်နေဆဲဖြစ်သည်ဟု နယ်သာလန်စာရင်းအင်းဌာနအရ သိရသည်။ နယ်သာလန်နိုင်ငံ အနေဖြင့် စီးပွားရေးကျဆင်းမှုတွင် အခြားဥရောပနိုင်ငံများထက် သာလွန်နေဆဲဖြစ်သည့် အကြောင်း ရင်းမှာ အခြားနိုင်ငံများကဲ့သို့ ပိုမိုတင်းကျပ်သော အသွားအလာကန့်သတ်မှု (lockdowns) များဖြင့် ဆောင်ရွက်ခြင်းမပြုဘဲ ငြင်သာသည့်ကန့်သတ်မှု (intelligent lockdown) ပုံစံဖြင့် စီးပွားရေးကဏ္ဍ များကို အခြားနိုင်ငံများထက် ပိုမိုဖွင့်လှစ်ခွင့်ပြုထားခြင်းကြောင့် ဖြစ်န
အီးယူမှ ဗြိတိန်ခွဲထွက်မှုသည် သဘောတူညီမှုမရရှိဘဲ Hard Brexit ဖြစ်ပေါ်ခဲ့ပါက ဘယ်လ် ဂျီယံနိုင်ငံ၏ နှစ်စဉ်ပို့ကုန်တင်ပို့မှုအပိုင်းတွင် ယူရို ၃ ဒသမ ၂ ဘီလီယံအထိ ဆုံးရှုံးနိုင်ဖွယ်ရှိသည်ဟု ဘယ်လ်ဂျီယံနိုင်ငံရှိ ချေးငွေအာမခံလုပ်ငန်း Euler Hermes ၏ ဆန်းစစ်မှုအရ သိရသည်။ ဥရောပ သမဂ္ဂနှင့်ဗြိတိန်နိုင်ငံတို့အကြား သတ်မှတ်ကာလကုန်ဆုံးချိန်နီးကပ်မှ သဘောတူညီမှုရရှိခဲ့လျှင် ဘယ်လ်ဂျီယံနိုင်ငံ၏ ပို့ကုန်ကဏ္ဍ၌ ဆုံးရှုံးမှုသည် ယူရို ၁ ဒသမ ၆ ဘီလီယံခန့် ရှိနိုင်မည်ဟု ဆိုသည်။ Hard Brexit ကြောင့် ထိခိုက်မှုအများဆုံးရှိနိုင်သည့် နိုင်ငံများမှာ ဂျာမနီ၊ နယ်သာလန်၊ ပြင်သစ်နှင့် ဘယ်လ်ဂျီယံ နိုင်ငံတို့ ဖြစ