အတွဲ(၁၅)အမှတ်(၁၇)
မြန်မာနိုင်ငံ၏ အကြီးမားဆုံးသော အိမ်ခြံမြေအရောင်းပြပွဲကို လာ မည့် မေလ ၁ရက်နေ့မှ ၃ရက်နေ့အထိ ရန်ကုန်မြို့ရှိ တပ်မတော်ခန်းမတွင် ကျင်းပမည်ဖြစ်ကြောင်း သိရသည်။
အဆိုပါပြပွဲတွင် တိုက်ခန်းနှင့် ကွန်ဒိုပေါင်းများစွာကို အထူးလျှော့ ဈေးနှုန်းများဖြင့် အရစ်ကျဝယ်ယူနိုင်မည့် အခွင့်အရေးများကို ပေးသွား မည်ဖြစ်ကြောင်း၊ မြို့ရွာနှင့်အိုးအိမ်ဖွံ့ဖြိုးရေးဘဏ်မှလည်း အိမ်ရာဆောက် လုပ်သူများအတွက် ချေးငွေများရယူနိုင်မည့် အစီအစဉ်များကိုလည်း သိရှိ နိုင်မည်ဖြစ်ကြောင်း ပြပွဲစီစဉ်သူ iMyanmar House မှ တာဝန်ရှိသူ တစ်ဦးက ပြောကြားခဲ့သည်။
ထို့ပြင် အဆိုပါပြပွဲတွင် အိမ်ခြံ မြေဆောက်လုပ်ရေး ကုမ္ပဏီပေါင်း ၄၀ ကျော် ဝင်ရောက်ပြသမည်ဖြစ်ကြောင်း သိရသည်။
ယင်းပြပွဲတွင် ပါမောက္ခဒေါက်တာအောင်ထွန်းသက် အပါအဝင် ပညာရှင်ပေါင်းများစွာက အိမ်ခြံမြေနှင့်ပတ်သက်သည့် သိကောင်းစရာများ ကို ဟောပြောဆွေးနွေးကြမည်ဖြစ်ကြောင်း သိရသည်။
ထို့ပြင်ပြပွဲသို့ လာရောက်သူများအား ှ Samsung နှင့် ံ Huawei ဖုန်း ၁၅ လုံးနှင့် သိန်း ၅၀ တန်ဖိုးရှိသည့် ဆုမဲပေါင်းများစွာကိုလည်း မဲ ဖောက်ပေးမည်ဖြစ်ကြောင်း သိရသည်။
ယင်းပြပွဲသို့ လာရောက်ကြည့်ရှုရန် အွန်လိုင်းမှ စာရင်းပေးသွင်းပါ ကလည်း အထူးလက်ဆောင်များ ပေးအပ်သွားရန် စီစဉ်ထားရှိကြောင်း iMyanmar House မှ ပြပွဲစီစဉ်သူတစ်ဦးက ပြောကြားခဲ့သည်။
မယ်သီတာ