မုံရွာဈေးကွက်မှာ ဒီတစ်ပတ်ပဲတီစိမ်းအနေနဲ့ ဈေးကွက်သို့ အ ဝင်လျော့သွားပေမယ့် တရုတ်အတွက်ဝယ်ယူနေတဲ့ မန္တလေးဝယ် လက်က အရည်အသွေးပေါ်မူတည်ပြီး ဈေးပေးအဝယ်ရှိတာကြောင့် ယခင်အပတ်နဲ့စာရင် ဈေးအနည်းငယ်မြင့်လာပြီး တစ်ပိဿာကို ၁၂၆၃ ကျပ်(တစ်တန်ကို ၇၇၃၄၄၈ ကျပ်)ဈေးနဲ့ တစ်ရက်ကို အိတ် ၈၀၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။ ပဲစင်းငုံနီအနေ နဲ့ အိတ်စပို့အဆွဲမရှိလို့ ရန်ကုန်ဝယ်လက်အနေနဲ့ အဝယ်တုံ့ဆိုင်း နေတာကြောင့် ဈေးတွေဆက်တိုက်ကျဆင်းလာတယ်လို့ မြို့ခံကုန် သည်တစ်ဦးကဆိုပါတယ်။ အရောင်းအဝယ်အနေနဲ့ တစ်ပိဿာကို ၈၆၀ ကျပ်(တစ်တန်ကို ၅၂၆၆၅၅ ကျပ်)ဈေးနဲ့ တစ်ရက်ကိုအိတ် ၃၀၀ ခန့်သာဖြစ်ခဲ့ကြောင်း သိရပါတယ်။ ကုလားပဲဖြူလုံးကြီးနဲ့ ကု လားပဲ(ထိုင်ဝမ်)ကို အိတ်စပို့အဆွဲအေးသလို ဒေသတွင်းပဲခွဲစက်သ မားတွေလည်း သူတို့ရဲ့ စက်လည်ပတ်မှုပမာဏလောက်သာ အဝယ် ရှိလို့ ယခင်အပတ်နဲ့စာရင် ဈေးတန့်နေသလို အရောင်းအဝယ်ဖြစ်မှု ပမာဏတွေလည်း ကျဆင်းခဲ့တယ်လို့ ပွဲရုံရပ်ကွက်ကဆိုပါတယ်။ အရောင်းအဝယ်ဖြစ်မှုက ကုလားပဲဖြူလုံးကြီးတစ်ပိဿာ ၈၇၄ ကျပ် (တစ်တန်ကို ၅၃၅၂၂၈ ကျပ်)ကုလားပဲ(ထိုင်ဝမ်)တစ်ပိဿာ ၈၆၈ ကျပ်(တစ်တန်ကို ၅၃၁၅၅၄ ကျပ်)ဈေးနဲ့ နှစ်မျိုးပေါင်း တစ်ရက်ကို အိတ် ၄၀၀ ခန့်သာဖြစ်ခဲ့ကြောင်း သိရပါတယ်။
Background