အဝင်လှိုင်ပေမဲ့ မန်းအဆွဲရှိလို့ ပဲတီဈေးမာနေ မုံရွာကုန်စည်ဒိုင် ဒီဇင်ဘာလ ဒုတိယပတ် ပဲတီစိမ်း ဈေးကွက်အနေနဲ့ နယ်စုံ ပဲသစ်တွေ လှိုင်လှိုင်ဝင်ခဲ့ပြီး ဒေသတွင်း ပဲခွဲစက်နဲ့ နယ်ဝယ်လက် သွက်ခဲ့လို့ အရောင်းအဝယ်နေ့စဉ် ကောင်းမွန်နေတယ်လို့ သိရပါတယ်။ မုံရွာဝန်းကျင်ဒေသများက သာမက ကလေး၊ ဂန့်ဂေါ၊ ယော၊ ဆောနယ်ဘက်က ပဲသစ်တွေ ဈေးကွက်ထဲ စီးဝင်လာလျက်ရှိပြီး ဒီရက်ပတ်အတွင်း မုံရွာကုန်စည်ဒိုင်မှာ တစ်ရက်တင်း ၅ဝဝ ဝန်းကျင် နေ့စဉ်အရောင်း အဝယ်ဖြစ်ခဲ့တယ်လို့ ဆိုပါတယ်။ ပဲသစ်အရည်အသွေး အသင့်အတင့်ကောင်းမွန်ပြီး ပဲတီစိမ်းကြီးတစ်တင်း ၂၄၅ဝဝ ကျပ်မှ ၂၅ဝဝဝ ကျပ်၊ စိမ်းသေးတစ်တင်း ၂ဝ၅ဝဝ ကျပ်ဈေး အသီးသီးမာနေကာ ယခုရက်ပတ်အတွင်း မုံရွာ ကုန်စည်ဒိုင်ကနေ မန္တလေးကို တင်း ၂၅ဝဝ ခန့် စီးထွက်ခဲ့တယ်လို့ ဈေးကွက်က ဆိုပါတယ်။ ထွန်းလှိုင်
Background