ရန်ကုန်မြို့ ရွှေဈေးကွက် ဈေးငြိမ်နေ

 ရန်ကုန်မြို့ ရွှေဈေးကွက် ဈေးငြိမ်နေ           ရန်ကုန်မြို့ ရွှေဈေးကွက်အတွင်း အရောင်းအဝယ် အေးနေသောကြောင့် ရွှေဈေးနှုန်းမှာ အတက်အကျသိပ်မရှိပဲ ဈေးငြိမ်နေကြောင်း ရွှေလုပ်ငန်းလုပ်ကိုင် သူတစ်ဦးက ပြောကြားသည်။           ''အခုဈေးကွက်ထဲမှာက ကမ္ဘာ့ရွှေဈေးပဲ အတက်အကျပြောင်းနေတယ်။ ပြည်တွင်းဈေးကွက်ကတော့ ဈေးငြိမ် တယ်လို့ပြောလို့ရတယ်။ရွှေဈေးက တစ်ကျပ်သားကို ကျပ်တစ်သောင်းကျော် အပြောင်းအလဲရှိမှ ဈေးကွက်လှုပ်ရှား တယ်လို့ ပြောလို့ရတယ်။ ကမ္ဘာ့ဈေးက တော့ အမျိုးမျိုးကို ပြောင်းနေတယ်။ တချို့က ကမ္ဘာ့ဈေးတက်ရင် ပြည်တွင်း ဈေးပါလိုက်တက်မယ်လို့ ထင်ကြတယ်။ နိုင်ငံခြားငွေဈေးနှုန်းတွေက ကျနေ တော့ ပြည်တွင်းဈေးက လိုက်တက်လို့ မရဘူး။ ဒါကြောင့် ဈေးငြိမ်နေတာ၊ နောက်တစ်ချက်က အရောင်းအဝယ် ကလည်းသိပ်မရှိဘူး။ ရွှေဆိုတာကငွေပို ငွေလံျှရှိမှ စုဆောင်းကြတာ၊ မရှိမဖြစ် လိုအပ်တဲ့ပစ္စည်းလို မဟုတ်ဘူး'' ဟု ၎င်း က ပြောကြားသည်။          ရွှေဈေးကွက်အတွင်း ကမ္ဘာ့ရွှေဈေး နှုန်းမှာ ယခင်တစ်ပတ်က တစ်အောင် စလျှင် အမေရိကန်ဒေါ်လာ ၁၃၃၈ အ ထိကျဆင်းခဲ့သော်လည်း ယခုတစ်ပတ် တွင်မူ အမေရိကန်ဒေါ်လာ ၁၃၉ဝ အ ထိ ပြန်လည်မြင့်တက်လာကြောင်းနှင့် ပြည်တွင်းရွှေဈေးနှုန်းမှာမူ အခေါက်ရွှေ တစ်ကျပ်သားလျှင် ၆၆၃ဝဝဝ ကျပ်ဖြင့် ဈေးငြိမ်နေကြောင်းသိရသည။် မင်းသန်