ပဲတီစိမ်းတင်ပို့မှု အနည်းငယ်တိုး ယခုတစ်ပတ် သြဂုတ်လ ၁၄ ရက်မှ ၂ဝ ရက်အထိ တစ်ပတ်အတွင်း ပဲတီစိမ်း ပြည်ပတင်ပို့မှု တန်ချိန် ၃၆ဝဝ ခန့်ရှိလို့ ယခင်သီတင်းပတ်တင်ပို့ခဲ့တဲ့ တန်ချိန် ၃၃ဝဝ ထက် အနည်းငယ်ပိုလာပါတယ်။ ဒါပေမယ့် ဇူလိုင်လ နောက်ဆုံးပတ် တင်ပို့ခဲ့တဲ့ တန်ချိန် ၄ဝဝဝ ကျော်ထက်တော့ လျော့ကျနေသေးတာတွေ့ရပါတယ်။ လက်ရှိဘဏ္ဍာနှစ် သြဂုတ် ၁၉ ရက်အထိ တင်ပို့ပြီးစီးမှုကို လေ့လာကြည့်ရင် ပဲတီစိမ်းတန်ချိန် ၃သိန်းကျော်ပြီဖြစ်ပြီး၊ ယခင်ဘဏ္ဍာနှစ်ကာလတူမှာ တန်ချိန် ၂ သိန်းနီးပါးရှိလို့ ယခုနှစ်မှာ တန်ချိန် ၁ သိန်းကျော် ပိုတင်ပြီးတာ တွေ့ရပါတယ်။ လက်ရှိဈေးကွက်တွေမှာ ပဲတီစိမ်း အရောင်းအဝယ်ဖြစ်မှုအရ လာမယ့်သီတင်းပတ်မှာလည်း ပုံမှန်တင်ပို့နိုင်မယ်လို့ ခန့်မှန်း ထားပါတယ်။ MIRT - MAPT
Background