ရန်ကုန် FOB ကုလားပဲဖြူလုံးကြီး တန် ၃ဝဝဝ ခန့် အရောင်းအဝယ်ဖြစ် ရန်ကုန်တိုင်းဒေသကြီး ဘုရင့်နောင်ကုန်စည်ဒိုင်ရဲ့ FOB ဈေးကွက်မှာ ယခု တစ်ပတ် သြဂုတ် ၁၉ ရက်မှ ၂၅ ရက်အထိ တစ်ပတ်အတွင်း တန် ၃ဝဝဝ ခန့် ပြည်ပအရောင်းအဝယ်စာချုပ်နိုင်တာတွေ့ရပါတယ်။ အိန္ဒိယ၊ ပါကစ္စတန် ဝယ်လို အား အကောင်းဆုံးပဲဖြစ်ပါတယ်။ သြဂုတ်လအတွင်း ၂၅ ရက်နေ့အထိ အရောင်း အဝယ်ဖြစ်မှုမှာ တန်ချိန် ၁၂ဝဝဝ ကျော်ပြီလို့ သိရပါတယ်။ ပြည်ပဝယ်လိုအားရှိတဲ့ ပဲမို့ အခြားပဲဈေးတွေအေးနေပေမယ့် ကုလားပဲဖြူလုံးကြီး ဈေးကတော့ ဆက်လက် ခိုင်မာနေပါတယ်။ ယခင်သီတင်းပတ် သြဂုတ်လ ၁၈ ရက်က ကုလားပဲဖြူလုံးကြီး FAQ တစ်တန်ကို ကန်ဒေါ်လာ ၉၈ဝ-၁ဝဝဝ ရှိခဲ့ရာမှ သြဂုတ် ၂၆ ရက်မှာ ကန်ဒေါ်လာ ၁ဝ၂ဝ-၁ဝ၄ဝ ကို တိုးလာပါတယ်။ MIRT - MAPT
Background