ယခုအပတ် ချင်းရွှေဟော်မှလည်း ပရဆေးကုန်ကြမ်းအပို့ရှိ သြဂုတ် ၁၇ ရက်မှ သြဂုတ် ၂၃ ရက်ထိကာလအတွင်းမှာ မြန်မာ-တရုတ် နယ်စပ်ရှိ ချင်းရွှေဟော် နယ်စပ်ကုန်သွယ်ရေးစခန်းမှ ကျပ် ၃ သန်းကျော် တန်ဖိုးရှိ ပရဆေးကုန်ကြမ်းများဖြစ်တဲ့ ဒရင်ကောက်မြစ် ၁၅ တန်နဲ့ တောဂျင်း ၁ဝ တန်အပို့ရှိခဲ့တယ်လို့ သိရပါတယ်။ မူဆယ်နယ်စပ်မှ ပရဆေးတင်ပို့မှုဟာ ယခင် အပတ်ကဲ့သို့ တန် ၃၂ဝ ကျော်အပို့ရှိခဲ့ပါတယ်။ ယခင်အပတ်က တင်ပို့ခြင်းမရှိတဲ့ အုံတုံခေါက်၊ နနွင်းခေါင်း၊ ကျောက်ဂျင်း၊ တောင်လုံးကျော်၊ နေလဲစေ့နဲ့ ရွေးရွက် များကို ယခုအပတ်မှာတင်ပို့မှုရှိပြီး ဒရင်ကောက်မြစ်၊နနွင်းတက် (ရှမ်းစ)၊ မာလာဥ ခေါင်းများကို ယခင်အပတ်ကထက် ပိုမိုတင်ပို့နိုင်ခဲ့ပါတယ်။ မာလာဥ၊ ကွမ်းစား ဂမုန်း၊ စကားပန်းပွင့်ခြောက်၊ မိကျောင်းကွမ်းဖတ်စေ့၊ ကြောင်ပန်းစေ့နဲ့ တောချင်း များတော့ ယခင်အပတ်ကထက် တင်ပို့မှုလျော့နည်းခဲ့တယ်လို့ သိရပါတယ်။ တမူးနယ်စပ်မှ ယခုအပတ်မှာ တောင်လုံးကျော် ၂ တန်ခွဲနဲ့ မင်သော် တန်ဝက်ခန့် တန်ဖိုးအားဖြင့် ကန်ဒေါ်လာ သုည ဒသမ ဝ၁၁ သန်းဖိုး အသွင်းရှိခဲ့ပါ တယ်။ ယခင်အပတ်ကတော့ ဖာလာ၊ ဇာတိပ္ဖိုလ်သီး၊ မင်သော်နဲ့ ရှိန်းခိုစသဖြင့် အမယ် ၄ မယ်ခန့် အသွင်းရှိခဲ့တာ ဖြစ်ပါတယ်။ MIRT(DOBT)
Background