မန်းစိန်ဈေးကွက် အရောင်းပါးပြန်သွင်းသူများ မန္တလေးစိန်ဈေးကွက်မှာ ဝါတွင်းကာလအရောင်းပါးပြီး ပြန်သွင်းသူများ လျက်ရှိကြောင်း သိရပါတယ်။ Mandalay Gems Centerမှ စိန်ကုန်သည်တစ်ဦးက ''ဈေးကွက်မှာ အရောင်းအဝယ်ပါးနေတာ နှစ်လလောက်ရှိပြီ။ ခုချိန်က ဝါတွင်းကာလဆိုတော့ ပိုပြီးပါးတယ်။ မြို့ပေါ်ရော၊ နယ်ဝယ်လက်ပါ အဝယ်နည်းနေတာ။ ခါတိုင်းနှစ်တွေ ဆို သီတင်းကျွတ် မင်္ဂလာရာသီအတွက် ဝါတွင်းကာလမှာ အော်ဒါမှာကြတာ။ ဖောက်သည်တွေလည်း ငြိမ်နေတယ်။ အရောင်းဆိုင်တွေကလည်း ဝယ်တဲ့သူပါး တော့ ကုန်သည်လည်း အလုပ်မဖြစ်ဘူး။ စိန်ဈေးနှုန်းကလည်းတက်၊ ရွှေဈေးကလည်း တက်နေတဲ့အတွက် ပြန်လာသွင်းတဲ့သူများနေတာ၊ စိန်ဈေးနှုန်းကတော့ သြင်္ကန်ပြီးကတည်းက တက်ခဲ့တဲ့ဈေးနဲ့ ငြိမ်နေတယ်။ ပုလဲဈေးလည်း ခါတိုင်းထက် ဈေးတက်လို့ ပြန်လာသွင်းတဲ့သူ များနေတယ်။ သီတင်းကျွတ်ကာလ အရောင်း အဝယ် ပြန်ကောင်းနိုင်မယ်လို့တော့ ခန့်မှန်းတယ်'' လို့ ပြောပါတယ်။ ကျောက်မျက်ရတနာ အရောင်းဆိုင်များမှ စိန်ထည်ပြန်သွင်းပါက ၁ဝ ရာခိုင်နှုန်းလျော့၍ ပြန်လည်ဝယ်ယူမှုရှိကြောင်း၊ စိန်ပါးအသန့်ကောင်းပါက တက်ဈေး ပေါ်မူတည်၍တွက်ပြီး ၁ဝ ရာခိုင်နှုန်းအလျော့ဖြင့် ပြန်လည်ဝယ်ယူပေးကြောင်း၊ ယခုရက်ပိုင်းတွင် ၃ သိန်းမှ ၅ သိန်းကြား တန်ဖိုးရှိ စိန်ထည်များ ပြန်သွင်းသူများ ကြောင့် သိရပါတယ်။ စိန်ဈေးနှုန်းမှ ၄ဝ လုံးစီ အသန့်ကျပ် ၆ ဒသမ ၅ သိန်း၊ ၃ဝ လုံးစီး အသန့် ကျပ် ၇ ဒသမ ၃ သိန်း၊ ၁ဝ လုံးစီး အသန့်ကျပ် ၁ဝ သိန်း အထက်ဖြစ်ပြီး အသန့်တွင်လည်း အရောင်အရည်အသွေးပေါ်မူတည်၍ ဈေးနှုန်း ကွာခြားမှုရှိကြောင်း သိရပါတယ်။ ဇူူးဇူူး
Background