ယခုအပတ် နယ်စပ်မှ အေးခဲကွဲျသားအပို့ရှိ မြန်မာ-တရုတ်နယ်စပ်ရှိ မူဆယ်မှ ကန်ဒေါ်လာသုည ဒသမ ၉၄၇ဝ သန်း တန်ဖိုးရှိ အေးခဲကွဲျသား ၃၃၈ တန်ကျော်အပို့ရှိခဲ့ပါတယ်။ သြဂုတ် ၂၄ မှ ၃ဝ ရက်ထိကာလအတွင်း မူဆယ်နဲ့ ချင်းရွှေဟော် နယ်စပ်စခန်းများမှ ကန် ဒေါ်လာ သုည ဒသမ ၃၉ဝ သန်းတန်ဖိုးရှိ အေးခဲအမဲသား ၁၂၄ တန်ကျော် အပို့ ရှိခဲ့ပါတယ်။ ကွဲျနွားသားရေဆားနယ်အစို ၃၉ တန်ခန့် တန်ဖိုးအားဖြင့် ကန် ဒေါ်လာသုည ဒသမ ဝ၈၈ သန်းဖိုးလည်း အပို့ရှိခဲ့ပါတယ်။ ကွဲျသားကို သြဂုတ်လ အတွင်း ယခုအပတ်မှာသာ အပို့ရှိခဲ့တာလို့သိရပါတယ်။ အေးခဲအမဲသားတင်ပို့မှုက ယခင်အပတ်ကထက် တန် ၁ဝဝ ကျော်လျော့နည်းခဲ့သော်လည်း ကွဲျနွားသားရေဆားနယ်အစို တင်ပို့မှုကတော့ ၇၄ တန်ပိုမိုခဲ့တယ်လို့ သိရပါတယ်။ သြဂုတ်လ တစ်လလုံး တိရစ္ဆာန်နဲ့ တိရစ္ဆာန်ထွက်ပစ္စည်း တင်ပို့မှုကိုကြည့်လျင် ကွဲျသား ၃၃၈ တန်၊ အေးခဲအမဲသား ၆၃၉ တန်၊ အသီးသီးဖြစ်ပါတယ်။ သြဂုတ်လ ၂၄ ရက် ကစပြီး ကုန်သွယ်လုပ်ငန်းခွန် ကင်းလွတ်ခွင့်ပြုလိုက်တဲ့ ပို့ကုန်အမျိုးအစား ခုနှစ်မျိုးမှာ တိရစ္ဆာန်နဲ့ တိရစ္ဆာန်ထွက်ပစ္စည်း (ကန့်သတ်ကုန် ပစ္စည်းများမှအပ) ပါဝင်တဲ့အတွက် ယခုအပတ်မှာ ကွဲျနွားသားရေစို တင်ပို့မှုမှာ ပိုမိုသလို ကွဲျသား များလည်း အပို့ရှိလာတာတွေ့ရပါတယ်။MIRT(DOBT)
Background