ယခင်အပတ်ကထက် ပရဆေး တန် ၂၆ဝ ကျော် နယ်စပ်မှ ပိုမိုတင်ပို့နိုင် သြဂုတ်လ ၂၄ ရက်မှ ၃ဝ ရက်ထိကာလအတွင်းမှာ မြန်မာ-တရုတ်နယ်စပ်ရှိ မူဆယ် ၁ဝ၅ မိုင် ကုန်သွယ်ရေးဇုန်မှ ကန်ဒေါ်လာ သုည ဒသမ ၈၈၉ သန်း ကျော်တန်ဖိုးရှိ ပရဆေးကုန်ကြမ်း ၆၁ဝ တန်ခန့်အပို့ရှိခဲ့ပါတယ်။ ယခင်အပတ်က ထက် တန် ၂၆ဝ ကျော် ပိုမိုတင်ပို့နိုင်ခဲ့ပါတယ်။ ယခုအပတ်မှာ ချင်းရွှေဟော် နယ်စပ်မှအပို့မရှိခဲ့ဘူးလို့သိရပါတယ်။ ယခုအပတ်မှာ ပိုမိုတင်ပို့ခဲ့တဲ့ ပရဆေး ကုန်ကြမ်းတွေကတော့ မိကျောင်းကွမ်းဖတ်စေ့၊ နနွင်းတက် (ရှမ်းစ)၊ နေလဲစေ့၊ မာလာဥ၊ ကြောင်ပန်းစေ့၊ ကွမ်းစားဂမုန်း၊ နနွင်းခေါင်း၊ စကားပန်းပွင့်ခြောက်နဲ့ ကျောက်ချင်း တို့ဖြစ်ပြီး အုံတုံခေါက်၊ ဒရင်ကောက်မြစ်၊ ရွေးရွက်နဲ့ တောချင်းတို့ တင်ပို့မှုကတော့ လျော့နည်းခဲ့ပါတယ်။ တမူးနယ်စပ်မှ ယခုအပတ်မှာ ကန်ဒေါ်လာ ဝ ဒသမ ဝဝ၃၂ သန်းဖိုး တောင်လုံးကျော် ၁ တန်နဲ့ ကျောက်ချဉ် ၈ တန်အသွင်း ရှိခဲ့ပါတယ်။ ယခင်အပတ်က တောင်လုံးကျော်နဲ့ မင်သော်အသွင်းရှိခဲ့တာ ဖြစ်ပါတယ်။ MIRT(DOBT)
Background