ဈေးကွက်သာခိုက် ရောင်းအားလိုအပ်တဲ့ စိမ်းကြီး အရည်အသွေးမညီလို့ ဈေးအနိမ့်အမြင့် ကွဲပြားလွန်းတဲ့ မုံရွာစိမ်းကြီး ဈေးကွက်မှာ စက်တင်ဘာ ၁၅ ရက်ပတ်အတွင်း တစ်တင်း ၁၇၀၀၀ ကျပ်မှ ၁၉၅၀၀ ကျပ်ထိ အမြင့်ဈေးနဲ့ အရောင်းအဝယ်သွက်လာခဲ့တာ တွေ့ရပါ တယ်။ မုံရွာစိမ်းကြီး ဈေးကွက်ထဲကို ဒေသတွင်း ချောင်းဦး၊ ယင်းမာပင်နယ်တွေက အလှည့်ကျပေါ်နေ ဝင်နေသလို ယော၊ ကျောနဲ့ ဂန့်ဂေါနယ် ဘက်ကလည်း ၁၂ ရာသီမပြတ်ဝင်လျက်ရှိလို့ ဈေးကွက်ပုံမှန် လည်ပတ်နေခြင်းဖြစ်ကြောင်း သိရပါတယ်။ ဝယ်လက်အားဖြင့် တရုတ်အတွက် မန်းဝယ်လက်ကများခဲ့ပြီး ရန်ကုန်ဘက် အနည်းငယ်အဆွဲရှိခဲ့ပါတယ်။ စက်တင်ဘာ ၁၅ ရက်ပတ်အတွင်း အရောင်းအဝယ်အားဖြင့် တစ်ရက်တင်း ၅၀၀ မှ ၁၀၀၀ အတွင်း ရှိခဲ့တယ်လို့ ဈေးကွက်က ဆိုပါတယ်။ ယခုလ ၁၅ ရက်ပတ်အတွင်း မုံရွာကုန်စည်ဒိုင်နယ်မြေကနေ မန္တလေးကို တင်း ၈၅၀၀ ခန့်နဲ့ ရန်ကုန်ကို တင်း ၁၀၀၀ ခန့်စီး ထွက်သွားခဲ့တယ်လို့ သိရပါတယ်။ ထွန်းလှိုင်
Background