ကားဈေးနှုန်းများ ကျဆင်းကာ အရောင်းများ အဝယ် နည်းလာသော်လည်း ကားပါမစ်များ အရောင်းအဝယ်ဖြစ်နေ

ကားဈေးနှုန်းများ ကျဆင်းကာ အရောင်းများ အဝယ် နည်းလာသော်လည်း ကားပါမစ်များ အရောင်းအဝယ်ဖြစ်နေ                         စက်တင်ဘာလ တတိယပတ်ခန့်မှစတင်ခဲ့သော မော်တော်ယာဉ် မှတ်ပုံတင် သက်တမ်းလွန် ယာဉ်အိုယာဉ်ဟောင်းများ အဆင့်ဆင့်ဖျက်သိမ်းကာ ပြည်ပမှယာဉ် သစ်များ သတ်မှတ်စည်းကမ်းနှင့်အညီ တင်သွင်းမည့်အစီအစဉ်သည် စက်တင်ဘာ နောက်ဆုံးပတ်တွင် အတော်ပင် ခရီးရောက်လာပြီဖြစ်ပြီး အထူးသဖြင့် ရန်ကုန်နှင့် မန္တလေးမြို့များရှိ မော်တော်ယာဉ်ဈေးကွက်များအတွင်း ပါမစ်ရောင်းဝယ်ဖောက် ကားမှုများ တစ်ပတ်ထက်တစ်ပတ် ဈေးနှုန်းနှင့်အတူ မြင့်တက်လာခဲ့သည်။ ပထမဆင့်အနေဖြင့် နှစ် ၄၀ နှင့် နှစ် ၄၀ အထက် သက်တမ်းလွန်ဖြစ်သည့် စ၊ ဆ၊ ဇ အက္ခရာပေါက် ယာဉ်ဟောင်းများအား အောက်တိုဘာလကုန်အထိ ပယ်ဖျက်ကာလသတ်မှတ်ကာ ဆောင်ရွက်ပေးနေမှုကြောင့် ပြီးခဲ့သည့်အပတ်က ကားဈေးကွက်ထဲတွင် ဂျစ်ကား၊ လေးဘီး၊ ဖယ်မလီယာ၊ ဆီဒင်၊ ဖိုဒ့်ကားများအား တစ်ဆင့်ဝယ်ယူသူများက ဦးစားပေးဝယ်ယူကြကာ ဈေးတန်းများမှလည်း ကြေညာ ချက်ထွက်ပြီးနောက်ပိုင်း ဈေးထက်ဝက်ခန့်မြင့်ကာ လေးဘီး ကျပ်သိန်း ၈၀၊ ၉၀ ခန့်၊ ဆလွန်းများမှာ ကျပ်သိန်း ၁၀၀၊ ၁၁၀ ခန့် ဈေးဖြစ်ပေါ်ခဲ့ကြောင်း သိရ သည်။စီမံချက်စသည့် ပထမပတ်အတွင်း ကညန (ကုန်လမ်းပို့ဆောင်ရေးညွှန်ကြားမှု ဦးစီးဌာန) သို့ သတင်းပို့သည့် ကားစီးရေ အများဆုံးဖြစ်ခဲ့ပြီး သတ်မှတ်စည်းကမ်း ညီညွတ်ကားများ ဆက်တိုက်ပင်ပါမစ်ရရှိလာသဖြင့် ဈေးကွက်တွင်းသို့ ပါမစ် တစ် စောင် ကျပ်သိန်း ၈၀ ဖြင့်စခဲ့ရာမှ ဒီဘက်ကာလတွင် ကျပ် ၁၂၅ သိန်း၊ ၁၃၀ ထိ ဈေးပေါက်လာကြောင်း သိရသည်။                         မြို့တွင်းပွဲစားတန်းများရှိ ကာဈေးကွက်အခြေအနေမှာ မကြုံစဖူးဈေးများကျ ဆင်းကာ ပြီးခဲ့သည့်အပတ်က အဝယ်ရှိသော်လည်း ယခုအဝယ်နည်းသွား ကြောင်း၊ ယခုကာလမှာ ကောလာဟလများကြောင့် ရောင်းမည့်ကားများလာပြီး ဝယ်လက် နည်းသွားကြောင်း၊ အရောင်းအဝယ်ဖြစ်ပါက ကြိုက်ရောင်းကြိုက်ဝယ်သာဖြစ် ကြောင်း၊ လတ်တလော အရောင်းအဝယ်ရှိသည်မှာ ကားပါမစ်စာရွက်စာတမ်းများ နှင့် ဒုတိယအဆင့် စီမံချက်ဝင်ယာဉ်ဟောင်းများသာဖြစ်ကြောင်း အပေါ်ဝိုင်းမှ ဝါရင့်ယာဉ်အကျိုးဆောင်တစ်ဦးက ပြောသည်။ SN