မန္တလေးတိုင်းဒေသကြီး၊ ရမည်းသင်းမြို့နယ် မိုးထိ၊ မိုးမိနဲ့ ထုံးကြီးတောင် ဒေသတွင် ရွှေတူးဖော်တဲ့ အကြီးစားလုပ်ကွက်ကို အမျိုးသားကြီးပွားတိုးတက်ရေး ကုမ္ပဏီမှ လုပ်ကိုင်ခွင့်ရရှိခဲ့ကြောင်း သိရပါတယ်။ မိုးထိ၊ မိုးမိနဲ့ ထုံးကြီးတောင်ဒေသ ရွှေလုပ်ကွက်လုပ်ကိုင်ခွင့်ကို ၆၁၀၅ ဧက အတွက် အမျိုးသားကြီးပွားတိုးတက်ရေး ကုမ္ပဏီ မှရရှိခဲ့ကြောင်း၊ လုပ်ကိုင်ခွင့် သက်တမ်းမှာ ၅ နှစ်တူးဖော်ခွင့်ရရှိခဲ့ရာ ၂၀၁၁ ခုနှစ် သြဂုတ်လမှစ၍ တင်ဒါရရှိခဲ့ခြင်း ကြောင့် ၂၀၁၆ ခုနှစ်အထိ တူးဖော်ခွင့်ရရှိခဲ့ခြင်းဖြစ်ကြောင်း၊ ရွှေတူးဖော်လုပ်ကိုင် ခွင့်အတွက် ရွှေတန်ချိန် ၅ ဒသမ ၅၇၇ တန်ကို ပြန်လည်ပေးသွင်းရမှာဖြစ်ကြောင်း၊ အမျိုးသားကြီးပွားတိုးတက်ရေးကုမ္ပဏီမှ တာဝန်ရှိသူတစ်ဦးက ပြောပါတယ်။ မိုးထိ၊ မိုးမိနဲ့ ထုံးကြီးတောင်ဒေသတွင် ရွှေတူးဖော်ရေး အသေးစားကုမ္ပဏီ ၃၉ ခုရှိပြီး လုပ်ကွက် ၅၆ ခုရှိရာ ယခုချပေးထားတဲ့လုပ်ကွက်မှာ အကြီးစားလုပ်ကွက် ဖြစ်ပြီး လုပ်ကွက် ၃ ခုချထားပေးကာ လုပ်ကွက်စုစုပေါင်း ၅၉ ခုမြောက် လုပ် ကွက်ဖြစ်ကြောင်း သိရပါတယ်။ ဇူးဇူး
Background