မတ်ပဲ(ကုန်ကြမ်း) ကို မတ်ပဲသန့်စင်ရန် ဝယ်ယူနေတဲ့ ကုန်သည်များနဲ့ ဝယ်ရောင်းကုန်သည်ကြီးများက ရန်ကုန်ဈေး ကွက်မှာ နေ့စဉ်ဖြစ်ပေါ်နေတဲ့ ပို့ကုန်ဝင်ငွေ တစ်ယူနစ်တန်ဖိုး အခြေအနေရယ်၊ အိန္ဒိယဈေးကွက်ရဲ့ ဝယ်လိုအား အခြေအနေ ရယ်အပေါ်မူတည်ပြီး တွက်ချက်ဝယ်ယူမှုတွေ ရှိတာကြောင့် ဘုရင့်နောင်၊ မုံရွာ၊ ပြည်၊ ဟင်္သာတနဲ့ မန္တလေးမှာ ဈေးကျနေ ကြောင်း သိရပါတယ်။ ပဲတီစိမ်း(အညာ)ကို အိတ်စပို့ဝယ်လက်တွေက ပဲထွက် ရှိတဲ့ဒေသရဲ့ အရည်အသွေးအပေါ်မူတည်ပြီး စိစစ်ဝယ်ယူမှုတွေ ရှိတာကြောင့် မုံရွာ၊မန္တလေး၊ ပြည်၊ မကွေးနဲ့ မြင်းခြံမှာ ဈေးကျနေ ကြောင်း တွေ့ရပါတယ်။ ပဲစင်းငုံနီကို ပြည်ပအဆွဲပြန်နည်းသွားတာကြောင့် ဘုရင့်နောင်၊ မန္တလေး၊ မုံရွာ၊ ပြည်၊ ပခုက္ကူ၊ မြင်းခြံ၊ အောင်လံနဲ့ မကွေးမှာ ဈေးကျလာကြောင်း တွေ့ရပါတယ်။ ကုလားပဲဖြူလုံးကြီးကို အိတ်စပို့အဆွဲ အားပျော့သွားသလို ပြည်တွင်းခွဲစက်များကလည်း ဝယ်အားပါးသွားတာကြောင့် ဘုရင့် နောင်၊ မန္တလေး၊ မုံရွာ၊ ပခုက္ကူ ၊ မြင်းခြံနဲ့ ရေစကြိုမှာ ဈေးကျနေ ကြောင်း သိရပါတယ်။ ထိုင်ဝမ်(ကုလားပဲ)ကို မြို့ခံပဲခွဲစက်များနှင့် ဒေသတွင်း အမှုန့်ကြိတ်စက်သမားများက ဝယ်အားပုံမှန်ရှိတာကြောင့် မကွေး၊ ပခုက္ကူ ၊အောင်လံနဲ့ ရေစကြိုမှာ ဈေးမြင့်နေပြီး မန္တလေး၊ မုံရွာ မြင်းခြံနဲ့ပြည်မှာ ဈေးမဆိုသုသလောက်က်ကျနေတာတွေ့ရပါတယ။် ပြောင်းကို တရုတ်ဝယ်လက်က ဝယ်အားပုံမှန်ရှိပေမယ့် ဈေးကွက်သို့ ပစ္စည်းအဝင်များလာတာကြောင့် တောင်ကြီး၊ မူဆယ်၊ မန္တလေး၊ မြင်းခြံနဲ့ဟင်္သာတမှာ ဈေးကျနေပြီး လားရိူးမှာ ဈေးမြင့် နေကြောင်း တွေ့ရပါတယ်။ နှမ်းဖြူကို တရုတ်က အရည်အသွေးအလိုက် စိစစ်ပြီး ဝယ်ယူမှုတွေရှိတာကြောင့် မန္တလေးနဲ့ မုံရွာမှာ ဈေးကျ နေပြီး မကွေးမှာ ဈေးမြင့် နေကြောင်း တွေ့ရပါတယ်။ သိပ္ပံနှမ်းကို ရန်ကုန်အဆွဲပုံမှန်ရှိတာကြောင့် အောင်လံ ဈေးကွက်မှာ ဈေးမြင့်လာကြောင်း တွေ့ရပါတယ်။
Background