ပဲလွန်းဖြူအရောင်းအဝယ်နည်းပေမဲ့ ယခုတစ်ပတ်တင်ပို့မှု တိုးတက်
ပင်လယ်ရေကြောင်းက ပဲလွန်းဖြူ တင်ပို့မှုမှာ ယခင်သီတင်းပတ်က တန်ချိန် ၁၈၀ ခန့်သာရှိခဲ့ရာမှ ယခု အောက်တိုဘာလ ပထမပတ် (အောက်တိုဘာ ၂ ရက်မှ ၇ ရက်) အတွင်းမှာ တော့ တန်ချိန် ၄၁၀ ကျော်ထိ တင်ပို့မှု တိုးတက်ခဲ့ပါတယ်။ လက်ရှိဘဏ္ဍာနှစ် အတွင်း တင်ပို့မှုအနေနဲ့ တန်ချိန် ၁၅၂၀၀ ကျော်ရှိပြီး ယခင်ဘဏ္ဍာနှစ် ကာလတူအောက်တိုဘာ၇ ရက်အထိ မှာ တန်ချိန် ၁၅၇၀၀ ခန့်ရှိလို့ ယခုနှစ်မှာ အနည်းငယ်လျော့ကျတင်ပို့မှု ရှိခဲ့တာ တွေ့ရပါတယ်။ ရန်ကုန်တိုင်းဒေသကြီး FOB ဈေး ကွက်မှာ ယခုတစ်ပတ် (အောက်တို ဘာ ၇ ရက်မှ ၁၃ ရက်) အတွင်း တန် ချိန် ၁၃၀ ကျော် အရောင်းအဝယ် စာချုပ် ချုပ်နိုင်ခဲ့ပြီး အောက်တိုဘာလ ၁ ရက်မှ ၁၃ ရက်အထိမှာတော့ တန် ချိန် ၅၂၀ ကျော် အရောင်းအဝယ် ရှိခဲ့တယ်လို့ သိရပါတယ်။ အောက်တိုဘာ ၁၄ ရက် FOB ဈေးမှာ ယခင်သီတင်း ပတ် ဈေးအတိုင်း FAQ တစ်တန် ကန်ဒေါ်လာ ၈၄၀-၈၆၀ နဲ့ SQ တစ်တန် ကန်ဒေါ်လာ ၉၅၀-၉၇၀ နဲ့ ငြိမ်နေ ကြောင်း သိရပါတယ်။ MIRT-MAPT
