ပြည်ပပို့ကုန်တိုးမြှင့်တင်ပို့ရေးကို ဦးတည်လျက်ဖြေလျော့မှုများ ဆောင်ရွက်ပေးလျက်ရှိရာ ၂၀၁၁ ခုနှစ် ဇူလိုင် ၁ ရက်မှစပြီး ပို့ကုန်များအပေါ် ဝင်ငွေခွန် နှစ်ရာခိုင်နှုန်းနှင့် ကုန်သွယ်လုပ် ငန်းခွန် ငါးရာခိုင်နှုန်းသာပေးဆောင်ဖို့ လျှော့ပေါ့သတ်မှတ်ပေးခဲ့ပါတယ်။ ဆက်လက်ပြီး နိုင်ငံရဲ့ အဓိကပို့ကုန် ခုနစ်မျိုးဖြစ်တဲ့ ဆန်၊ ပဲအမျိုးမျိုး၊ ပြောင်း၊ နှမ်း၊ ရော်ဘာ၊ ရေထွက်ပစ္စည်း၊ တိရစ္ဆာန်နဲ့ တိရစ္ဆာန်ထွက်ပစ္စည်းများ (ကန့်သတ်ကုန်ပစ္စည်းများ မှအပ) တို့အပေါ် ကုန်သွယ်လုပ်ငန်းခွန်ကင်းလွတ်ခွင့်ကို ၁၄-၂-၂၀၁၂ နေ့အထိ ခွင့်ပြုပေး ခဲ့ပါတယ်။ CMP လက်ခစားစနစ်အပေါ် ကုန်သွယ်ခွန်ကင်းလွတ်ခွင့်ကိုလည်း ၁၈-၂-၂၀၁၂ နေ့အထိ ခွင့်ပြုပေးခဲ့ပြီးဖြစ်ပါတယ်။ ထပ်မံပြီး ၂၀၁၁ ခုနှစ် နိုဝင်ဘာလအတွင်းမှာ ပြည်ပသို့ ဆားတင်ပို့မှုအပေါ် ကုန်သွယ် လုပ်ငန်းခွန်ကင်း လွတ်ခွင့်ပြုလိုက်ပြီဖြစ်လို့ နှစ်ရာခိုင်နှုန်းသာ ကောက်ခံတော့မယ်ဆိုတဲ့ သတင်းကောင်းကို ကြားသိရပါတယ်။ ဒါကြောင့် ဆားတင်ပို့မှုလုပ်ငန်း ပိုမိုအောင်မြင်တိုးတက်လာပြီး ဆားထုတ်လုပ်သူများရဲ့ လူနေမှုဘ၀ မြင့်မားလာခြင်း၊ ဆင်းရဲမှုလျော့ပါးခြင်းစတဲ့ အလားအလာကောင်းများ ရရှိ တော့မယ့်အကြောင်း ဆားထုတ်လုပ်သူများနဲ့ ဆားတင်ပို့သူများ ကို အသိပေးလိုက်ပါတယ်။ ဒေါက်တာခင်ဦးမေ
Background