တဖြည်းဖြည်းနှင့ ် တက်ရိပ်ပြလာသော ဒေါ်လာဈေးကွက် ဆက်လက် မြင့ ်တက်နိုင်သည်ဟုဆို

                ယခုတစ်ပတ်တွင် အမေရိကန် ဒေါ်လာဈေးကွက်သည် တဖြည်းဖြည်း နှင့် တက်ရိပ်ပြလာသည်ကို တွေ့ရ သည်။ ကားသွင်းခွင့်ရရန် ဒေါ်လာများ ဝယ်ယူစုဆောင်းနေခြင်းနှင့် ပို့ကုန်ရငွေ ရောင်းလိုအား နည်းပါးနေခြင်းတို့ ကြောင့် ဒေါ်လာဈေး မှာ တဖြည်းဖြည်း တက်ရိပ်ပြလာကြောင်း ဈေးကွက် အတွင်းမှ စုံစမ်းသိရှိရသည်။ ထို့ပြင် ကားဝယ်မည့်သင်္ဘောသား များအနေဖြင့်လည်း ဒေါ်လာကို ယခင် ကကဲ့သို့ အပြင်ကို ထုတ်မရောင်းတော့ ဘဲ ဘဏ်သို့သွင်း၍ ကားတင်သွင်းနိုင် ရန် ပြုလုပ်နေခြင်းကြောင့် အရောင်း နည်းပါးပြီးအဝယ်လိုက်နေခြင်းကြောင့် ဖြစ်ကြောင်း သိရသည်။                " အခုဆို နှစ်ပတ်ရှိပြီ။ဒေါ်လာဈေး ကတဖြည်းဖြည်းချင်းပြန်တက်လာတာ။ ဒါကလည်း ကားတင်သွင်းမယ့်ကုမ္ပဏီ တွေက ဒေါ်လာတွေကို ဝယ်စုနေသလို သင်္ဘောသားတွေကလည်း ဒေါ်လာကို ခါတိုင်းလို ဟွန်ဒီနဲ့မလွှဲတော့ဘဲ ဘဏ်မှာဖွင့်ထားတဲ့ သူတို့အကောင့်ထဲကို ထည့်နေတာ။ သူတို့က အခွန်ကလည်း ၂ရာခိုင်နှုန်းပဲဆောင်ရတော့မှာဆိုတော့ ဘဏ်ထဲကိုပဲသွင်းပြီး အပြင်ကို ထုတ်မရောင်းကြတော့ဘူး။ အဲဒါကြောင့် ဒေါ်လာဈေးက အဝယ်ပဲရှိပြီးအရောင်း ကမရှိတဲ့အခါကျတော့ ဈေးကတက် လာတာပေါ့။ နောက်ပိုင်းထပ်တက်လိမ့် ဦးမယ်ထင်တယ်"ဟု ဒေါ်လာဈေးနှုန်း များ တဖြည်းဖြည်းတက်ရခြင်းနှင့်ပတ် သက်ပြီး ဒေါ်လာပွဲစားတစ်ဦးက သုံး သပ်ပြခဲ့သည်။                       ငွေလဲစင်တာများတွင် ပြီးခဲ့သည့် အမေရိကန်ဒေါ်လာရောင်းဈေးမှာ နို ဝင်ဘာလ ၂၁ ရက်က ၇၉၅ ကျပ် သာရှိခဲ့သော်လည်း နိုဝင်ဘာ၂၅ ရက် တွင် ၁၀ ကျပ်တက်လာခဲ့ပြီး ၈၀၅ ကျပ် ဖြင့် ရောင်းချခဲ့သည်။ဝယ်ဈေးမှာလည်း နိုဝင်ဘာ ၂၁ရက်က ၇၈၅ ကျပ်ရှိခဲ့ပြီး နိုဝင်ဘာ ၂၅ရက်တွင် ၇၉၂ကျပ်အထိ တက်ခဲ့သည်ကို တွေ့ရသည်။ ထို့ပြင် မြန်မာနိုင်ငံတော်ဗဟိုဘဏ် မှလည်း ပုဂ္ဂလိကဘဏ် ၁၁ ခုတို့အား နိုင်ငံခြားငွေရောင်းဝယ်ဖောက်ကားခွင့် လိုင်စင်ကို နိုဝင်ဘာ ၂၅ရက်မှစတင် ကာ လွတ်လပ်စွာ ရောင်းဝယ်ဖောက် ကားခွင့်ရှိကြောင်း ကြေညာချက် ထုတ်ပြန်ခဲ့သည်။ အဆိုပါ ပုဂ္ဂလိကဘဏ် ၁၁ ခုမှာ ကမ္ဘောဇဘဏ်လီမိတက်၊ သမဝါယမဘဏ် လီမိတက်၊ မြန်မာ့စက်မှုလက်မှုဖွံ့ဖြိုးရေးဘဏ်လီမိတက်၊ မြဝတီဘဏ်လီမိတက်၊ အင်းဝဘဏ် လီမိတက်၊ မြန်မာအရှေ့တိုင်းဘဏ်လီမိ တက်၊ အာရှစိမ်းလန်းမှုဖွံ့ဖြိုးရေးဘဏ် လီမိတက်၊ ဧရာဝတီဘဏ်လီမိတက်၊ မြန်မာ့ရှေ့ဆောင်ဘဏ် လီမိတက်၊ ယူနိုက်တက်အမရဘဏ် လီမိတက်နှင့် ထွန်းဖောင်ဒေးရှင်းဘဏ် လီမိတက်တို့ ဖြစ်ကြသည်။                      အဆိုပါဘဏ်များတွင် တရားဝင် ငွေလဲလှယ်ခွင့်ပြုထားသော်လည်း ပြင် ပဒေါ်လာဈေးကွက်မှာ ရှင်သန်နေဆဲ ဖြစ်ကြောင်း သိရှိရသည်။ ထိုကဲ့သို့ဖြစ် ရခြင်းမှာ ငွေလဲစင်တာများတွင် တစ် နေ့လျှင် ဒေါ်လာ ၅၀၀ ကိုသာ လာ ရောက်ရောင်းချနိုင်ပြီး ရောင်းချရာတွင် လည်း အကန့်အသတ်များ များစွာရှိနေ ခြင်းတို့ကြောင့် စင်တာများတွင် ငွေလဲ ခြင်းထက် ပြင်ပဈေးကွက်တွင်သာငွေ လဲနေခြင်းတို့ကြောင့်ဖြစ်ရကြောင်း လေ့ လာတွေ့ရှိရသည်။                   ပို့ကုန်ဝင်ငွေဈေးနှုန်းမှာလည်းတစ် ပတ်အတွင်း မြင့်တက်လာခဲ့ရာ နိုဝင် ဘာ ၂၁ ရက်တွင် ၈၂၉ကျပ်သာရှိခဲ့ရာ မှ နိုဝင်ဘာ ၂၅ရက် ဈေးနှုန်းပိတ် ချိန်တွင် ၈၃၆ကျပ်အထိ ထိုးတက်သွား ခဲ့သည်။ ထိုကဲ့သို့ ပို့ကုန်ရငွေ ဈေးနှုန်းများ မြင့်တက်လာရခြင်းမှာ ယူရိုငွေလဲလှယ် နှုန်းနှင့်လည်း သက်ဆိုင်နေကြောင်း ပို့ ကုန်လုပ်ငန်းရှင်တစ်ဦးက သုံးသပ်ပြခဲ့ သည်။ ကျောက်မျက်ရတနာ လုပ်ငန်း ရှင်များသည် ၎င်းင်းတို့ရရှိထားသည့်ပို့ကုန် ဝင်ငွေများကို ယူရိုငွေတက်လာချိန်ကို စောင့်ပြီး ဒေါ်လာနှင့် လဲလှယ်ခဲ့ကြ ကြောင်း၊ ထို့ပြင် ကားအရောင်းစင်တာ ဖွင့်ခွင့်ရသည့်ကုမ္ပဏီများကလည်းပို့ကုန် ရဝင်ငွေများကိုသာ လိုက်လံဝယ်ယူနေ ကြသည့်အတွက် ယခုကဲ့သို့ Earning  ဈေးနှုန်းများ မြင့်တက်နေရခြင်းဖြစ် ကြောင်း ပို့ကုန်လုပ်ငန်းရှင်တစ်ဦးကသုံး သပ်ပြခဲ့သည်                   " ကျောက်မျက်သမားတွေကလည်း သူတို့ရတဲ့ Earning တွေကို ယူရိုနဲ့လဲ ဖို့ ယူရိုငွေအတက်ကို စောင့်နေကြတယ်။ ယူရိုငွေအတက်မှာ ဒေါ်လာကို လဲပြီး မရောင်းသေးဘူး။ လက်ထဲမှာ ကိုင်ထားတယ်။ အခု ဈေးတက်ပြီဆို တော့ ကျောက်မျက်သမားတွေအတွက် အဆင်ပြေသွားတာပေ့ါ။ ပြည်ပကတင် သွင်းမယ့်ကုန်ပစ္စည်းတွေအတွက် လို အပ်တဲ့ Earning ကို ဒီကျောက်မျက် သမားတွေဆီကပဲ ဝယ်ရတာ။ သူတို့ ကလည်း ယူရိုအတက်ကို စောင့်ပြီး ဒေါ်လာနဲ့ လဲကြတာဆိုတော့ ယူရို မတက်သေးသရွေ့ သူတို့က ကိုင်ထား ကြမှာပဲ၊ အဲဒါကြောင့်အခုလို Earning ဈေးတက်နေရတာပါ" ဟု ပြောသည်။ MTD,KM2O