မြန်မာ-တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေးဇုန်မှ ကန်ဒေါ်လာ ၁ ဒသမ ၇၅၆ သန်း တန်ဖိုးရှိ ပရဆေး ၄၁၃ ဒသမ ၅၃ တန် အပို့ရှိခဲ့ပါတယ်။ ယခုအပတ် မူဆယ် နယ်စပ်မှ ဆီးဆံ ၄၆ တန်ခန့်၊ ကြောင်လျှာစေ့ ၄ တန် ကျော်၊သီဟိုဠ်စေ့အခွံမပါ ၅၈ တန်ကျော်၊ ကြောင်ပန်းစေ့ ၂၅ တန်ခန့် ၊ ချဉ်ပေါင်ဖာလာအခွံပါ ၁၇၂ တန်ခန့်၊ အခွံမပါ ၆ တန်ကျော်၊ မိကျောင်းကွမ်းဖတ်စေ့ တန် ၃၀ ကျော်၊ တောချင်း ၃ တန်ကျော်၊ အုံတုံခေါက် ၂၃ တန်၊ ဒရင် ကောက်မြစ် ၁၉ တန်၊ တောဂျူးမြစ် ၂၆ တန်ခန့်နဲ့ တောင်လုံးကျော် ၁ တန်ကျော် တင်ပို့နိုင်ခဲ့တယ်လို့ သိရပါတယ်။ ယခင်အပတ်ကထက် သီဟိုဠ်စေ့ (အခွံမပါ)၊ မိကျောင်း ကွမ်းဖတ်စေ့နဲ့ တောဂျူးမြစ်တို့ တင်ပို့မှုပိုမိုခဲ့ပြီး ယခင် အပတ်က အပို့မရှိခဲ့တဲ့ အုံတုံခေါက်နဲ့ တောင်လုံးကျော်များ ကို ယခုအပတ်မှာ တင်ပို့နိုင်ခဲ့ပါတယ်။ ယခင်အပတ်ကထက် ဆီးဆံ၊ ကြောင်လျှာစေ့၊ ချဉ်ပေါင်ဖာလာ (အခွံမပါ ၊ အခွံပါ)၊ တောဂျင်းနဲ့ ဒရင်ကောက်မြစ် များကို အပို့လျော့ခဲ့တယ်လို့ သိရပါတယ်။ တမူးနယ်စပ်မှ ယခုအပတ်မှာ ကန်ဒေါ်လာ ၀ ဒသမ ၀၀၀၃ သန်းတန်ဖိုးရှိ တောင်လုံးကျော် ၁ တန် ကျော်အသွင်း ရှိခဲ့တယ်လို့ သိရပါတယ်။ MIRT(DOBT)
Background