ပြည်ပဲစင်းငုံဈေးမှာ တစ်တင်းကို ၁၃၂၀၀ ကျပ်နဲ့ ၁၃၅၀၀ ကျပ်တွင် ဈေး အတက်အကျဖြစ်ကာ ဈေးမငြိမ် တာကို တွေ့ရပါတယ်။ ယခုနိုဝင်ဘာလမှာ ပြည်ဈေးကွက်ကို မကွေးတိုင်းဒေသကြီးဘက်မှ ပဲစင်းငုံနေ့စဉ် အဝင်မရှိဘဲ တစ်ပတ်ခြား၊ နှစ်ပတ်ခြား အဝင်အနည်းငယ်ရှိခဲ့ပါတယ်။ နိုဝင်ဘာလအတွင်းမှာမကွေးတိုင်းဒေသ ကြီးမှ အိတ် ၂၄၀၀ ကျော် အဝင်ရှိခဲ့ပြီး၊ ရန်ကုန်ကို အိတ် ၄၅၀ ခန့်သာ တင်ပို့နိုင်ခဲ့ ကြောင်း သိရပါတယ်။ ဒါ့အပြင် ပြည်ဈေးကွက်မှာ ဒေသတွင်း လက်ကျန်ပဲများ ကျန်ရှိနေသေးခြင်း၊ အခြားတိုင်းမှ အဝင်များကျန်ရှိနေခြင်းကြောင့် ပြည်ဈေးကွက် မှာ ပဲစင်းငုံလက်ကျန်များနေကြောင်း သိရပါတယ်။ ပဲစင်းငုံလက်ကျန်များနေသော် လည်း ဈေးကောင်းမရတဲ့အတွက် အရောင်းအဝယ်ပိုင်းမှာတော့ အေးနေခဲ့ပါတယ်။ ဆုမွန်ဆွေ
Background